दहशतवादाविरोधात अमेरिका आणि रशिया एकत्र; दिल्लीत महत्त्वपूर्ण बैठक( फोटो सौजन्य : सोशल मीडिया)
नवी दिल्ली : दहशतवादाचा सामना करण्यासाठी अमेरिका आणि रशिया एकत्र येत असून, भारतात लवकरच या विषयावर व्यापक रणनीती ठरवली जाणार आहे. 19 ते 20 मार्च दरम्यान दिल्लीत ASEAN देशांच्या संरक्षण मंत्र्यांची बैठक होणार आहे, जिथे दहशतवादाला आळा घालण्यासाठी उपाययोजनांवर चर्चा केली जाईल. या बैठकीत तंत्रज्ञानाच्या मदतीने झपाट्याने बदलत असलेल्या दहशतवादाच्या स्वरूपावर विचार करून, त्याविरोधात ठोस रणनीती आखली जाणार आहे.
ASEAN संरक्षण मंत्र्यांची बैठक-प्लस आणि भारताची महत्त्वाची भूमिका
ASEAN संरक्षण मंत्र्यांची बैठक-प्लस (ADMM-Plus) या व्यासपीठाअंतर्गत भारत आणि मलेशिया संयुक्तपणे ‘काउंटर-टेररिझम एक्सपर्ट वर्किंग ग्रुप’ (EWG) ची 14 वी वार्षिक बैठक आयोजित करत आहेत. या बैठकीत ब्रुनेई, कंबोडिया, इंडोनेशिया, लाओस, मलेशिया, म्यानमार, फिलीपिन्स, व्हिएतनाम, सिंगापूर आणि थायलंड या 10 ASEAN सदस्य देशांचे प्रतिनिधी सहभागी होणार आहेत. याशिवाय ऑस्ट्रेलिया, न्यूझीलंड, दक्षिण कोरिया, जपान, चीन, अमेरिका आणि रशिया असे आठ संवाद भागीदार देशही या चर्चेत सामील होणार आहेत.
भारत प्रथमच काउंटर-टेररिझम एक्स्पर्ट वर्किंग ग्रुपचे सह-अध्यक्षत्व भूषवणार आहे, त्यामुळे भारताची या क्षेत्रातील भूमिका अधिक प्रभावी ठरणार आहे. 19 मार्च रोजी संरक्षण सचिव राजेश कुमार सिंह यांच्या हस्ते या बैठकीचे उद्घाटन होणार आहे. या महत्त्वपूर्ण बैठकीत 2024 ते 2027 या कालावधीसाठी दहशतवादविरोधी रणनीती आणि कृती आराखडा ठरवला जाणार आहे.
जागतिक घडामोडी संबंधित बातम्या वाचण्यासाठी येथे क्लिक करा : सत्य उघड! प्राचीन इजिप्शियन ममीमध्ये भरले जाते लाखो रुपयांचे सोने
दहशतवादाविरोधातील नव्या रणनीतीचा विचार
या बैठकीत दहशतवाद आणि अतिरेक्यांच्या वाढत्या धोक्याला सामोरे जाण्यासाठी प्रभावी आणि मजबूत धोरण तयार करण्यावर भर दिला जाणार आहे. बदलत्या काळानुसार दहशतवाद्यांच्या कार्यपद्धती बदलत आहेत. तंत्रज्ञानाचा वापर करून ते अधिक धोकादायक ठरत असून, यावर योग्य उपाययोजना करणे आवश्यक आहे.
ADMM-Plus: संरक्षण क्षेत्रातील व्यापक सहकार्य
ADMM-Plus हे व्यासपीठ संरक्षण विभागांमधील सहकार्य बळकट करण्यासाठी महत्त्वाची भूमिका बजावते. सध्या, हे व्यासपीठ सात प्रमुख क्षेत्रांवर लक्ष केंद्रित करते:
भारत-चीन संवाद आणि नवीन समीकरणे
ADMM-Plus हे केवळ रणनीतीसाठीच नाही, तर द्विपक्षीय संवादासाठीही एक महत्त्वाचे व्यासपीठ ठरत आहे. अलीकडेच भारत आणि चीनमध्ये सीमावादावरून तणाव निर्माण झाला होता. परंतु, लाओसमध्ये झालेल्या ADMM-Plus बैठकीदरम्यान दोन्ही देशांच्या संरक्षण मंत्र्यांची भेट झाली. या भेटीत परस्पर संवाद व समजूतदारपणा वाढवण्याच्या दृष्टीने सकारात्मक चर्चा झाली. यावरून हे व्यासपीठ केवळ संरक्षण रणनीतीसाठी नव्हे, तर आंतरराष्ट्रीय संबंध सुधारण्यासाठीही महत्त्वाचे असल्याचे दिसून येते.
जागतिक घडामोडी संबंधित बातम्या वाचण्यासाठी येथे क्लिक करा : स्टारबक्सला निष्काळजीपणाचा मोठा फटका; न्यायालयाचा 435 कोटींची भरपाई देण्याचा आदेश
दिल्लीत होणाऱ्या बैठकीचे महत्त्व
19 ते 20 मार्च दरम्यान होणाऱ्या या बैठकीत दहशतवादाविरोधी नव्या धोरणांवर चर्चा होणार आहे. अनेक देशांमध्ये दहशतवादामुळे अस्थिरता निर्माण झाली आहे. याला आळा घालण्यासाठी एकत्र येऊन काम करणे गरजेचे आहे. यासाठी भारत, अमेरिका आणि रशिया यांसारखे शक्तिशाली देश एकत्र येत आहेत, जे दहशतवादविरोधी रणनीती अधिक मजबूत करू शकतात. ही बैठक केवळ दहशतवादाविरोधी कारवाईपुरती मर्यादित नसून, आंतरराष्ट्रीय सुरक्षेच्या दृष्टीनेही अत्यंत महत्त्वाची आहे. भारताच्या नेतृत्वाखालील ही रणनीतिक बैठक जागतिक सुरक्षेसाठी मैलाचा दगड ठरेल, अशी अपेक्षा व्यक्त केली जात आहे.
