शनिवार, 24 ऑक्टोबर 2026
फोटो सौजन्य - JioHotstar Reality
‘बिग बॉस सीझन १९’ मध्ये एक मोठा ट्विस्ट येणार आहे. फरहाना भट्ट अजूनही सीक्रेट रूममध्ये आहे आणि घरात प्रवेश करण्यासाठी उत्सुक आहे. आता लवकरच फरहानाला पुन्हा बीबी हाऊसमध्ये सामील होण्याची संधी मिळण्याची शक्यता आहे. तसे, आता फरहानाला ‘बिग बॉस’ च्या सिक्रेट रूममधून कायमचे बाहेर पडण्याची संधी देखील मिळू शकते. आता गौरव खन्नाला तिचे भवितव्य ठरवण्याची संधी मिळेल. आता फक्त गौरव खन्नाच फरहानाला शोमध्ये पुन्हा एन्ट्री देऊ शकतो.
फरहाना जेव्हापासून सिक्रेट रूममध्ये गेली आहे, तेव्हापासून ‘बिग बॉस’ने तिला अनेक अधिकार दिले आहेत. तिच्यामुळे कॅप्टनसी टास्कदेखील रंजक ठरला. त्याचा बदला घेण्यासाठी फरहानाने खेळ सुरू होण्यापूर्वीच बसीर अलीला कॅप्टनसीच्या शर्यतीतून बाहेर काढले. आता, ‘बिग बॉस’ फरहानाला पुन्हा एकदा सुवर्ण संधी देणार आहे. खरं तर, आता या घरात एक नवीन App Room लाँच केले जाणार आहे. या रूममध्ये, स्पर्धकांना त्यांच्याशी संबंधित चांगल्या आणि वाईट ट्रेंडबद्दल सांगितले जाईल. अशा परिस्थितीत, ‘बिग बॉस’ फरहानाला एक मोठा निर्णय घेण्याची Power देणार आहे आणि यामुळेच आता बिग बॉसच्या घरातील स्पर्धकांचे आयुष्य पुन्हा एकदा उलथापालथ होण्याच्या दिशेने आहे.
There is another door of the house which is open, but did anyone get access to it from Farhana? 👀#BiggBoss19 #GauravKhanna pic.twitter.com/hW8Rz8msB7 — BiggBoss24x7 (@BB24x7_) August 28, 2025
स्पर्धकाचे नाव फरहानाच्या हाती
या खोलीत प्रवेश करू शकणाऱ्या एका स्पर्धकाचे नाव निवडण्याची संधी फरहाना भट्टला दिली जाईल. याचा एक प्रोमो आता समोर आला आहे. फरहाना लगेच गौरव खन्ना हे नाव घेईल आणि खोली लाल होणार आहे. याचा अर्थ असा की काहीतरी वाईट ट्रेंडिंग गोष्ट दिसेल. तुम्हाला सांगतो की, या खोलीत ‘बिग बॉस’ गौरव खन्नासमोर एक अतिशय कठीण निवड ठेवणार आहे. गौरवला ठरवावे लागेल की फरहाना खानला घरात पुन्हा प्रवेश द्यायचा की नाही. जर ती घरात परत आली तर घराचे रेशन अर्धे होईल.
Bigg Boss 19 : बिग बॉसच्या घरात प्रेक्षकांना मिळाला नवा हिरो! अभिषेक बजाज आणि बसीर अली भिडले
घरात खाण्यावरून गोंधळ
सध्या पहिल्या दिवसापासून तुम्ही बघत असाल तर खाण्यावरून प्रचंड गोंधळ सुरू आहे आणि आता रेशनवरून गोंधळ सुरू असताना गौरवचा निर्णय काय असणार याकडे सर्वांचे लक्ष आहे. या घरात अर्ध्याहून अधिक भांडणे जेवणावरून होत आहेत. अशा परिस्थितीत, जर गौरव खन्नाने रेशनऐवजी फरहानाची निवड केली तर संपूर्ण घर त्याच्या विरोधात जाऊ शकते. घरातील अर्ध्यापेक्षा अधिक सदस्य सध्या गौरवच्या विरोधात आहेत आणि त्याच्यावर माहीत असूनही जास्त डाळ खाण्याचा आरोपही केला गेला होता. आता जेवण आणि फरहाना दोघेही गौरवसाठी समस्या बनू शकतात. त्यामुळे गौरव काय निर्णय घेणार हे सर्वांना पहावं लागेल.
