सिनेविश्वात जसं तुमच्या अभिनयाला महत्व असतं तसंच तुम्ही कसे दिसता आणि कसे आहात हे देखील पाहिलं जातं. अनेक या क्षेत्रात अभिनेत्रींना त्याच्या लुकमुळे खूप जज देखील केलं जातं. मात्र अभिनेत्री अशी आहे जिने यातून निश्चय करत तिचं वजन तब्बल 68 किलोंनी कमी केलं. ती अभिनेत्री म्हणजे आरती सोळंकी. आरतीने नुकतंच एका मुलाखतीत सांगितलं की तिचं आधी वजन 132 किलो होतं पण तिने फिटनेसकडे योग्य प्रकारे लक्ष दिलं आणि तिला 68 किलो वजन कमी करता आलं. आरती म्हणते की, फिटनेस म्हणजे फक्त चांगलं दिसण्यासाठीच नाही तर तुमच्या निरोगी आरोग्यासाठी योग्य आहार आणि व्यायाम देखील तितकाच महत्वाचा आहे.
आरती म्हणाली की, तिने वजन कमी करण्यासाठी 5 वर्ष मेहनत घेतली. आरती पुढे असंही म्हणाली की, मी रोज संध्याकाळी 6 नंतर काहीच खात नाही. क्वचितच कधी भूक लागली तर सँडवीच किंवा पाणीपूरी खाते. शक्यतो हे खाणं देखील मी टाळते. आणि रोज रात्री 9 वाजता झोपते. असं एकंदरितच माझं रुटीन असतं. आताच्या काही दिवसात मला नाटकाच्या रिहर्सलमुळे फारसं चालायला नाही मिळत. आरतीच्या म्हणण्यानुसार, फिटनेसकडे लक्ष दिल्यामुळे फक्त शारीरिक व्य़ाधीच कमी होत नाही तर मानसिक आरोग्य देखील निरोगी राहतं. हा पाच वर्षांचा काळ खूप काही शिकवून गेला. फिटनेसकडे लक्ष देताना माझ्यात एक शिस्त निर्माण झाली. आजकाल मी स्वत:ला आवर्जुन आरशात पाहते. आरशात बघून छान तयार होते. असंही तिने सांगितलं.
