PM Narendra Modi: पंतप्रधान मोदींनी संगमात केले पवित्र स्नान; गंगा मातेची पूजा करतानाचे फोटो व्हायरल!

पंतप्रधान मोदींनी प्रयागराजमधील संगमात स्नान केले आहे. त्याचेच व्हिडिओ आणि फोटो आता समोर आले आहेत. तसेच पंतप्रधान मोदींनी संगमात गंगा मातेची पूजा करताना दिसले आहेत.

(फोटो सौजन्य - इंस्टाग्राम)

Follow Us:

Follow Us:

पंतप्रधान नरेंद्र मोदी यांनी संगमात स्नान केले आणि गंगेची पूजा केली आहे. मुख्यमंत्री योगी पंतप्रधानांना नावेतून त्रिवेणी संगमाला घेऊन गेले. किनाऱ्यावर उपस्थित असलेले लोक पंतप्रधान मोदींना पाहण्यासाठी जमले होते. यावेळी मोदी-मोदीच्या घोषणाही ऐकू आल्या आहेत. पंतप्रधानांनी हस्तांदोलन करून लोकांचे स्वागत केले. महाकुंभ २०२५ पौष पौर्णिमेच्या दिवशी १३ जानेवारी रोजी सुरू होत आहे. हे २६ फेब्रुवारी रोजी महाशिवरात्रीपर्यंत सुरू राहील.

सूरज बडजात्या यांनी ‘हम आपके है कौन’मधील सलमानच्या नाईटी ड्रेसचा सांगितला किस्सा; अभिनेता कसा झाला राजी!

पंतप्रधान मोदींनी प्रयागराजमधील संगमात केले स्नान
संगममध्ये स्नान केल्यानंतर, पंतप्रधान मोदींनी सोशल मीडिया प्लॅटफॉर्म X वर त्यांची पोस्ट शेअर केली आहे. तसेच त्यांनी ही पोस्ट शेअर करताना लिहिले की, ‘आज प्रयागराज महाकुंभातील पवित्र संगममध्ये स्नान केल्यानंतर मला पूजा-अर्चना करण्याचे मोठे भाग्य मिळाले आहे. गंगा मातेचा आशीर्वाद मिळाल्याने मनाला अपार शांती आणि समाधान मिळाले आहे. त्यांनी सर्व देशवासीयांच्या सुख, समृद्धी, आरोग्य आणि कल्याणासाठी प्रार्थना केली. हर हर गंगे!’ असे लिहून त्यांनी ही पोस्ट शेअर केली आहे. या फोटोकडे सगळ्या देशवासीयांची नजर वेधली आहे.

 

View this post on Instagram

 

A post shared by Narendra Modi (@narendramodi)

पंतप्रधान मोदींच्या भेटीपूर्वी, पंतप्रधान कार्यालयाने सांगितले की महाकुंभ हा जगातील सर्वात मोठा आध्यात्मिक आणि सांस्कृतिक कार्यक्रम आहे. हे जगभरातील भाविकांना आकर्षित करते. भारताच्या आध्यात्मिक आणि सांस्कृतिक वारशाचे संवर्धन आणि जतन करण्यासाठी पंतप्रधानांनी वचनबद्धता दर्शविली आहे. या अनुषंगाने, पंतप्रधान मोदी यांनी तीर्थक्षेत्रांवरील पायाभूत सुविधा आणि सुविधा वाढवण्यासाठी सतत सक्रिय पावले उचलली आहेत.

Gene Barge: अमेरिकन सॅक्सोफोन वादक डॅडी जी यांचे वयाच्या ९८ व्या वर्षी निधन, शिकागोमध्ये घेतला कलाकाराने अखेरचा श्वास!

महाकुंभमेळ्यादरम्यान पंतप्रधान मोदींचा दुसरा दौरा
यापूर्वी, १३ डिसेंबर २०२४ रोजी पंतप्रधानांनी प्रयागराजला भेट दिली होती. त्यांच्या भेटीदरम्यान, पंतप्रधान मोदींनी सर्वसामान्यांसाठी कनेक्टिव्हिटी, सुविधा आणि सेवा सुधारण्यासाठी ५,५०० कोटी रुपयांच्या १६७ विकास प्रकल्पांचे उद्घाटन केले. आणि आता त्यांनी पुन्हा एकदा इथे हजेरी लावून सर्व देशवासीयांच्या सुख, समृद्धी, आरोग्य आणि कल्याणासाठी प्रार्थना केली आहे.

Web Title: Pm narendra modi in mahakumbh video prayagraj sangam

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com