स्मृती मानधना(फोटो-सोशल मीडिया)
स्मृती मानधनाने ९५ चेंडूत १०९ धावांची धमकेदार खेळी केली आहे, ज्यामध्ये तिने १० चौकार आणि ४ षटकार लगावले आहेत. तिच्या फलंदाजीतून आत्मविश्वास झळकत होता. न्यूझीलंडविरुद्धच्या या खेळीने मानधनाने अनेक ऐतिहासिक विक्रम देखील मोडीत काढले आहेत.
न्यूझीलंडविरुद्धच्या शतकासह, स्मृती मानधनाने महिला एकदिवसीय क्रिकेट इतिहासात एक नवा टप्पा गाठला आहे. तिने न्यूझीलंडची दिग्गज फलंदाज सुझी बेट्सला पिछाडीवर टाकत महिला एकदिवसीय इतिहासात दुसऱ्या क्रमांकाची सर्वाधिक शतके ठोकणारी फलंदाज ठरली आहे. स्मृती मानधनाच्या नावावर आता १४ शतके जमा झाले आहेत. तिच्या पुढे आता फक्त ऑस्ट्रेलियाची माजी कर्णधार मेग लॅनिंग असून जिच्या नावे १५ शतके जमा आहेत. यासह, स्मृती मानधनाने सक्रिय महिला क्रिकेटपटूंमध्ये सर्वाधिक धावा करणारी खेळाडू देखील बनली आहे.
हेही वाचा : IND W vs NZ W : न्यूझीलंडविरुद्ध प्रतीका रावलचा शतकी तडाखा! विश्वविक्रमाच्या यादीत ‘रॉयल’ एंट्री
स्मृती मानधना या वर्षी चांगलीच फॉर्म दिसून येत आहे. तिचा उत्कृष्ट फॉर्म कायम ठेवत तिने २०२५ मध्ये महिला क्रिकेटपटूने सर्वाधिक षटकार मारण्याचा विक्रम देखील आता मोडीत काढला आहे. तिने या वर्षी आधीच ३० षटकार मारले आहेत आगामी सामन्यांमध्ये हा आकडा अजून वाढण्याची शक्यता आहे.
