गुरुवार, 22 ऑक्टोबर 2026
(फोटो सौजन्य - अकाउंट)
साऊथमधील सुप्रसिद्ध अभिनेता अजित कुमार यांच्या आगामी ‘गुड बॅड अग्ली’ या चित्रपटाची प्रेक्षक आतुरतेने वाट पाहत आहेत. आता चित्रपटाबाबत एक मोठी अपडेट समोर आली आहे. अमेरिकेत चित्रपटाच्या तिकिटांची विक्री सुरू झाली आहे, जाणून घ्या तिथे चित्रपट कोणत्या तारखेला प्रदर्शित होणार आहे. आणि हा चित्रपट भारतात कधी प्रदर्शित होणार आहे.
Celebrity Masterchef ला मिळाले पहिले २ फायनलिस्ट, ‘या’ ४ स्पर्धकांवर टांगती तलवार!
परदेशात चित्रपटाचे अ‍ॅडव्हान्स बुकिंग सुरू
‘गुड बॅड अग्ली’ ने प्रेक्षकांमध्ये एक वेगळाच उत्साह निर्माण केला आहे. Mythri Movie Makers ने त्यांच्या अधिकृत इंस्टाग्रामवर एक पोस्ट शेअर केली आहे, ज्यामध्ये म्हटले आहे की हा चित्रपट ०९ एप्रिल रोजी अमेरिकेत प्रीमियर होणार आहे. तसेच या चित्रपटाची तिकीट बुकिंग तिथे सुरू झाले आहे असे लिहिले आहे. आता भारतासमोर, अजितचा हा चित्रपट परदेशात आपला झेंडा फडकवण्यास सज्ज आहे.
View this post on Instagram
हा चित्रपट या दिवशी होणार भारतात प्रदर्शित
‘गुड बॅड अग्ली’ हा चित्रपट १० एप्रिल २०२५ रोजी भारतात थिएटरमध्ये प्रदर्शित होणार आहे, ज्यामध्ये तमिळ, तेलुगू, कन्नड, हिंदी आणि मल्याळम यासह अनेक भाषांमध्ये प्रदर्शित होणार आहे. या चित्रपटात अजितसोबत त्रिशा मुख्य भूमिकेत दिसणार आहे. चित्रपटाचे संगीत राष्ट्रीय पुरस्कार विजेते संगीतकार देवी श्री प्रसाद यांनी दिले आहे. छायाचित्रण अभिनंदन रामानुजम यांनी केले आहे आणि संकलन विजय वेलुकुट्टी यांनी केले आहे. मैत्री मुव्हीजच्या बॅनरखाली नवीन यांनी या चित्रपटाची निर्मिती केली आहे.
‘बॅटमॅन फॉरएव्हर’ अभिनेता Val Kilmer चे निधन, वयाच्या ६५ व्या वर्षी घेतला अखेरचा श्वास!
चित्रपटाची कथा काय आहे?
मीडिया रिपोर्ट्सनुसार, ‘गुड बॅड अग्ली’ चित्रपटाची कथा एका निर्भय डॉनची कथा आहे जो समाजात आपल्या कुटुंबासह शांततेत राहण्यासाठी आपले निर्दयी मार्ग आणि हिंसक जीवन बदलण्याचा प्रयत्न करतो. तथापि, त्याचा काळोखा भूतकाळ आणि क्रूर कृत्ये त्याचा पाठलाग करत राहतात. तो त्यांचा सामना करतो आणि त्यांच्यावर मात करतो. ही कहाणी सूड, निष्ठा आणि सत्तेच्या किंमतीची आहे. चित्रपटाच्या टीझरनुसार, चित्रपटात अभिनेता अनेक लूकमध्ये दिसतो आहे. अभिनेत्याची भूमिका आणि त्याचे मात्र पाहण्यासाठी चाहते उत्सुक आहेत.
