Rishabh Pant : रिषभ पंतचा नवा कारनामा, असा पराक्रम करणारा ठरला पहिला विकेटकिपर

पंतने नितीश रेड्डीसोबत सातव्या विकेटसाठी ४८ धावांची भागीदारी केली. या खेळीच्या जोरावर पंतने जागतिक कसोटी चॅम्पियनशिपच्या इतिहासात मोठी कामगिरी केली आहे.

फोटो सौजन्य - BCCI सोशल मीडिया

Follow Us:

Follow Us:

भारत विरुद्ध ऑस्ट्रेलिया : भारत विरुद्ध ऑस्ट्रेलिया यांच्यामध्ये सुरु असलेल्या बॉर्डर गावस्कर ट्रॉफीच्या पहिल्या कसोटी सामना सुरु आहे. यामध्ये सध्या भारताच्या संघाने पहिल्या इनिंगमध्ये १५० धावा केल्या आणि टीम इंडियाचा संघ बाद झाला. त्यानंतर भारताच्या संघाने ऑस्ट्रेलियाचा हालत अशीच काहीशी केलेली दिसत आहे. ऑस्ट्रेलियाच्या संघाचे देखील आतापर्यत ९ विकेट्स गेले आहेत. यामध्ये त्यांनी ४९ ओव्हरमध्ये १०२ धावा केल्या आहेत.

सध्या ऑस्ट्रेलियाच्या संघासाठी हेजलवूड आणि स्टार्क हे दोघे संघासाठी फलंदाजी करत आहेत. ५० ओव्हरनंतर भारताच्या संघाकडे अजूनही ४८ धावांची आघाडी आहे. कालच्या पहिल्या इनिंगमध्ये भारताचा विकेटकिपर रिषभ पंतने संघासाठी महत्वाची भूमिका बजावली. तो जेव्हा भारताचा संघ संकटात असतो तेव्हा नेहमीच तो टीम इंडियाला संकटातून बाहेर काढण्याचा प्रयत्न त्याचा असतो. केएल राहुल आणि नितीश रेड्डीसह यष्टिरक्षक फलंदाज ऋषभ पंत यांनी भारताला १५० धावांपर्यंत नेण्यात महत्त्वाची भूमिका बजावली.

क्रीडा संबंधित बातमी वाचण्यासाठी येथे क्लिक करा

पंतने नितीश रेड्डीसोबत सातव्या विकेटसाठी ४८ धावांची भागीदारी केली. यादरम्यान पंतने ७८ चेंडूंचा सामना करत ३ चौकार आणि १ गगनचुंबी षटकाराच्या मदतीने ३७ धावांची महत्त्वपूर्ण खेळी खेळली. या खेळीच्या जोरावर पंतने जागतिक कसोटी चॅम्पियनशिपच्या इतिहासात मोठी कामगिरी केली आहे. वर्ल्ड टेस्ट चॅम्पियनशिप फायनलच्या इतिहासात यष्टीरक्षक म्हणून २००० धावांचा आकडा पार करणारा तो जगातील पहिला यष्टीरक्षक ठरला आहे. होय, पंतच्या नावावर आता वर्ल्ड टेस्ट चॅम्पियनशिपमध्ये ३० सामन्यांच्या ५२ डावांमध्ये २०३४ धावा आहेत. या कालावधीत पंतची सरासरी ४२.३७ आणि सर्वोच्च धावसंख्या १४६ आहे.

वर्ल्ड टेस्ट चॅम्पियनशिपमध्ये यष्टिरक्षक म्हणून सर्वाधिक धावा

• २०३४ – ऋषभ पंत (५२ डाव)
• १८८० – मोहम्मद रिझवान (५२ डाव)
• १३९५ – लिटन दास (३८ डाव)
• १३५६ – ॲलेक्स केरी (४८ डाव)
• ११२९ – जोशुआ दा सिल्वा (५२ डाव)
• ११०० – टॉम ब्लंडेल (४३ डाव)

१०६७ – निरोशन डिकवेला (३६ डाव)

वर्ल्ड टेस्ट चॅम्पियनशिपमध्ये २००० धावा पूर्ण करणारा भारतीय

• रोहित शर्मा – २६८५
• विराट कोहली – २४३२
• ऋषभ पंत – २०३४

वर्ल्ड टेस्ट चॅम्पियनशिपमध्ये सर्वाधिक धावा करणारे टॉप-5 भारतीय

• रोहित शर्मा – २६८५
• विराट कोहली – २४३२
• ऋषभ पंत – २०३४
• शुभमन गिल – १८००
• चेतेश्वर पुजारा – १७६९

दुसऱ्या इनिंग रिषभ पंतकडून मोठ्या अपेक्षा

पहिल्या डावात ३७ धावांचे महत्त्वपूर्ण योगदान दिल्यानंतर दुसऱ्या डावातही ऋषभ पंतकडून विशेष खेळीची अपेक्षा असेल. जर भारताने ऑस्ट्रेलियाला १०० धावांच्या आत पकडले आणि दुसऱ्या डावात २०० धावा केल्या तर पर्थच्या या उसळत्या खेळपट्टीवर कांगारूंना २५० धावांचा पाठलाग करणे कठीण होईल.

Web Title: Rishabh pants new record became the first wicketkeeper to achieve such a feat

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com