शनिवार, 27 जून 2026
Team India (Photo Credit- X)
टीम इंडियाने हे लक्ष्य फक्त ३ विकेट्स गमावून सहज गाठले. अभिषेक शर्माने जलद शैलीत फलंदाजी केली आणि 13 चेंडूत 31 धावा केल्या, तर तिलक वर्मा आणि कर्णधार सूर्यानेही जोरदार फलंदाजी केली. स्पर्धेत भारतीय संघाचा हा सलग दुसरा विजय आहे. दरम्यान, पाकिस्तानविरुद्धच्या सामन्यात टीम इंडियाच्या विजयाची अनेक कारणे आहेत, पण त्यापैकी तीन प्रमुख कारणे अशी आहेत, ज्यामुळे भारताने पाकिस्तानला सहज हरवले.
India have now won their last 3 men’s T20Is against Pakistan 🙌 pic.twitter.com/Pb74H8447f — ESPNcricinfo (@ESPNcricinfo) September 14, 2025
1. गोलंदाजांचे शानदार प्रदर्शन
संपूर्ण सामन्यात भारतीय गोलंदाजांनी उत्कृष्ट कामगिरी केली. जसप्रीत बुमराह, अक्षर पटेल, कुलदीप यादव, वरुण चक्रवर्ती आणि हार्दिक पंड्या या दिग्गजांनी पाकिस्तानच्या फलंदाजीला खिंडार पाडले. त्यांनी सुरुवातीपासूनच पाकिस्तानला दबावाखाली ठेवले आणि सामन्यावर आपली पकड कायम ठेवली.
2. टॉप ऑर्डरची दमदार फलंदाजी
दुबईमध्ये भारतीय संघाला सलामीवीर अभिषेक शर्मा आणि शुभमन गिल यांनी दमदार सुरुवात दिली. अभिषेक शर्माने अवघ्या 13 चेंडूत 4 चौकार आणि 2 षटकारांच्या मदतीने 33 धावांची धडाकेबाज खेळी केली. त्यानंतर तिलक वर्मा आणि कर्णधार सूर्यकुमार यादव यांनी महत्त्वपूर्ण 56 धावांची भागीदारी करत संघाचा डाव सावरला.
3. कुलदीप यादवची भेदक गोलंदाजी
हार्दिक पंड्या आणि जसप्रीत बुमराह यांनी सुरुवातीच्या षटकांमध्येच टीम इंडियाला विकेट्स मिळवून दिल्या. पण त्यानंतर कुलदीप यादवने पाकिस्तानच्या स्टार फलंदाजांना तंबूत पाठवले. त्याने साहिबजादा फरहान (40 धावा), हसन नवाज (5 धावा) आणि मोहम्मद नवाज (0 धावा) यांना बाद केले. या स्पर्धेत कुलदीप यादवने आतापर्यंत एकूण सात विकेट्स घेतल्या आहेत.
