Samsung च्या Ultra Slim स्मार्टफोनची लाँच डेट पुन्हा पुढे ढकलली, काय आहे याचं कारण? जाणून घ्या

Samsung's slimmest smartphone Launch Update: तुम्ही देखील सॅमसंगच्या आगामी स्मार्टफोनच्या लाँचिंगची वाट पाहत असाल तर ही बातम तुमच्यासाठी आहे. Samsung च्या Ultra Slim स्मार्टफोनची लाँच डेट पुन्हा पुढे ढकलण्यात आली आहे.

Samsung च्या Ultra Slim स्मार्टफोनची लाँच डेट पुन्हा पुढे ढकलली, काय आहे याचं कारण? जाणून घ्या

Follow Us:

Follow Us:

Samsung Ultra Slim बद्दल गेल्या अनेक दिवसांपासून चर्चा सुरु आहे. हा स्मार्टफोन एप्रिलमध्ये लाँच होईल, अशी चर्चा गेल्या अनेक दिवसांपासून सुरु होती. कंपनीने त्यांच्या ईव्हेंटमध्ये सॅमसंगच्या सर्वात पातळ स्मार्टफोनच्या लाँचिंगचची घोषणा केली होती. हा स्मार्टपोन Galaxy S25 Edge या नावाने लाँच केला जाईल, असं कंपनीने सांगितलं होतं. त्यानंतर या स्मार्टफोनबाबत अनेक लिक्स समोर येऊ लागले, ज्यामध्ये स्मार्टफोनचे स्पेसिफिकेशन्स, फीचर्स आणि इतर गोष्टींबद्दल माहिती दिली जात होती.

Price Drop: लाँचिंगनंतर महिनाभरातच घसरली Samsung च्या या बजेट स्मार्टफोनची किंमत, कंपनीने केली घोषणा! खरेदी करण्याची सुवर्णसंधी

युजर्सना धीर धरावा लागेल

या सर्व लिक्सनंतर अशी अपडेट समोर आली होती, हा स्मार्टफोन एप्रिल महिन्यात लाँच केला जाणार आहे. मात्र आता एक नवीन अपडेट समोर आली आहे, ज्यामध्ये असं सांगितलं जात आहे की, या स्मार्टफोनची लाँच डेट पुढे ढकलण्यात आली आहे. त्यामुळे आता Galaxy S25 Edge च्या लाँचिंगला विलंब होऊ शकतो. असा एक अहवाल देखील समोर आला आहे. त्यामुळे या प्रिमियम स्मार्टफोनच्या लाँचिंगची वाट बघणाऱ्या चाहत्यांना थोडा अधिक धीर धरावा लागेल.  (फोटो सौजन्य – X)

लाँचिंग तारीख पुढे ढकलली

समोर आलेल्या अहवालात असे दिसून आले आहे की सॅमसंगने त्यांच्या अल्ट्रा-स्लिम प्रीमियम स्मार्टफोनचे प्रकाशन आणखी काही महिने पुढे ढकलले आहे. हा फोन एप्रिलमध्ये लाँच होईल असे म्हटले जात होते, परंतु आता हा फोन मे किंवा जून 2025 मध्ये लाँच होऊ शकतो. आता प्रश्न असा उद्भवतो की विलंबाचे कारण काय आहे? चला जाणून घेऊया.

लाँचिंगला विलंब का होतोय?

सॅमसंगच्या उत्पादन धोरण टीममध्ये काही अंतर्गत बदल असू शकतात, ज्यामुळे वेळापत्रकात बदल झाला आहे. याशिवाय, आणखी एक मोठी बातमी म्हणजे सॅमसंग त्यांच्या Galaxy S25 Edge साठी कोणताही भौतिक कार्यक्रम आयोजित करणार नाही. कंपनी हा स्मार्टफोन एका ऑनलाइन कार्यक्रमाद्वारे लाँच करू शकते.

हा आहे Jio चा परवडणारा रिचार्ज प्लॅन! 2GB हाय-स्पीड डेटासह मिळतो OTT प्लॅटफॉर्मचा अ‍ॅक्सेस, इतकी आहे किंमत

Galaxy S25 Edge पहिल्यांदा जानेवारीमध्ये झालेल्या गॅलेक्सी अनपॅक्ड 2025 कार्यक्रमात दाखवण्यात आला होता आणि नंतर बार्सिलोना येथे झालेल्या MWC 2025 मध्ये तो सादर करण्यात आला. अहवालात असे म्हटले होते की ते आधी 15 एप्रिल रोजी लाँच होणार होते, ज्यामध्ये भारतीय बाजारपेठ देखील समाविष्ट आहे. तथापि, दक्षिण कोरियातील अलिकडच्या अहवालांनुसार सॅमसंगने लाँचिंग मे किंवा जून 2025 पर्यंत पुढे ढकलले आहे.

Samsung Galaxy S25 Edge ची संभाव्य वैशिष्ट्ये

Samsung Galaxy S25 Edge मध्ये 6.65-इंचाचा AMOLED डिस्प्ले असू शकतो, ज्याचा रिफ्रेश रेट 120Hz असेल. या फोनमध्ये क्वालकॉम स्नॅपड्रॅगन ८ जेन ३ एलिट प्रोसेसर असेल, जो कंपनीचा सर्वात प्रगत प्रोसेसर आहे. Samsung Galaxy S25 Edge मध्ये 3,900mAh ची बॅटरी मिळू शकते. तथापि, आतापर्यंत कंपनीने त्याच्या वैशिष्ट्यांबद्दल कोणतीही माहिती दिलेली नाही. अशा परिस्थितीत आपल्याला काही काळ वाट पहावी लागू शकते.

Web Title: Samsung ultra slim launch delayed know the reason tech news marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com