कामगारांच्या रोजीरोटीचा प्रश्न निर्माण होणार
सांगली जिल्ह्यात सुमारे ३ ते ३.५ हजार हॉटेल्स असून त्यावर लाखाहून अधिक कामगार अवलंबून आहेत. हॉटेल्स बंद झाल्यास या कामगारांच्या रोजीरोटीचा प्रश्न निर्माण होणार आहे. याशिवाय भाजीपाला उत्पादक शेतकरी, धान्य पुरवठादार, मटण-चिकन व अंडी विक्रेते अशा अनेक घटकांवरही या परिस्थितीचा साखळी परिणाम होण्याची भीती व्यक्त केली जात आहे.
रेशनिंग तत्वावर रोज एक व्यावसायिक गॅस द्या; हॉटेल असोसिएशनचे जिल्हाधिकाऱ्यांना निवेदन
दरम्यान, हॉटेल असोसिएशनने जिल्हाधिकाऱ्यांना निवेदन देत किमान कामगारांच्या जेवणासाठी तरी रेशनिंग तत्त्वावर दररोज एक व्यावसायिक गॅस सिलेंडर उपलब्ध करून देण्याची मागणी केली आहे. याबाबत जिल्हाधिकाऱ्याऱ्यांनी हा प्रस्ताव शासनाकडे पाठवून लवकरच मार्ग काढण्याचे आश्वासन दिल्याची माहिती व्यावसायिकांनी दिली. सध्याच्या परिस्थितीत हॉटेल व्यवसाय टिकवण्यासाठी आणि हजारौ कामगारांचा रोजगार वाचवण्यासाठी शासनाने तातडीने उपाययोजना करणे गरजेचे असल्याचे मत हॉटेल व्यावसायिकांकडून व्यक्त होत आहे.
सांगलीमधील नामांकित हॉटेलांचे शटर आता बंद
व्यावसायिक गॅस सिलिंडरचा पुरवठा ठप्प झाल्याने सांगली शहरातील हॉटेल व्यवसाय अडचणीत सापडल आहे. गॅस उपलब्ध नसल्यामुळे शहरातील काही नामांकित हॉटेलांना तात्पुरते शटर खाली ओढण्याची वेळ आली आहे. गॅसअभावी काही हॉटेल चालकांनी पर्याय म्हणून शहराबाहेरील ठिकाणी चुलीवर स्वयंपाक करण्याचा मार्ग अवलंबला आहे. मात्र या व्यवस्थेमुळे खर्च, वेळ आणि मनुष्यबळ यांचा मोठा ताण सहन करावा लागत असल्याचे व्यावसायिक सांगतात. लवकरच गॅस पुरवठा सुरळीत झाला नाही, तर आणख हॉटेलांना कुलूप लावण्याची वेळ येईल, अशी भीती हॉटेल व्यावसायिकांनी व्यक्त केली आहे. त्यामुळे प्रशासनाने तातडीने हस्तक्षेप करून व्यावसायिक गैस सिलिडरचा पुरवठा नियमित करावा, अशी मागण जोर धरू लागली आहे.
