दक्षिण आफ्रिकेचा संघ (फोटो-सोशल मीडिया)
ICC Women’s World Cup 2025 : भूतकाळातून शिकल्यानंतर, तिचा संघ या महिन्यात होणाऱ्या महिला एकदिवसीय विश्वचषकात नव्या आत्मविश्वासाने प्रवेश करेल आणि पहिल्यांदाच अंतिम फेरी गाठण्याचे ध्येय ठेवेल असे मत दक्षिण आफ्रिकेची कर्णधार वोल्वार्डने व्यक्त केली. लॉरा – दक्षिण आफ्रिका गेल्या दोन एकदिवसीय विश्वचषकांच्या उपांत्य फेरीत पोहोचली आणि सलग दोन टी-२० विश्वचषक स्पर्धेत उपविजेतेपदावर राहिली.
हेही वाचा : रविचंद्रन अश्विनचा नवा पराक्रम! ‘या’ परदेशी लीगमध्ये खेळणारा ठरला पहिलाच भारतीय खेळाडू
अलिकडेच, त्यांनी मालिकेत पाकिस्तानला २-१ असे पराभूत केले. वोल्वाड ने आयसीसीसाठी तिच्या स्तंभात लिहिले आहे की, आम्ही या स्पर्धेसाठी खूप चांगली तयारी केली आहे आणि मागील आयसीसी स्पर्धांमधून शिकलो आहोत. आम्ही गेल्या काही -एकदिवसीय विश्वचषकांमध्ये उपांत्य फेरीत पोहोचलो. २०१७ मध्ये पहिल्यांदाच उपांत्य फेरीत पराभूत झालो तेव्हा आम्हाला किती दुःख झाले होते हे मला आठवते. पण यावरून आम्हाला कळले की आम्ही जगातील सर्वोत्तम संघांचा सामना करू शकतो आणि अंतिम फेरीत पोहोचणे अशक्य नाही.
दक्षिण आफ्रिकेकडे आक्रमक टॉप ऑर्डर आहे ज्यामध्ये वोल्वार्ड आणि टॅझमिन ब्रिट्झ यांचा समावेश आहे, तर मारियान कॅप ही अष्टपैलू खेळाडू आहे. कॅपला अनुभवी सून लुस आणि क्लो ट्रायॉनची साथ आहे. माझा विश्वास आहे की आमच्याकडे उत्तम १५ खेळाडू आहेत.
हेही वाचा : बांगलादेशविरुद्ध इम्पॅक्ट प्लेअर पुरस्कारावर ‘या’ खेळाडुने कोरले नाव! BCCI कडून व्हिडिओ शेअर
आमच्या फलंदाजीत आमची खोली आहे आणि अष्टपैलू खेळाडू संघाला गोलंदाजीचे विविध पर्याय देतात. मधल्या फळीत अनुभवी आणि तरुण दोन्ही खेळाडू आहेत. मारियान कॅप ही दक्षिण आफ्रिकेच्या सर्वोत्तम खेळाडूंपैकी एक आहे आणि ती नेहमीच मोठ्या सामन्यांमध्ये चांगली कामगिरी करते.
आयसीसी महिला एकदिवसीय विश्वचषकाची सुरुवात यजमान संघांमधील लढतीने होणार आहे. पहिल्या सामन्यात भारत आणि श्रीलंका आमनेसामने येणार आहेत.
सामनाधिकारी : ट्रुडी अँडरसन, शँड्रे फ्रिट्झ, जीएस लक्ष्मी, मिशेल परेरा.
पंच: लॉरेन अजनाबाग, कँडेस ला बोर्डे, किम कॉटन, सारा डंबनेवाना, शथिरा झाकीर जेसी, करिन क्लास्ते, जननी एन, निमाली परेरा, क्लेरी पोलोसाक, वृंदा राठी, स्यू रेडफर्न, एलॉइस शेरीडन, गायत्री वेणुगोपालन, जॅकलिन विल्यम्स.
