WPL 2025: शुक्रवारपासून सुरू होतोय WPL चा तिसरा धमाकेदार हंगाम, 2 टीममध्ये रंगणार पहिला सामना

WPL 2025: महिला प्रीमियर लीगच्या तिसऱ्या हंगामाची सुरुवात गतविजेत्या रॉयल चॅलेंजर्स बंगळुरू आणि गुजरात टायटन्स यांच्यातील सामन्याने होत आहे. यावर्षी कोण बाजी मारणार याची चर्चा सुरू झालीये

यावर्षी कोण पटकावणार ट्रॉफीचा मान (फोटो सौजन्य - इन्स्टाग्राम)

Follow Us:

Follow Us:

महिला प्रीमियर लीगचा तिसरा हंगाम शुक्रवारी (१४ फेब्रुवारी २०२५) येथे गतविजेत्या रॉयल चॅलेंजर्स बंगळुरू आणि गुजरात टायटन्स यांच्यातील सामन्याने सुरू होईल, ज्यामध्ये सर्वांचे लक्ष भारताच्या उदयोन्मुख क्रिकेटपटूंवर असेल. आंतरराष्ट्रीय स्टार्ससोबतच लीगचे खरे यश स्थानिक खेळाडूंच्या कामगिरीवर देखील अवलंबून असते. पहिल्या दोन हंगामात श्रेयंका पाटील आणि सईका इशाक सारख्या खेळाडूंनी दबावाखाली उत्कृष्ट कामगिरी केली आणि भारतीय संघातही स्थान मिळवले. WPL च्या प्रत्येक हंगामात उदयोन्मुख भारतीय खेळाडूंची यादी वाढत आहे. दुखापतीमुळे या हंगामात अ‍ॅलिसा हिली, सोफी मोलिनो आणि केट क्रॉस खेळणार नाहीत.

हरमनप्रीत कौरने स्टार स्पोर्ट्स प्रेस रूममध्ये सांगितले की, ‘भारतीय कर्णधार म्हणून मी या हंगामाबद्दल खूप उत्साहित आहे कारण अनेक देशांतर्गत क्रिकेटपटूंनी या स्पर्धेसाठी स्वतःला तयार केले आहे.’ पुढे ती म्हणाली की, ‘लिलावापूर्वी, आम्ही बोललो होतो की अनेक देशांतर्गत क्रिकेटपटूंनी चांगली कामगिरी केली आहे आणि प्रत्येकाच्या मनात काही नावे होती. आम्हाला आशा आहे की ते चांगले खेळतील आणि भारतीय संघ अधिक मजबूत होईल.

Champions Trophy 2025: चॅम्पियन्स ट्रॉफीआधी BCCI चा टीम इंडियाबाबत ‘हा’ मोठा निर्णय; भारतीय संघ एकही…

कशी आहे संघांची कामगिरी

खराब फॉर्मशी झुंजत असलेली शेफाली वर्मा दिल्ली कॅपिटल्ससाठी चांगली कामगिरी करून राष्ट्रीय संघात पुनरागमन करू इच्छिते. जुलैमध्ये भारतीय संघ इंग्लंडचा दौरा करणार आहे आणि एकदिवसीय विश्वचषकही भारतात होणार आहे. वेगवान गोलंदाज अष्टपैलू केशव गौतमलाही स्वतःला सिद्ध करण्याची संधी असेल.

स्पर्धेत वडोदरा आणि लखनऊ ही दोन नवीन ठिकाणे जोडण्यात आली आहेत आणि ती होम अँड अवे फॉरमॅटमध्ये खेळवली जातील. सोफी डेव्हाईन, मोलिना आणि केट क्रॉस सारख्या खेळाडू यावेळी खेळत नसल्याने गतविजेत्या आरसीबीसाठी जेतेपद राखणे सोपे जाणार नाही.

ICC Ranking : एकदिवसीय संघ क्रमवारी जाहीर, पाकिस्तानला फायदा, जाणून घ्या पॉइंट्स टेबलमध्ये भारत कुठे आहे?

कोण आहे स्टार खेळाडू 

स्टार अष्टपैलू खेळाडू एलिस पेरी, श्रेयंका पाटील आणि आशा शोभाना दुखापतींमधून सावरत आहेत. या अडचणींमधून सावरण्याची त्यांची क्षमता त्यांना विजेतेपद जिंकता येईल की नाही हे ठरवेल. आरसीबीची कर्णधार स्मृती मानधना म्हणाली, ‘शेवटच्या अकरा जणांमध्ये असलेले अनेक खेळाडू यावेळी दुखापतीमुळे बाहेर आहेत.’ सोफी डेव्हाईन ही जगातील सर्वोत्तम अष्टपैलू खेळाडूंपैकी एक आहे, त्यामुळे तिची उणीव जाणवेल.

दोन वेळा उपविजेते राहिलेल्या दिल्ली कॅपिटल्सने स्पर्धेत सातत्यपूर्ण कामगिरी केली आहे आणि अंतिम सामन्यातील पराभवाच्या निराशेतून बाहेर पडण्याचा त्यांचा प्रयत्न असेल. त्यांच्याकडे शेफाली वर्मा, मेग लॅनिंग, जेमिमा रॉड्रिग्ज, अ‍ॅनाबेल सदरलँड आणि मारियान कॅप सारख्या खेळाडू आहेत तर गोलंदाजीत शिखा पांडे, अरुंधती रेड्डी, तितस साधू आणि जेस जोनासेन सारखे अनुभवी खेळाडू आहेत.

पहिल्या हंगामातील विजेता मुंबई इंडियन्स गेल्या वर्षी हेली मॅथ्यूज, यास्तिका भाटिया, हरमनप्रीत कौर, नॅट सायव्हर ब्रंट आणि अमेलिया केर यांच्यावर जास्त अवलंबून राहिल्यामुळे अपयशी ठरला. गुजरात टायटन्सकडे अ‍ॅशले गार्डनरच्या रूपात नवीन कर्णधार आहे आणि यूपी वॉरियर्सकडे दीप्ती शर्माच्या रूपात नवीन कर्णधार आहे.

Web Title: Womens premier league 2025 third season of wpl starts on 14th february friday rcb and gt will open the match

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com