Marathi News »
Politics »
Maharashtra Government Has Announced The List Of Guardian Minister

सस्पेन्स संपला! पालकमंत्रीपदाची यादी जाहीर; कोणता नेता कोणता जिल्हा सांभाळणार? यादी पहाच

अखेर फडणवीस सरकारने राज्यातील पालकमंत्र्यांची यादी जाहीर केली आहे. या यादीनुसार शिंदेकडे मुंबई - ठाणे, फडणवीसांकडे गडचिरोली आणि अजित दादांकडे पुणे आणि बीड या जिल्ह्यांचे पालकमंत्रिपद मिळाले आहे.

By मयुर नवले

Updated On: Jan 18, 2025 | 10:15 PM

फोटो सौजन्य: Social Media

राजकीय नेत्यांमध्ये अनेक दिवसांपासून पालकमंत्रीपदावरून रस्सीखेच सुरु होती. शेवटी हा तिढा राज्य सरकारने सोडवला आहे. राज्यातील फडणवीस सरकारने अखेर राज्यातील पालकमंत्र्यांची यादी जाहीर केली आहे.

सरकारमधील त्रिकूट म्हणजेच देवेंद्र फडणवीस, एकनाथ शिंदे आणि अजित पवार यांच्यावर देखील पालकमंत्रीपदाची जबाबदारी असणार आहे. फडणवीसांकडे गडचिरोली, शिंदेंकडे मुंबई शहर आणि ठाणे, तर अजित दादांकडे पुणे आणि बीड या दोन जिल्ह्यांचे पालकमंत्रिपद असणार आहे.

तंत्रज्ञानाच्या मदतीने महाराष्ट्राचा समृद्ध आणि आधुनिक विकास; ‘इज ऑफ लिव्हिंग’मध्ये वाढ करण्याचा निर्धार

राज्यातील अनेक बड्या नेत्यांना पालकमंत्री होण्याची संधी मिळाली आहे. मात्र या सर्वात धनंजय मुंडेंना पालकमंत्रीच्या यादीतून वगळण्यात आले आहे. तर त्यांची बहीण पंकजा मुंडे यांना मराठा आरक्षणासाठी झालेल्या आंदोलनाचे केंद्र असलेल्या जालना जिल्ह्याचे पालकमंत्रिपद देण्यात आले आहे. चला जाणून घेऊया, कोणत्या नेत्यांना कोणत्या जिल्ह्याचे पालकमंत्रिपद मिळाले आहे.

मंत्रिमंडळात मराठा आरक्षणाच्या प्रस्तावाला ‘या’ बड्या नेत्याचा होता विरोध; नारायण राणेंचा गौप्यस्फोट

पालकमंत्र्यांची संपूर्ण यादी

गडचिरोली – देवेंद्र फडणवीस
नागपूर – चंद्रशेखर बावनकुळे
ठाणे – एकनाथ शिंदे
पुणे – अजित पवार
बीड – अजित पवार
सिंधुदुर्ग- नितेश राणे
अमरावती – चंद्रशेखर बावनकुळे
अहिल्यानगर – राधाकृष्ण विखे पाटील
वाशिम – हसन मुश्रीफ
सांगली – चंद्रकांत पाटील
सातारा -शंभुराजे देसाई
छत्रपती संभाजी नगर – संजय शिरसाट
जळगाव – गुलाबराव पाटील
यवतमाळ – संजय राठोड
कोल्हापूर – प्रकाश आबिटकर, सह पालकमंत्री माधुरी मिसाळ
अकोला – आकाश फुंडकर
भंडारा – संजय सावकारे
बुलढाणा – मकरंद जाधव
चंद्रपूर – अशोक ऊईके
धाराशीव – प्रताप सरनाईक
धुळे – जयकुमार रावल
गोंदिया – बाबासाहेब पाटील
हिंगोली – नरहरी झिरवळ
लातूर – शिवेंद्रसिंग भोसले
मुंबई शहर – एकनाथ शिंदे
मुंबई उपनगर -आशिष शेलार/ सह पालकमंत्री मंगलप्रभात लोढा
नांदेड – अतुल सावे
नंदुरबार – माणिकराव कोकाटे
नाशिक – गिरीष महाजन
पालघर – गणेश नाईक
परभणी – मेघना बोर्डीकर
रायगड – अदिती तटकरे
सिंधुदुर्ग- नितेश राणे
रत्नागिरी – उदय सामंत
सोलापूर – जयकुमार गोरे
वर्धा – पंकज भोयर
जालना – पंकजा मुंडे

एखाद्या नेत्यासाठी पालकमंत्रिपद इतके महत्वाचे का?

पालकमंत्रिपद या शब्दातील ‘पालक’ हा शब्दच पुरेसा आहे या पदाचे महत्व अधोरेखित करण्यासाठी. पालकमंत्रिपद एखाद्या नेत्यासाठी खूप महत्वाचे असते, कारण त्याद्वारे त्याला राज्यातील विशिष्ट विभागांची जबाबदारी मिळते, ज्यामुळे त्याचे राजकीय व सामाजिक क्षेत्रात प्रभाव वाढतो. पालकमंत्रिपद मिळाल्यावर नेत्याला त्या विभागाच्या धोरणांची अंमलबजावणी करण्याची संधी मिळते, तसेच विकासकामांच्या देखरेखीसाठी आणि निधीच्या वितरणासाठी त्याला महत्त्वपूर्ण अधिकार प्राप्त होतात.