मंगळवार, 27 ऑक्टोबर 2026
फोटो सौजन्य - सोशल मीडिया
भारत विरुद्ध इंग्लंड यांच्यामध्ये आज दुसरा T२० सामना रंगणार आहे. या मालिकेमध्ये भारताच्या संघाने पहिल्या सामन्यांमध्ये विजय मिळवून मालिकेमध्ये १-० अशी आघाडी घेतली आहे. पहिल्या सामन्यात भारताच्या गोलंदाजानी कमालीची कामगिरी केली होती. भारताचा संघ सातत्याने सूर्यकुमार यादवच्या नेतृत्वाखाली कमालीची कामगिरी करत आहे. त्यामुळे आता दुसऱ्या सामन्यात भारतीय संघाच्या प्लेइंग ११ मध्ये बदल होऊ शकतो. यामध्ये वरूण चक्रवर्तीचे नाव अव्वल स्थानावर आहे. तर भारताचा युवा सलामीवीर फलंदाज अभिषेक शर्माने कमालीची कामगिरी करून भारताच्या संघाला विजय मिळवून दिला होता. याचदरम्यान भारताच्या संघासाठी निराशाजनक बातमी समोर आली आहे.
आज इंग्लंडविरुद्ध खेळल्या जाणाऱ्या दुसऱ्या टी-२० सामन्यापूर्वी भारताला चांगली बातमी मिळालेली नाही. त्याचा झंझावाती सलामीवीर अभिषेक शर्मा जखमी झाला आहे. अभिषेक हा T२० मध्ये भारताचा महत्त्वाचा भाग आहे आणि तो त्याच्या तुफानी फलंदाजीसाठी ओळखला जातो जो त्याने कोलकाता येथे खेळल्या गेलेल्या पहिल्या सामन्यातही दाखवला होता. भारताने पहिला सामना सहज जिंकला आणि त्यात अभिषेक शर्माच्या अर्धशतकी खेळीने महत्त्वाची भूमिका बजावली. या विजयासह भारताने पाच सामन्यांच्या टी-२० मालिकेत १-० अशी आघाडी घेतली आहे. आता चेन्नईत तो आघाडी दुप्पट करण्याचा प्रयत्न करेल.
काल अभिषेक संघासोबत सराव करत होता आणि याच दरम्यान त्याला दुखापत झाली. कॅचिंगचा सराव करताना डाव्या हाताच्या फलंदाजाच्या घोट्याला दुखापत झाली. फिजिओने थोडा वेळ त्याच्याकडे पाहिलं आणि मग त्याला ड्रेसिंग रूममध्ये नेलं. अभिषेक मैदानाबाहेर लंगडत होता. यानंतर त्याने नेटमध्ये फलंदाजीही केली नाही.
🚨 ABHISHEK SHARMA DOUBTFUL FOR 2ND T20I 🚨 – Abhishek Sharma’s availablity for 2nd T20I Match vs England in doubtful. He twisted his right ankle in today’s practice session. (Express Sports). pic.twitter.com/FljFokKScC — Tanuj Singh (@ImTanujSingh) January 24, 2025
अभिषेकने पहिल्या सामन्यात तुफानी खेळी खेळली आणि ३४ चेंडूत ७९ धावा केल्या. त्याने पाच चौकार आणि आठ षटकार मारले. अभिषेकच्या या झंझावाती खेळीच्या जोरावर भारताने इंग्लंडचा पराभव केला होता. अभिषेककडून दुसऱ्या सामन्यातही अशीच कामगिरी अपेक्षित होती, मात्र त्याचा खेळ निश्चित नाही. त्याच्या दुखापतीबाबत बीसीसीआयकडून अद्याप कोणतीही अधिकृत माहिती देण्यात आलेली नाही.
टीम इंडियासाठी चिंतेची बाब म्हणजे अभिषेक जखमी झाला तर ओपनिंगची जबाबदारी कोण घेणार? तथापि, संघात टिळक वर्मा आहे जो सलामी देऊ शकतो आणि ध्रुव जुरेलला अभिषेकच्या जागी प्लेइंग-११ मध्ये समाविष्ट केले जाऊ शकते. आजच्या सामन्यांमध्ये जर अभिषेक शर्मा संघाचा भाग बसल्यास कोणत्या खेळाडूंला त्याच्या जागेवर खेळवले जाणार हे पाहणे महत्वाचे ठरेल.
