शनिवार, 24 ऑक्टोबर 2026
International Weird Music Day : ‘विचित्र’ की अद्वितीय? २४ ऑगस्टलाच जगात का साजरा करतात 'हा' संगीताचा वेगळा उत्सव ( फोटो सौजन्य : सोशल मीडिया)
International Weird Music Day 2025 : 24 ऑगस्ट हा दिवस संगीतप्रेमींसाठी खास मानला जातो. कारण जगभरात या दिवशी आंतरराष्ट्रीय विचित्र संगीत दिन साजरा केला जातो. नाव जरी ‘विचित्र’ असले तरी या दिवसाचा उद्देश फारसा विचित्र नाही. उलट, हा दिवस आपल्याला आपल्या पारंपरिक व नियमित प्लेलिस्टपलीकडे जाऊन काहीतरी नवीन, वेगळं आणि अनोखं संगीत ऐकण्याचं धाडस करायला शिकवतो.
आपल्या कानाला जेव्हा रोज त्याच गाण्यांचे सूर ऐकू येतात, तेव्हा मन हळूहळू कंटाळलेले असते. अशा वेळी अनोख्या संगीताचा आस्वाद घेतला की मनात नवीन ऊर्जा निर्माण होते. “विचित्र” म्हणजे केवळ गोंधळलेले किंवा न आवडणारे सूर नाहीत, तर असे सूर, ज्या कधी ऐकलेच नाहीत, अशा ध्वनीविश्वाचा अनुभव घेणे.
या दिवसाची सुरुवात १९९७ मध्ये न्यू यॉर्क येथील संगीतकार पॅट्रिक ग्रँट यांनी केली. त्यांचा विश्वास होता की, “संगीत ऐकताना आपण जर पूर्वग्रह बाजूला ठेवले, तर आपला दृष्टिकोनही अधिक खुला होईल.” ग्रँट यांनी आपल्या कलात्मक मार्गदर्शकाच्या वाढदिवसाच्या निमित्ताने आणि स्वतःच्या अल्बम “फील्ड्स आर अमेझिंग” च्या प्रमोशनसाठी हा दिवस निवडला. पुढे २००२ पर्यंत हा एक आंतरराष्ट्रीय उत्सव झाला. विविध कलाकार, संगीतप्रेमी, विद्यापीठे आणि महोत्सवांनी त्याला स्वीकारले.२०१२ मध्ये ग्रँट यांनी न्यू यॉर्कमधील संगीतकारांना एका विशेष परफॉर्मन्समध्ये सहभागी होण्यासाठी बोलावले. जॉली रेमी, द ड्रीमस्केप फ्लॉपीज, द ग्रूव्ह कमांडर्स यांसारख्या विचित्र बँड्सनी या कार्यक्रमात भाग घेतला. त्यानंतर न्यू यॉर्कपासून लंडनपर्यंत या दिवसाचे विविध सोहळे आयोजित होऊ लागले.
जागतिक घडामोडी संबंधित बातम्या वाचण्यासाठी येथे क्लिक करा : 170 खोल्या, 350 कोटी किंमत; भारतातील ऐश्वर्यशाली जीवनशैलीची प्रतिमा असेलला ‘हा’ राजवाडा तुम्ही पहिला आहे का?
१. स्वतः काही विचित्र संगीत तयार करा – एखाद्या अनोख्या वाद्यावर गाणे वाजवा किंवा परदेशी भाषेत गीत लिहा.
२. नवीन संगीत ऐका – ज्या शैली कधी ऐकल्या नाहीत त्या प्लेलिस्टमध्ये घ्या.
३. महोत्सवांना हजेरी लावा – शहरात एखादा संगीत फेस्टिव्हल असेल तर त्यात सहभागी व्हा. कदाचित तिथे तुमचा पुढचा आवडता बँड सापडेल!
जागतिक घडामोडी संबंधित बातम्या वाचण्यासाठी येथे क्लिक करा : Trump Tariffs : ट्रम्पची आर्थिक खेळी! अमेरिकेवरील $37.18 ट्रिलियनचे कर्ज फेडण्यासाठी हा भाला मोठ्ठा ‘Tariff’ तमाशा
भारतीय शास्त्रीय संगीताची परंपरा जगभरात मानली जाते. पण त्याचबरोबर आपल्या देशात लोकसंगीत, आदिवासी ढोल-वाद्ये, भजन-कीर्तन यांसारख्या अनोख्या शैलींचा खजिना आहे. आंतरराष्ट्रीय विचित्र संगीत दिनाच्या निमित्ताने आपणही या अनोख्या शैली पुन्हा अनुभवू शकतो.
आंतरराष्ट्रीय विचित्र संगीत दिन आपल्याला संगीताच्या सीमांच्या पलीकडे जायला शिकवतो. फक्त गाणी ऐकण्यापुरते नव्हे, तर “संगीत म्हणजे एक अनुभव” हे पटवून देतो. या दिवशी नवा सूर, नवी भाषा, नवी ध्वनीशैली अंगीकारा कारण संगीताच्या विश्वात ‘विचित्र’ म्हणजेच अद्वितीय आणि सुंदर.
