(फोटो सौजन्य- सोशल मीडिया)
बॉलिवूडपासून दक्षिणेपर्यंत अनेक चित्रपट थिएटरमध्ये पुन्हा प्रदर्शित होत आहेत आणि लोकांचे मनोरंजन करत आहेत. आता सलमान खान आणि शाहरुख खानचा सुपरहिट चित्रपट ‘करण अर्जुन’ देखील पुन्हा एकदा चित्रपटगृहात प्रदर्शित होण्यासाठी सज्ज झाला आहे. या चित्रपटाच्या पुन्हा प्रदर्शनाची तारीख जाहीर करण्यात आली आहे. ‘करण अर्जुन’ हा चित्रपट पुन्हा थिएटरमध्ये प्रदर्शित झाल्याच्या बातमीने चाहते खूप उत्सुक झाले आहेत. सलमान खान आणि शाहरुख खान यांचा नवा चित्रपट 2024 साली प्रदर्शित होणार नाही, पण हे स्टार्स त्यांच्या जुन्या चित्रपटाने चाहत्यांना खूश करणार आहेत. जाणून घेऊया ‘करण अर्जुन’ चित्रपट पुन्हा कधी थिएटरमध्ये दाखल होणार आहे.
सलमान खानने शेअर केली पोस्ट
सलमान खानने त्याच्या ट्विटर हँडलवर ‘करण अर्जुन’ चित्रपटाचा टीझर शेअर केला आहे. त्यासोबत लिहिले आहे, ‘राखी यांनी बरोबरच सांगितले होते की, माझे करण अर्जुन येणार… चित्रपटात 22 नोव्हेंबरला जगभरातील चित्रपटगृहात येणार आहे!’ हा चित्रपट पुन्हा प्रदर्शित झाल्याची घोषणा झाल्यानंतर चाहत्यांमध्ये आनंदाचे वातावरण निर्माण झाले आहे. सलमान खान आणि शाहरुख खानचा ‘करण अर्जुन’ हा चित्रपट 1995 साली प्रदर्शित झाला होता. या चित्रपटाने बॉक्स ऑफिसवर प्रचंड कमाई केली. आणि आता तो पुन्हा चाहत्यांसाठी चित्रपटगृहात झळकणार आहे. या चित्रपटामधील स्टारकास्ट खूप तगडे असून, प्रेक्षकांना अजूनही हा चित्रपट तेवढाच आवडत आहे.
Raakhi ji ne sahi kaha tha film mein ki mere Karan Arjun aayenge …
November 22 ko duniya bhar ke cinema gharon mein!@RakeshRoshan_N #RajeshRoshan @iamsrk @itsKajolD #MamtaKulkarni #Rakhee #AmrishPuri @tipsofficial @PenMovies #30yearsOfKaranArjun pic.twitter.com/dQl8cdBlt6 — Salman Khan (@BeingSalmanKhan) October 28, 2024
हे देखील वाचा – फिटनेस क्वीन नर्गिस फाखरीने महिला चाहत्यांना दिला कॅलरी इनटेक हायड्रेशन बद्दल खास सल्ला!
सलमान खान आणि शाहरुख खानचे आगामी चित्रपट
सलमान खानच्या वर्कफ्रंटबद्दल बोलायचे झाले तर त्याचा पुढचा चित्रपट ‘सिकंदर’ 2025 च्या ईदला चित्रपटगृहात प्रदर्शित होणार आहे. एआर मुरुगादास हे या चित्रपटाचे दिग्दर्शन करत आहेत. 2023 मध्ये रिलीज झालेल्या ‘टायगर 3’ या चित्रपटात सलमान खान शेवटचा दिसला होता. आणि आता अभिनेता अनेक आगामी चित्रपटामध्ये झळकणार आहे.
हे देखील वाचा – प्रीती झिंटाने दिवाळीत शेजाऱ्याच्या घरात सोडले होते रॉकेट; घरच्यांनी केली मारहाण, अभिनेत्रीने शेअर केला मजेदार किस्सा!
त्याचबरोबर शाहरुख खान ‘किंग’ चित्रपटात काम करताना दिसणार असून त्याच्यासोबत मुलगी सुहाना खानही दिसणार आहे. शाहरुख खान शेवटचा 2023 मध्ये रिलीज झालेल्या ‘डंकी’ चित्रपटात दिसला होता. अशाप्रकारे या दोन्ही अभिनेत्यांचा एकही चित्रपट 2024 साली चित्रपटगृहात प्रदर्शित झालेला नसून, थेट हे दोघेही चाहत्यांसाठी २०२५ मध्ये त्यांचे चित्रपट रिलीज करणार आहेत. सलमान खान आणि शाहरुख खानचे हे आगामी चित्रपट पाहण्यासाठी चाहते आतुर आहेत.
