(फोटो सौजन्य- इन्स्टाग्राम)
“एक दीवाने की दिवानियत” चित्रपटाची कमाई
Sacnilk.com नुसार, हर्षवर्धन राणे आणि सोनम बाजवा यांचा चित्रपट “एक दीवाने की दिवानियत” ने त्याच्या प्रदर्शनाच्या नवव्या दिवशी ₹२.७५ कोटींची कमाई केली आहे. तसेच, आयुष्मान खुराणा-रश्मिका मंदाना यांच्या “थामा” या चित्रपटाने त्याच्या नवव्या दिवशी ₹३.२५ कोटी कमावले आहेत. हे आकडे प्राथमिक आणि अंदाजे आहेत आणि या आकड्यात बदल होण्याची शक्यता आहे.
‘थामा’ चित्रपटाची कमाई
या चित्रपटांच्या एकूण कमाईचा विचार करता, ‘एक दीवाने की दिवानियत’ ने एकूण ₹५२.२५ कोटी कमावले आहेत. दरम्यान, ‘थामा’ ने एकूण ₹१०४.६० कोटी कमावले आहेत. ‘थामा’ ने १०० कोटींचा टप्पा ओलांडला आहे, तर ‘एक दीवाने की दिवानियत’ ने नुकताच ५० कोटींचा टप्पा ओलांडला आहे. हे दोन्ही चित्रपट प्रेक्षकांच्या पसंतीस उतरले आहेत.
वयाच्या ५२ व्या वर्षी महिमा चौधरीने केले दुसरे लग्न? अभिनेत्यासोबत दिसली अभिनेत्री; पाहा VIDEO
गेल्या ८ दिवसांत दोन्ही चित्रपटांची कमाई
दरम्यान, जर आपण गेल्या ८ दिवसांत या दोन्ही चित्रपटांच्या कलेक्शनवर नजर टाकली तर, ‘थामा’ने पहिल्या दिवशी २४ कोटी, दुसऱ्या दिवशी १८.६ कोटी, तिसऱ्या दिवशी १३ कोटी, चौथ्या दिवशी १० कोटी, पाचव्या दिवशी १३.१ कोटी, सहाव्या दिवशी १२.६ कोटी, सातव्या दिवशी ४.३ कोटी आणि आठव्या दिवशी ५.७५ कोटींचा गल्ला केला आहे. आणि चित्रपटगृह हाउसफुल केले आहेत.
‘एक दिवाने की दिवानियत’ ची एकूण कमाई?
दुसरीकडे, जर आपण ‘एक दिवाने की दिवानियत’ चित्रपटाबद्दल बोललो तर, या चित्रपटाने रिलीजच्या पहिल्या दिवशी ₹९ कोटी, दुसऱ्या दिवशी ₹७.७५ कोटी, तिसऱ्या दिवशी ₹६ कोटी, चौथ्या दिवशी ₹५.५ कोटी, पाचव्या दिवशी ₹६.२५ कोटी, सहाव्या दिवशी ₹७ कोटी, सातव्या दिवशी ₹३.५ कोटी आणि आठव्या दिवशी ₹४.५ कोटींची कमाई केली आहे. आणि आता हा चित्रपट पुढे काय कमाई करतो हे पाहणे उत्सुकतेचे ठरणार आहे.
