Asia Cup 2025: निवड समितीने उघडले नशीब! आशिया कपसाठी पहिल्यांदाच टीम इंडियात ‘या’ ७ नव्या खेळाडूंची वर्णी

टी-२० आशिया कपसाठी भारतीय संघाची घोषणा करण्यात आली आहे. संघात संजू सॅमसन आणि जितेश शर्मासारखे दोन यष्टिरक्षक आहेत. त्याचबरोबर जसप्रीत बुमराह, अर्शदीप सिंग आणि हर्षित राणा यांसारख्या खेळाडूंनाही संधी मिळाली आहे.

Team India (Photo Credit- X)

Follow Us:

Follow Us:

Indian Team Squad for Asia Cup 2025: आशिया कप २०२५ साठी (Asia Cup 2025) भारतीय संघाची अधिकृत घोषणा (Team India Squad) करण्यात आली आहे. निवड समितीचे प्रमुख अजित अगरकर (Ajit Agarkar) आणि कर्णधार सूर्यकुमार यादव (Suryakumar Yadav) यांनी पत्रकार परिषद घेऊन संघाची निवड जाहीर केली. या घोषणेत सर्वात महत्त्वाची गोष्ट म्हणजे शुभमन गिलची (Shubman Gill) संघाच्या उपकर्णधारपदी निवड करण्यात आली आहे, तर वेगवान गोलंदाज जसप्रीत बुमराहने (Jasprit Bumrah) टी-२० संघात पुनरागमन केले आहे. मात्र, अनुभवी फलंदाज श्रेयस अय्यरला (Shreyas Iyer) संघातून वगळण्यात आले आहे. या स्पर्धेची सुरुवात ९ सप्टेंबर २०२५ पासून यूएईमध्ये होणार आहे.

या ७ नव्या खेळाडूंना मिळाली संधी

भारतीय संघात यावेळी ७ खेळाडू असे आहेत, ज्यांना पहिल्यांदाच अशिया कपच्या संघात स्थान मिळाले आहे. निवड समितीने युवा खेळाडूंवर विश्वास दाखवून त्यांचे नशीब उघडले आहे.

अभिषेक शर्मा, शिवम दुबे, जितेश शर्मा, वरुण चक्रवर्ती, संजू सॅमसन, हर्षित राणा आणि रिंकू सिंग

Asia cup 2025 : ‘ती त्याची चूक, आमची चूक नाही..’, श्रेयस अय्यरला आशिया कपमधून डावल्यावर मुख्य निवडकर्त्यांची मोठी प्रतिक्रिया

संघातील काही प्रमुख खेळाडूंची कामगिरी

गेल्या काही काळापासून टी-२० क्रिकेटमध्ये अभिषेक शर्मा आणि संजू सॅमसनने सलामीवीर म्हणून उत्कृष्ट कामगिरी केली आहे. संजू सॅमसनने भारतीय टी-२० संघासाठी ४२ सामन्यांमध्ये तीन शतके आणि दोन अर्धशतकांसह एकूण ८६१ धावा केल्या आहेत. दुसरीकडे, अभिषेक शर्माने २१ टी-२० आंतरराष्ट्रीय सामन्यांत दोन शतके आणि दोन अर्धशतकांसह ५३५ धावा केल्या आहेत.

फिरकी गोलंदाज वरुण चक्रवर्तीने २०१२ मध्ये भारतीय टी-२० संघात पदार्पण केले होते. खराब फॉर्ममुळे तो संघातून बाहेर गेला, पण आयपीएलमधील दमदार प्रदर्शनामुळे त्याने पुन्हा संघात स्थान मिळवले आहे. त्याने १८ टी-२० सामन्यांत ३३ बळी मिळवले आहेत. तसेच, जितेश शर्माला राखीव यष्टीरक्षक म्हणून संधी मिळाली आहे. फिनिशर म्हणून ओळख असलेल्या रिंकू सिंग आणि शिवम दुबे यांनाही संधी देण्यात आली आहे. रिंकू सिंग आपल्या वादळी फलंदाजीने काही चेंडूंमध्येच सामन्याचे चित्र बदलू शकतो.

Buchi Babu Trophy 2025 : पृथ्वी शॉने ठोकले दमदार शतक; भारतीय संघात परण्यासाठी ठोठावले दरवाजे

शुबमन गिलला उपकर्णधारपदी वर्णी कशी?

आशिया कप २०२५ साठी संघात शुभमन गिलच्या समावेशाबद्दल बोलताना, कर्णधार सूर्यकुमार यादव म्हणाला की, तो शेवटचा टीम इंडियासाठी टी-२० खेळला जो टी-२० विश्वचषक नंतर, जेव्हा आम्ही श्रीलंकेला गेलो होतो. त्यावेळी मी कर्णधार होतो आणि गिल उपकर्णधार होता.

सूर्यकुमार यादव पुढे म्हणाला की, येथून आम्ही टी-२० विश्वचषकासाठी एक नवीन टप्प्याची सुरवात केली आहे.  तो सर्व कसोटी मालिकांमध्ये व्यस्त झाला आणि कसोटी क्रिकेट खेळण्यात व्यस्त असल्याने त्याला टी-२० खेळण्याची संधी मिळाली नव्हती. तो म्हणाला की म्हणूनच त्याला  संघात स्थान देण्यात आले आहे आणि आम्ही त्याच्यासोबत आनंदित आहोत.

Web Title: Asia cup 2025 team india 7 new players lottery

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com