इवलेसे शरीर, मिटलेले डोळे जणू गाढ झोपेत असल्याचा होतोय भास… सोन्याच्या खाणीत आढळले ३०,००० वर्षे जुन्या बेबी मॅमथचे अवशेष

Baby Mammoth Viral : हजारो वर्षांपूर्वी नामशेष झालेल्या मॅमथच्या बाळाचे प्राचीन अवशेष अलीकडेच कॅनडातील युकोनमध्ये सापडले आहेत. पर्माफ्रॉस्टमध्ये गाढला गेल्याचे त्याला पाहून तो आजही जिवंत असल्याचा भास होतो.

(फोटो सौजन्य: Instagram)

Follow Us:

Follow Us:

सोशल मीडियावर नेहमीच अनोख्या गोष्टी शेअर केल्या जातात आणि नुकतेच इथे एका मॅमथचे प्राचीन अवशेष शेअर करण्यात आले आहेत ज्यात हजारो वर्षांपूर्वीच्या मॅमथचे प्रीझर्व्ह केलेले शरीर आढळून आले आहे. हजारो वर्षांपूर्वी, हत्तींचे पूर्वज पृथ्वीवर राहत होते, ज्यांना मॅमथ म्हटले जात असे. ते इतके प्रचंड आणि जड होते की ते चालतानाही पृथ्वी थरथर कापत असे. जरी हजारो वर्षांपूर्वी ते नामशेष झाले असले तरी अलीकडेच एका बेबी मॅमथचे दुर्लभ अवशेष सापडले आहेत ज्यात तो सोन्याच्या खाणीत शांत झोपल्याचे दिसून आले आहे.

चिमुकल्यावर पडली विजेची तार, मृत्यूने विळखा घातलाच होता तेवढ्यात झालं माणुसकीचं दर्शन; हृदय हेलावणारी दृश्ये अन् Video Viral

सीएनएनच्या वृत्तानुसार, कॅनडातील युकोनमध्ये एक बेबी मॅमथ सापडला आहे. मिळालेल्या माहितीनुसार, हा बेबी मॅमथ ३० हजार वर्षे जुना म्हणजेच हिमयुगातील असल्याचे म्हटले जाते. विचित्र गोष्ट अशी आहे की या प्राण्याचे शरीर पर्माफ्रॉस्टमध्ये गोठलेले होते ज्यामुळे ते कुजले नाही किंवा ते पूर्णपणे सांगाड्यात बदलले नाही. याला पाहून ते अजूनही जिवंत असल्याचाच भास होतो. हा मॅमथ उत्तर अमेरिकेत आढळणारा सर्वात पूर्ण किंवा संरक्षित मॅमथ मानला जातो.

युकोनच्या एका विशेष समुदायाच्या लोकांनी हान भाषेत त्याचे नाव ‘नन चो गा’ ठेवले आहे ज्याचा अर्थ मोठा बाळ प्राणी, म्हणजेच मोठ्या प्राण्याचे मूल असा होतो. वूली मॅमथ हजारो वर्षांपूर्वी उत्तर अमेरिकेत राहत होते. त्यावेळी जंगली घोडे, गुहेतील सिंह, महाकाय बायसन असे प्राणी देखील त्यांच्यासोबत राहत होते. सुमारे ४००० वर्षांपूर्वी हे मॅमथ नामशेष झाले. शास्त्रज्ञांचा असा अंदाज आहे की जर हे बाळ मॅमथ मोठे असते तर ते १३ फूट उंच असू शकले असते.

 

View this post on Instagram

 

A post shared by THE GEOLOGY | CRYSTALS (@thegeology)

संपूर्ण कोब्रा समाज घाबरलेला आहे! सापाचं मुंडक मुठीत पकडून चिमुकल्याने दाखवली कमाल; दरारा पाहून युजर्सही घाबरले; Video Viral

मिळालेल्या माहितीनुसार, गेल्या मंगळवारी क्लोंडाइक सोन्याच्या शेतात खोदकाम करणाऱ्या सोन्याच्या खाणीत हा मॅमथ पहिल्यांदा दिसला. आम्ही सांगितल्याप्रमाणे तो पर्माफ्रॉस्टमध्ये गाडला गेला होता, त्यामुळे त्याची त्वचा आणि बहुतेक भाग अजूनही सुरक्षित आहेत. पर्माफ्रॉस्ट म्हणजे पृथ्वीच्या पृष्ठभागाखालील तो भाग ज्याचे तापमान २ वर्षे किंवा त्याहून अधिक काळ ० अंश सेल्सिअसपेक्षा कमी असते. तपासात असे दिसून आले आहे की हा प्राणी मादी आहे. युकोन हे नेहमीच हिमयुगावर संशोधन करणाऱ्या शास्त्रज्ञांसाठी एक खास ठिकाण राहिले आहे कारण येथून प्राचीन काळाशी संबंधित बरीच माहिती सापडली आहे.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.

Web Title: 30000 yearold baby mammoth remains found in gold mine in canada yukon it was preserved by permafrost ice

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com