रविवार, 25 ऑक्टोबर 2026
फोटो सौजन्य - सोशल मिडिया
भारत विरुद्ध दक्षिण आफ्रिका यांच्यामध्ये एकदिवसीय मालिका सुरु आहे. भारताचे स्टार विराट कोहली आणि रोहित शर्मा हे यांचे संघामध्ये पुनरागमन झाले आहे. दोघांनीही कसोटी आणि टी20 मधून निवृती घेतली आहे, आता रोहित शर्माबद्दल मोठी अपडेट समोर आली आहे. रोहित शर्माने आंतरराष्ट्रीय टी-२० क्रिकेटमधून निवृत्ती घेतली असली तरी त्याला अजूनही मुंबईकडून खेळायचे आहे. रोहित शेवटचा आयपीएल दरम्यान टी-२० फॉरमॅट खेळताना दिसला होता.
सर्वांना वाटले होते की तो आयपीएल २०२६ मध्येच क्रिकेटच्या सर्वात लहान फॉरमॅटमध्ये परतेल. तथापि, रोहितने आता सय्यद मुश्ताक अली ट्रॉफीच्या नॉकआउट सामन्यांमध्ये मुंबईकडून खेळण्याची इच्छा व्यक्त केली आहे. रोहितच्या चाहत्यांसाठी ही महत्त्वाची बातमी आहे.
टाईम्स ऑफ इंडियाने वृत्त दिले आहे की रोहित शर्माने भारताच्या स्थानिक टी-२० क्रिकेट स्पर्धेत एसएमएटी खेळण्याची इच्छा व्यक्त केली आहे. मुंबई क्रिकेट असोसिएशनमधील एका सूत्राने सांगितले की, “रोहित शर्माने मुंबईसाठी सय्यद मुश्ताक अली ट्रॉफीच्या नॉकआउट्समध्ये खेळण्याची इच्छा व्यक्त केली आहे.” रोहितला पुन्हा टी-२० स्वरूपात खेळताना पाहणे निश्चितच मनोरंजक असेल. जर मुंबईला नॉकआउट सामन्यांमध्ये रोहितचा पाठिंबा मिळाला तर त्यांच्या ट्रॉफी जिंकण्याची शक्यता दुप्पट होईल.
🚨 ROHIT SHARMA IN SMAT. 🚨 – Rohit wants to play Syed Mushtaq Ali Trophy knockouts for Mumbai. (TOI). pic.twitter.com/yuEgUwXUL6 — Mufaddal Vohra (@mufaddal_vohra) December 4, 2025
न्यूज२४ ला मिळालेल्या वृत्तानुसार, रोहित शर्मा मुंबईकडून विजय हजारे ट्रॉफी खेळणार आहे. काही काळापूर्वी, बीसीसीआयने सांगितले होते की टीम इंडियामध्ये राहण्यासाठी सर्व खेळाडूंनी देशांतर्गत क्रिकेट खेळले पाहिजे. रोहित शर्मा फक्त एकदिवसीय सामने खेळतो आणि चांगल्या फॉर्ममध्ये राहण्यासाठी त्याला विजय हजारे ट्रॉफी खेळण्याचा सल्ला देण्यात आला होता. एमसीएने पुष्टी केली आहे की रोहित या स्पर्धेत काही सामने खेळेल.
सय्यद मुश्ताक अली ट्रॉफीचे नॉकआउट सामने १२ डिसेंबर २०२५ रोजी सुरू होणार आहेत. मुंबई सध्या त्यांचे चारही सामने जिंकून ग्रुप अ मध्ये अव्वल स्थानावर आहे आणि नॉकआउट सामन्यांसाठी त्यांची पात्रता जवळजवळ निश्चित दिसते. त्यामुळे, रोहित १२ डिसेंबरपासून मुंबईच्या देशांतर्गत टी२० संघात सामील होऊ शकतो. एसएमएटी फायनल १८ डिसेंबर २०२५ रोजी इंदूरच्या होळकर स्टेडियमवर होईल.
