गौतम गंभीर(फोटो-सोशल मीडिया)
IND vs SA : भारत आणि दक्षिण आफ्रिका यांच्यात दोन सामन्यांची कसोटी मालिका खेळली जात आहे. या मालिकेतील पहिला कसोटी सामना दक्षिण आफ्रिकेने ३० धावांनी जिंकला. कोलकाता येथील ईडन गार्डन्सवर खेळवण्यात आलेल्या सामन्यात भारतीय फलंदाजांची हाराकिरी पाहायला मिळाली. आता मात्र भारतीय संघाचे मुख्य प्रशिक्षक यांनी दुसऱ्या कसोटीसाठी नव्या डाव आखला आहे. ऑफ-स्पिनर सायमन हार्मर आणि डावखुरा फिरकी गोलंदाज केशव महाराज यांचा सामना करण्यासाठी भारतीय फलंदाजांना मदत करण्यासाठी डिझाइन केलेल्या सामन्याच्या सिम्युलेशनमध्ये, मंगळवारी ईडन गार्डन्सवर एक अनपेक्षित खेळाडूचे नाव चर्चेत आले आहे. बंगालचा फिरकी गोलंदाज कौशिक मैती पर्यायी सराव सत्रादरम्यान दोन्ही भूमिका सहजतेने बजावताना दिसला.
सय्यद मुश्ताक अली ट्रॉफीमध्ये बंगालचे प्रतिनिधित्व करणाऱ्या आणि आयपीएल फ्रँचायझी राजस्थान रॉयल्ससाठी ट्रायल्समध्ये सहभागी झालेल्या २६ वर्षीय मैतीने सहजतेने आपली शैली बदलत, डावखुरा फलंदाजांना ऑफ-ब्रेक आणि उजव्या हाताच्या फलंदाजांना डावखुरा फिरकी गोलंदाजी केली.
मैतीने आपली प्रतिक्रिया देताना म्हटले आहे की, “भारतीय नेटमध्ये ही माझी पहिलीच वेळ ठरली आहे, मी ईडन गार्डन्सवर झालेल्या सामन्यांमध्ये विविध फ्रँचायझींच्या आयपीएल नेटमध्ये गोलंदाजी देखील केली आहे. आज मी साई सुदर्शन, वॉशिंग्टन सुंदर, रवींद्र जडेजा आणि देवदत्त पडिक्कल यांना ऑफ-ब्रेक गोलंदाजी केली. तसेच मी ध्रुव जुरेलला डावखुरी फिरकी गोलंदाजी केली.” त्याने स्पष्ट केले की मुख्य प्रशिक्षक गौतम गंभीर किंवा गोलंदाजी प्रशिक्षक मोर्ने मॉर्केल यांच्याकडून कोणतेही विशिष्ट निर्देश देण्यात आले नव्हते.
बंगालसाठी आतापर्यंत आठ लिस्ट ए आणि तीन टी-२० सामने खेळलेला मैती म्लाणा की, “मी काय गोलंदाजी करायची यावर लक्ष केंद्रित केले आणि भारतीय खेळाडू किंवा प्रशिक्षकांनी मला कोणत्याही विशिष्ट क्षेत्रात गोलंदाजी करण्यास सांगितले नव्हते, जागतिक दर्जाच्या खेळाडूंविरुद्ध गोलंदाजी करणे हा माझ्यासाठी एक खास शिकण्याचा अनुभव होता.”तो पुढे म्हणाला कि “जड्डू भाईला गोलंदाजी करणे आणि काही शंकांचे निरसन करणे हे स्वप्न सत्यात उतरल्यासारखे आहे.”
हेही वाचा : PAK VS SL : मैदानावर राग दाखवणे पडले महागात! बाबर आझमला ICC सुनावली शिक्षा: नेमकं प्रकरण काय?
मैतीने हे देखील सांगितले कि, “जड्डू भाई, माझ्याविरुद्ध फलंदाजी केल्यानंतर, माझी नैसर्गिक उंची सुमारे ४ ते ५ मीटर असल्याचे लक्षात आले. त्याने सांगितले की मला माझी उंची एक मीटर (६ ते ७ मीटर) कमी करावी लागणार आहे. तसेच वेगवान गोलंदाजी करावी लागेल, ज्यामुळे फलंदाजांना प्रतिक्रिया देण्यासाठी जास्त वेळ मिळणार नाही.”
