(फोटो सौजन्य -इंस्टाग्राम)
समय रैनाच्या ‘इंडियाज गॉट लेटेंट’ शोच्या अलीकडील भागात दिसलेले रणवीर इलाहाबादिया आणि अपूर्व मखीजा यांच्यासह सर्व पाहुण्यांसाठी हा कठीण काळ आहे. या शोमध्ये अपमानास्पद भाषा वापरली गेली आहे. तथापि, अपशब्दाच्या वापरामुळे वादात सापडलेला हा पहिलाच कार्यक्रम नाही. २०१५ च्या सुरुवातीलाही एक शो वादात सापडला होता. ज्यावर अभिनेता अमीर खान यांनी वक्तव्य केले होते. आता पुन्हा १० वर्षांनंतर अभिनेत्याचा हा व्हिडीओ सोशल मीडियावर चर्चेत आला आहे. आणि चाहत्यांचा त्याला भरभरून प्रतिसाद मिळत आहे.
तेव्हा रणवीर, करण आणि अर्जुनबाबत वाद सुरू होता
‘AIB’ हा शो देखील अपशब्दाच्या वापरामुळे वादात सापडलेला होता. २०१५ मध्ये त्याच्या एका एपिसोडमध्ये, करण जोहर आणि अनेक विनोदी कलाकारांनी रणवीर सिंग आणि अर्जुन कपूरवर अपमानास्पद टिप्पणी केली होती. त्याच्या प्रेयसीवर, त्याच्या किफायतशीर कारकिर्दीवर आणि त्याच्या लैंगिकतेवरही टिप्पण्या करण्यात आल्य होत्या. या कमेंट्स ऐकून लोकांना धक्का बसला. या घटनेनंतर अनेक तक्रारी दाखल झाल्या. धमक्या देण्यात आल्या. युट्यूबवरून व्हिडिओही काढून टाकण्यात आले. अभिव्यक्ती स्वातंत्र्याच्या नावाखाली भारतीय संस्कृतीचा अपमान केला जात असल्याचा आरोप लोकांनी केला. आणि हा शो वादात सापडला.
View this post on Instagram
मग आमिरने असे विधान केले
या भागानंतर अनेकांनी या शोबद्दल शंका उपस्थित केली. याबद्दलही बरेच काही बोलले गेले. त्यावेळी ज्या व्यक्तीची सर्वात जास्त चर्चा झाली ती म्हणजे मिस्टर परफेक्शनिस्ट आमिर खान. एका कार्यक्रमात आमिर खानने ‘एआयबी’ बद्दल आपले विचार व्यक्त केले. तो म्हणाला होता, ‘जर तुम्हाला वाटत असेल की मी २५ शिव्या ऐकल्यानंतर प्रभावित होईन तर मी शिव्यांमुळे प्रभावित होण्याचे वय माझे ओलांडले आहे, मी आता १४ वर्षांचा नाही की शिवी ऐकून हसून म्हणेन की हाहाहा मित्रा, त्याने मला शिवीगाळ केली.’ असे अभिनेता म्हणाला.
मी अशा विनोदांवर हसत नाही.
आमिर खान पुढे म्हणाला की, ‘जर तुम्हाला मला हसवायचे असेल तर कोणालाही दुखावल्याशिवाय ते काम करून दाखवा, मग मला ते आवडेल. जर तुम्ही एखाद्याच्या रंगावर किंवा एखाद्याच्या लैंगिकतेवर टिप्पणी केली आणि तुम्हाला वाटत असेल की मी तुमच्यासोबत यावर हसेन, तर मी यावर हसत नाही. मला असे शो पाहायला आवडत नाही.’ असे अभिनेता म्हणाला. दशकानंतरही, आमिर खानचे हे शब्द प्रासंगिक आहेत. ‘इंडियाज गॉट लेटेंट’ वादावर आमिर खानचे शब्द आपल्याला विनोदाची रेषा कुठं पर्येंत ओढायची हे सांगत आहेत. अभिनेत्याच्या आता या व्हिडीओला चाहत्यांचा भरभरून प्रतिसाद मिळत आहे.
