(फोटो सौजन्य- इन्स्टाग्राम)
प्रेक्षक बऱ्याच काळापासून दक्षिणेतील स्टार थलापती विजय यांच्या “जन नायकन” या चित्रपटाची वाट पाहत आहेत. हा अभिनेत्याच्या शेवटचा चित्रपट असणार आहे, कारण त्यानंतर विजय अभिनयातून निवृत्त होणार आहे. “जन नायकन” पुढील वर्षी थिएटरमध्ये येणार आहे. याआधी, चित्रपटाचा ओटीटी राइड्स उघड झाला आहे आणि थलापती विजय यांचा चित्रपट कोणत्या ओटीटी प्लॅटफॉर्मवर प्रदर्शित होईल याची माहिती देखील उघड झाली आहे. तसेच हा चित्रपट पाहण्यासाठी चाहते खूप उत्सुक आहेत.
मायाच्या जाळ्यात अडकली मीरा, वाचवण्यासाठी अथर्वची धावपळ; ‘तुला जपणार आहे’ मालिकेत नवा ट्विस्ट
“जन नायकन” चे डिजिटल राइड्स कोणी मिळवले?
एम ९ न्यूजनुसार, थलापती विजय यांच्या शेवटच्या चित्रपटाचे, “जन नायकन” चे चित्रीकरण पूर्ण झाले आहे. हा चित्रपट ९ जानेवारी २०२६ रोजी पोंगलला थिएटरमध्ये प्रदर्शित होणार आहे. त्यानंतर हा चित्रपट ओटीटी प्लॅटफॉर्म अमेझॉन प्राइम व्हिडिओवर प्रदर्शित केला जाणार आहे. “जन नायकन” च्या अधिकृत पोस्टरमध्ये अमेझॉन प्राइम व्हिडिओला चित्रपटाचा डिजिटल पार्टनर म्हणून सूचीबद्ध केले आहे. हे पुष्टी करते की अमेझॉन प्राइम व्हिडिओने चित्रपटाचे ओटीटी हक्क विकत घेतले आहेत.
‘जन नायकन’ चित्रपटाचा ओटीटी राइट्स किती कोटींमध्ये झाला?
यापूर्वी, निर्मात्यांच्या जास्त मागणीमुळे ‘जन नायकन’ चित्रपटाचा ओटीटी करार अडकल्याचे वृत्त होते. परंतु, आता अधिकृत पोस्टर प्रदर्शित झाल्यानंतर सर्व काही स्पष्ट झाले आहे. वृत्तानुसार, अमेझॉन प्राइमने ‘जन नायकन’ चित्रपटाचे डिजिटल हक्क मोठी रक्कम देऊन विकत घेतले आहेत. ओटीटी प्लॅटफॉर्मने सर्व भाषांमधील डिजिटल हक्कांसाठी ₹११० कोटी दिले. परंतु, निर्मात्यांनी याची पुष्टी केलेली नाही. तसेच आता हा चित्रपट पाहण्याची उत्सुकता चाहत्यांमधली वाढली आहे.
‘जन नायकन’ चित्रपट बॉक्स ऑफिसवर ‘द राजा साब’ चित्रपटाशी देणार
‘जन नायकन’ चित्रपटाचे दिग्दर्शन एच. विनोथ यांनी केले आहे. या राजकीय अ‍ॅक्शन ड्रामा चित्रपटात थलापती विजय माजी पोलिस अधिकाऱ्याची भूमिका साकारत आहेत. पूजा हेगडे आणि बॉलीवूड अभिनेता बॉबी देओल देखील महत्त्वाच्या भूमिकांमध्ये दिसणार आहेत. हा चित्रपट बॉक्स ऑफिसवर प्रभासच्या रोमँटिक-कॉमेडी ‘द राजा साब’ चित्रपटाशी टक्कर देणार आहे. हा चित्रपट ९ जानेवारी २०२६ रोजी चित्रपटगृहांमध्ये प्रदर्शित होणार आहे. तसेच आता हा चित्रपट पाहण्यासाठी चाहते खूप उत्सुक आहेत.
