(फोटो सौजन्य - इन्स्टाग्राम)
अमिताभ बच्चन यांनी त्यांचा मुलगा अभिषेक बच्चन यांचे कौतुक केले आणि लिहिले की अभिषेकने प्रत्येक भूमिका खूप मेहनत आणि समर्पणाने साकारली आहे. त्यांनी असेही म्हटले की अभिषेक नेहमीच असे चित्रपट आणि पात्र निवडतो जे सोपे नव्हते, परंतु तरीही त्याने ते साकारण्याचे धाडस दाखवले आहे. अमिताभ नेहमीच अभिषेकला प्रोत्साहन देताना दिसत असतात. आता याचदरम्यान अभिनेत्याचा आगामी चित्रपट ‘कालिधर लापता’ प्रेक्षकांच्या भेटीस येणार आहे. ज्याचे कौतुक अमिताभ बच्चन यांनी केले आहे.
अमिताभ बच्चनने केले मुलाचे कौतुक
अमिताभ यांनी एक्स अकॉउंटवर अभिषेकचा एक फोटो शेअर केला ज्यामध्ये अभिषेकने राखाडी रंगाची हुडी, पॅन्ट आणि टोपी घालून उत्सुक दिसत आहे. फोटोसोबत अमिताभ यांनी त्यांचे वडील हरिवंश राय बच्चन यांची एक प्रसिद्ध ओळ लिहिली, ‘माझी मुले मुले होऊन माझे उत्तराधिकारी होणार नाहीत, ते माझे उत्तराधिकारी असतील ते माझे पुत्र असतील.’
‘Metro ची कथा आजच्या पिढीशी जोडलेली…’, अनुपम खेर यांनी दिग्दर्शक अनुराग बसूचे केले कौतुक
‘कालिधर लापता’ या चित्रपटाच्या ट्रेलरवर अमिताभ यांनीही प्रतिक्रिया दिली आहे. अभिषेकच्या आगामी ‘कालिधर लापता’ या चित्रपटाचा ट्रेलर अमिताभ यांनी इंस्टाग्रामवर शेअर केला आणि लिहिले, ‘अभिषेकला माझ्या शुभेच्छा… तुमची भूमिका आणि चित्रपटांची निवड वेगळी आहे आणि त्यात पूर्णपणे बुडून जाणे ही खूप खास गोष्ट आहे. खूप प्रेम आणि आशीर्वाद.’ असे लिहून अभिनेत्याने स्वतःच्या मुलाचे कौतुक केले.
my prayers Abhishek .. your ability to choose different roles and films and to immerse yourself in them .. and succeed .. a very rare quality ..love and blessings 🙏🙏 https://t.co/E46UqFl6OL — Amitabh Bachchan (@SrBachchan) June 21, 2025
‘कालिधर लापता” या चित्रपटाची कथा काय आहे?
हा चित्रपट मधुमिता दिग्दर्शित करत आहे. या चित्रपटामध्ये अभिषेक बच्चन कालिधर नावाच्या एका मध्यमवयीन माणसाची भूमिका साकारत आहे, जो स्मृतिभ्रंशाने ग्रस्त आहे आणि आयुष्यात अनेकदा त्याला एकाकीपणा आणि प्रियजनांच्या उदासीनतेचा सामना करावा लागला आहे. जेव्हा त्याला कळते की त्याचे स्वतःचे लोक त्याला गर्दीच्या कुंभमेळ्यात सोडून जाण्याचा विचार करत आहेत, तेव्हा तो स्वतः गायब होण्याचा निर्णय घेतो.
यानंतर, त्याला बल्लू नावाच्या एका ८ वर्षांच्या निर्भय आणि हुशार मुलगा भेटतो, जो रस्त्यावर एकटाच राहतो. दोघांची भेट योगायोगाने वाढते, परंतु हळूहळू हे नाते खोल आणि खास बनते. याच नात्यांमधील गंमत प्रेक्षकांना पाहायला मिळणार आहे. हा चित्रपट ४ जुलैपासून ZEE5 वर प्रदर्शित होणार आहे. या चित्रपटाचा आनंद नक्कीच प्रेक्षकांना घेता येणार आहे.
