रविवार, 15 नोव्हेंबर 2026
WhatsApp च्या AI राइटिंग टूल्ससह आणखी मजेदार होणार चॅटींग, स्टेटसचा अनुभवही सुधारणार; लवकरच येणार हे खास फीचर्स
जगभरातील लोकप्रिय मेसेजिंग अ‍ॅप म्हणजे WhatsApp. WhatsApp चे करोडो युजर्स आहेत, आणि या संख्येत दिवसेंदिवस वाढ देखील होत आहे. त्यामुळे युजर्सचा अनुभव चांगला व्हावा आणि WhatsApp वापरताना त्यांना कोणतीही समस्या येऊ नये, यासाठी कंपनी नेहमीच नवीन फीचर्स घेऊन येत असते. कंपनीचे काही फीचर्स तर इतके अप्रतिम असतात, की युजर्सचा WhatsApp वापरण्याचा अनुभव फारच मजेदार होतो.
WhatsApp मध्ये Meta AI इंटरफेसची पुनर्रचना केली जात असल्याचे एका नवीन मीडिया रिपोर्टमध्ये हे समोर आले आहे. त्यामुळे आता युजर्सना Meta AI चा पूर्वीपेक्षा अधिक चांगला अनुभव मिळणार आहे. यासोबतच, कंपनी आणखी पुढे जात आहे आणि AI-बेस्ड टूल्स विकसित करत आहे. या टूलच्या मदतीने तुम्ही तुमचे मेसेज मनोरंजक बनवू शकता आणि तुमच्या मेसेजमध्ये खास स्टेटस जोडू शकता. (फोटो सौजन्य – Pinterest)
Android Authority च्या एका नवीन अहवालात असे समोर आले आहे की WhatsApp आर्टिफिशियल इंटेलिजेंस (AI) बेस्ड राइटिंग फीचर सादर करण्याची तयारी करत आहे. ही वैशिष्ट्ये तुम्हाला तुमचे मेसेज प्रूफरीड करण्यास, ते पुन्हा लिहिण्यास आणि त्यांना एका विशिष्ट स्वरात बदलण्यास मदत करतील.
आता प्रश्न असा उद्भवतो की हे वैशिष्ट्य कसे कार्य करेल? जेव्हा हे वैशिष्ट्य उपलब्ध होईल, तेव्हा युजर्सना ‘सेंड’ बटणाजवळ एक नवीन ‘पेन्सिल’ बटण दिसेल. या बटणावर टॅप केल्याने सर्व आर्टिफिशियल इंटेलिजेंस (AI) बेस्ड टेक्स्ट एडिटिंग टूल्ससह एक टेक्स्ट एडिटर उघडेल. युजर्स त्यांचे मेसेज सात वेगवेगळ्या प्रकारे पुन्हा लिहू शकतात. येथे आपण या 7 फिल्टर्सबद्दल जाणून घेऊ.
यासोबतच स्टेटस अपडेट्ससाठी एक नवीन फीचर देखील आणले जात आहे, ज्याला कोलाज फीचर म्हटले जात आहे. या फीचरअंतर्गत, वापरकर्ते एकाच स्टेटस अपडेटमध्ये जास्तीत जास्त 6 फोटो एकत्र जोडू शकतात. हे लेआउट नावाच्या एका नवीन पर्यायात उपलब्ध असेल, जो संगीत, व्हॉइस आणि मजकूर पर्यायांसह दिसेल. सध्या, हे वैशिष्ट्य बीटा चाचणी टप्प्यात आहे आणि लवकरच WhatsApp च्या आगामी अपडेटमध्ये ते रिलीज केले जाऊ शकते.
