मंगळवार, 20 ऑक्टोबर 2026
फोटो सौजन्य - आयसीसी क्रिकेट सोशल मिडिया
भारतीय क्रिकेटचा सुपरस्टार सलामीवीर फलंदाज शिखर धवन आज, ५ डिसेंबर रोजी त्याचा ४० वा वाढदिवस साजरा करत आहे. रोहित शर्मा आणि विराट कोहलीसह धवनने टीम इंडियाला अनेक सामने जिंकण्यास मदत केली आहे. धवनने त्याच्या आक्रमक फलंदाजीने गोलंदाजांमध्ये भीती निर्माण केली. आयसीसी स्पर्धांमध्ये धवनचा रेकॉर्ड आणखी चांगला आहे. त्याच्या आंतरराष्ट्रीय कारकिर्दीत धवनने दोन वेगवेगळ्या जर्सी क्रमांकांसह खेळला आहे.
SMAT : टीम इंडियाच्या बाहेर असलेल्या शमीने केला कहर, भारताच्या संघाचा पुनरागमनाचा दरवाजा ठोठावला
शिखर धवनने त्याच्या करिअरची सुरुवात २०१० झाली होती, त्याने 2010 मध्ये टीम इंडियासाठी पदार्पण केले होते. त्यावेळी त्याने २५ क्रमांकाची जर्सी घातली होती. धवन २५ हा त्याच्या कुटुंबासाठी खूप भाग्यवान क्रमांक मानत होता, म्हणूनच तो खेळताना हा क्रमांक घालताना दिसला. धवनचा मुलगा जोरावरचा वाढदिवसही २५ तारखेला आहे, ज्यामुळे तो या क्रमांकाशी अधिक जोडलेला वाटू लागला. तथापि, त्यानंतर त्याच्या वैयक्तिक आणि व्यावसायिक जीवनात परिस्थिती बिघडू लागली. यामुळे धवनने अंकशास्त्राच्या आधारे त्याचा जर्सी क्रमांक २५ वरून ४२ केला. त्यानंतर, तो निवृत्तीपर्यंत ४२ क्रमांकाची जर्सी घालताना दिसला.
2⃣6⃣9⃣ int’l matches 🙌
1⃣0⃣8⃣6⃣7⃣ int’l runs 👏
2⃣4⃣ int’l hundreds 💯 2⃣0⃣1⃣3⃣ ICC Champions Trophy winner 🏆 Here’s wishing former #TeamIndia batter @SDhawan25 a very happy birthday 🎂🥳 pic.twitter.com/ldviuM6XWM — BCCI (@BCCI) December 5, 2025
शिखर धवनने २०१८ मध्ये टीम इंडियासाठी शेवटचा कसोटी सामना खेळला होता. कसोटी क्रिकेटमध्ये धवनने ३४ सामन्यांमध्ये ५८ डावांमध्ये २३१५ धावा केल्या, ज्यात सात शतके समाविष्ट आहेत. टी-२० स्वरूपात, निवृत्त होण्यापूर्वी, गब्बरने ६८ सामन्यांमध्ये १२६.३६ च्या सरासरीने १७५९ धावा केल्या होत्या. या स्वरूपात धवनने ११ अर्धशतके केली आहेत. गब्बरची सर्वात यशस्वी खेळी एकदिवसीय स्वरूपात होती. निवृत्तीपर्यंत त्याने या स्वरूपात १६७ सामने खेळले, ४४.११ च्या सरासरीने ६७९३ धावा केल्या. या काळात धवनने १७ शतकेही केली. आयपीएलमध्ये, गब्बरने निवृत्त होण्यापूर्वी २२२ सामने खेळले, ३५.२५ च्या सरासरीने ६७६९ धावा केल्या.
खरं तर, आंतरराष्ट्रीय क्रिकेटमधून निवृत्त झालेल्या शिखर धवनची एकूण संपत्ती सुमारे ₹१२५ कोटी आहे. निवृत्तीनंतर, तो दरमहा जाहिरातींमधून लाखो रुपये कमावतो. आयपीएल देखील त्याच्या उत्पन्नाचा एक प्रमुख स्रोत आहे.
२००८ मध्ये दिल्ली कॅपिटल्सने धवनला १२ लाख रुपयांना विकत घेतले होते आणि गेल्या वर्षी त्याला पंजाब किंग्जकडून ८ कोटी २५ लाख रुपयांचे वार्षिक शुल्क मिळाले होते. २०१४ ते २०१७ पर्यंत हैदराबादने धवनला प्रति हंगाम १२ कोटी ५० लाख रुपये दिले. एकूणच, धवनची आयपीएलमधील कमाई ९१ कोटी ८० लाख रुपये होती. याशिवाय, त्याला एका कसोटी सामन्यासाठी १५ लाख रुपये, एका एकदिवसीय सामन्यासाठी ६ लाख रुपये आणि एका टी-२० सामन्यासाठी ५ लाख रुपये फी मिळत असे.
