खळबळजनक! डोनाल्ड ट्रम्प, कमला हॅरिस यांचा फोन डेटा हॅक; अमेरिकेचा चिनी हॅकर्सवर आरोप

US Election 2024: अमेरिकेच्या राष्ट्राध्यक्षपदाच्या 2024 च्या निवडणुकीपूर्वी अमेरिकेत गोंधळ उडाला आहे. डोनाल्ड ट्रम्प, कमला हॅरिस यांचा फोन डेटा हॅक झाला असल्याचा दावा केला जात आहे.

फोटो सौजन्य: iStock

Follow Us:

Follow Us:

वॉशिंग्टन: अमेरिकेच्या राष्ट्राध्यक्षपदाच्या 2024 च्या निवडणुकीला काही दिवसच राहिले आहेत. दरम्यान निवडणुकीपूर्वी अमेरिकेत गोंधळ उडाला आहे. अमेरिकेत एक मोठा कट उघड झाला आहे. मिळालेल्या माहितीनुसार, डोनाल्ड ट्रम्प, त्यांचे त्यांचे सहकारी जेडी व्हॅन्स, आणि डेमोक्रॅटिक पक्षाच्या उपराष्ट्रपती कमला हॅरिस यांच्या प्रचाराचा फोन डेटा हॅक केल्याचा दावा केला जात आहे. तर अमेरिकेनी चिनी हॅकर्सने डेटा हॅक केला असल्याचा आरोप केला आहे.

अमेरिकन राष्ट्राध्यक्षपदाच्या निवडणुकीपूर्वी संपूर्ण देशात खळबळ

ही माहिती समोर आल्यानंतर 5 नोव्हेंबरला होणाऱ्या अमेरिकन राष्ट्राध्यक्षपदाच्या निवडणुकीपूर्वी संपूर्ण देशात खळबळ उडाली आहे. मीडिया रिपोर्टनुसार, चिनी हॅकर्सने व्हेरिझॉनच्या सिस्टीमचे उल्लंघन केले आणि कमला हॅरिस आणि डोनाल्ड ट्रम्प यांच्या फोनला लक्ष्य केले. चिनी हॅकर्सनी डेमोक्रॅटिक पक्षाच्या उपराष्ट्रपती कमला हॅरिस यांच्या प्रचाराशी संबंधित लोकांकडून वापरल्या जाणाऱ्या फोनला लक्ष्य केले, असे सांगितले जात आहे. मिळालेल्या माहितीनुसार, रिपब्लिकन पक्षाचे अध्यक्षपदाचे उमेदवार डोनाल्ड ट्रम्प आणि त्यांच्या साथीदार जेडी व्हॅन्स यांचेही फोन हॅक करण्यात आले. मात्र, ट्रम्प मोहिमेने याबाबत अद्याप पुष्टी केलेली नाही.

हे देखील वाचा- अखेर मालदीवचा माज उतरला; भारतीय पर्यटकांना परत येण्यासाठी घातली साद

मोहिमेचे कम्युनिकेशन डायरेक्टर स्टीव्हन चेउंग यांनी म्हटले आहे की, उपराष्ट्रपती हॅरिसने ट्रम्प यांना पुन्हा अध्यक्ष होण्यापासून रोखण्यासाठी चीन आणि इराणला अमेरिकेच्या पायाभूत सुविधांवर हल्ला करण्यास प्रोत्साहित केले आहे. वॉशिंग्टनमधील चिनी दूतावासाने सांगितले की, चीन सर्व प्रकारच्या सायबर हल्ले आणि सायबर चोरीला विरोध करतो आणि त्याचा प्रतिकार करतो.

इराणवही करण्यात आला होता आरोप

यापूर्वी, अमेरिकेच्या न्याय विभागाने इराणच्या रिव्होल्युशनरी गार्ड कॉर्प्सच्या तीन सदस्यांवर 5 नोव्हेंबरच्या निवडणुकीत व्यत्यय आणण्याच्या उद्देशाने हॅकिंगचा आरोप केला होता. एफबीआय, यूएस सायबर आणि इन्फ्रास्ट्रक्चर सिक्युरिटी एजन्सीने सांगितले की ते चीनशी संबंधित लोकांकडून व्यावसायिक दूरसंचार पायाभूत सुविधांमध्ये अनधिकृत प्रवेशाची चौकशी करत आहेत.

व्हेरिझॉनने सांगितले की यूएस टेलिकॉमला लक्ष्य करण्याच्या आणि गुप्तचर माहिती गोळा करण्याच्या अत्याधुनिक प्रयत्नांची माहिती होती. सर्वात मोठ्या यूएस टेलिकम्युनिकेशन कंपनीने सांगितले की ते कायद्याची अंमलबजावणी करत आहे. निवडणुकीच्या अगोदर उघड झालेला हा सायबर हल्ल्याचा कट, निवडणुकीतील सुरक्षा आणि पारदर्शकतेबाबत मोठे प्रश्न निर्माण करत आहे.

हे देखील वाचा- इस्त्रायलचे इराणसोबत सीरियावरही हल्ले; लष्करी तळांना केले लक्ष्य

Web Title: Donald trump kamala harriss phone data hacked americas allege on chinese hackers nrss

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com