मोहम्मद शामीने निवृत्तीच्या वृत्तांवर मीडियाला फटकारलं! म्हणाला – आजचा सर्वात खराब…

आता सध्या सोशल मीडियावर मोठ्या प्रमाणात इतरही क्रिकेट खेळाडू आहे रिटायरमेंट घेणार आहेत अशा चर्चा सुरू आहेत. आता यावर मोहम्मद शमीने मौन सोडले आहे, अशा खोट्या बातम्या पसरवणाऱ्या मीडिया अकाउंटला फटकारले आहे.

फोटो सौजन्य - X

Follow Us:

Follow Us:

मोहम्मद शामीची इंस्टाग्राम स्टोरी : भारताचा संघ पुढील महिन्यात इंग्लंड दौऱ्यावर असणार आहे. यामध्ये भारताचा कर्णधार कोण असणार यावर अजूनही प्रश्नचिन्ह आहे कारण बीसीसीआयने भारताचा नवीन कर्णधाराची घोषणा अजूनही केलेली नाही. भारताचा कर्णधार रोहित शर्मा याने मागील आठवड्यामध्ये निवृत्तीची घोषणा केली होती. त्यानंतर 12 मे रोजी भारताचा स्टार विराट कोहली याने देखील कसोटी क्रिकेटमधून निवृत्त होण्याचा निर्णय घेतला आहे. रोहित शर्मा आणि विराट कोहली या दोघांनीही सोशल मीडियावर पोस्ट करून कसोटी क्रिकेटला अलविदा केला आहे.

आता सध्या सोशल मीडियावर मोठ्या प्रमाणात इतरही क्रिकेट खेळाडू आहे रिटायरमेंट घेणार आहेत अशा चर्चा सुरू आहेत. यामध्ये अनेक आंतरराष्ट्रीय खेळाडूंच्या नावांचा समावेश आहे. या यादीमध्ये भारताचा वेगवान गोलंदाज मोहम्मद शामीचे देखील नाव घेतले जात होते. आता यावर मोहम्मद शमीने मौन सोडले आहे आणि त्याने असे वृत्त आणि अशा खोट्या बातम्या पसरवणाऱ्या मीडिया अकाउंटला फटकारले आहे. मोहम्मद शामीने सोशल मीडियावर पोस्ट शेअर करून लिहिले आहे की, ‘खूप छान महाराज तुमच्या कामाचे हे दिवस मोजा आणि किती दिवस राहिल्या आहेत तेही ठरवा. तुमच्यासारख्या सत्यनाशी लोकांमुळे वर्तमान ची वाट लागली आहे. चांगले बोलायला शिका सर्वात खराब स्टोरी’.

🚨 𝑵𝑬𝑾𝑺 𝑨𝑳𝑬𝑹𝑻 🚨

Mohammed Shami broke his silence on the swirling rumours of his Test retirement, using his Instagram story to clear the air. 🙌#TestCricket #Shami #Sportskeeda pic.twitter.com/AJ3OmbqAW0

— Sportskeeda (@Sportskeeda) May 13, 2025

एकदिवसीय क्रिकेटमध्ये, शमीने गेल्या काही वर्षांत टीम इंडियासाठी अद्भुत कामगिरी दाखवली आहे. २०२३ च्या एकदिवसीय विश्वचषकात शमीने त्याच्या घातक गोलंदाजीने धुमाकूळ घातला. यासोबतच, टीम इंडियाला चॅम्पियन्स ट्रॉफीचे विजेतेपद मिळवून देण्यात शमीने महत्त्वाची भूमिका बजावली. शमीने ५ सामन्यात एकूण ९ विकेट्स घेतल्या.

इंग्लंडने एकदिवसीय आणि T20 मालिकेसाठी केला संघ जाहीर, तरुण खेळाडूला मिळाली कर्णधारपदाची धुरा

आयपीएलमधील कामगिरी निराशाजनक

आयपीएल २०२५ मध्ये मोहम्मद शमीची कामगिरी खूपच निराशाजनक राहिली आहे. शमी या वर्षी सनरायझर्स हैदराबादकडून खेळत आहे. शमीने ९ सामन्यांमध्ये फक्त ६ विकेट्स घेतल्या आहेत. यासोबतच, या हंगामात या वेगवान गोलंदाजाने उदारपणे धावा दिल्या आहेत. इंडियन प्रीमियर लीगच्या १८ व्या हंगामात शमीचा इकॉनॉमी रेट ११.२३ आहे. यावरून तुम्ही अंदाज लावू शकता की भारतीय वेगवान गोलंदाजाला किती वाईटरित्या मारहाण झाली. सनरायझर्स हैदराबादसाठी हा हंगाम दुःस्वप्नापेक्षा कमी राहिला नाही. संघाला आतापर्यंत ११ पैकी फक्त ३ सामने जिंकता आले आहेत, तर SRH ला ७ सामन्यांमध्ये पराभवाचा सामना करावा लागला आहे.

Web Title: Mohammed shami slams media over retirement reports

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com