मेरा इंतकाम देखेगी… 1200 च्या स्पीडने गाडी चालवत गर्लफ्रेंडच्या घरी पोहोचला आणि लावली आग

अमेरिकेतील मिशिगन राज्यात एका प्रियकराने प्रेमसंबंधातील वादामुळे प्रेयसीच्या घराला आग लावून संपूर्ण घर उद्ध्वस्त केले. या घटनेत तिच्या पाळीव कुत्र्याचा मृत्यू झाला.

मेरा इंतकाम देखेगी… 1200 च्या स्पीडने गाडी चालवत गर्लफ्रेंडच्या घरी पोहोचला आणि लावली आग ( फोटो सौजन्य : सोशल मीडिया)

Follow Us:

Follow Us:

मिशिगन : अमेरिकेतील मिशिगन राज्यात एका प्रियकराने प्रेमसंबंधातील वादामुळे प्रेयसीच्या घराला आग लावून संपूर्ण घर उद्ध्वस्त केले. या घटनेत तिच्या पाळीव कुत्र्याचा मृत्यू झाला. आरोपी 21 वर्षीय हॅरिसन जोन्स याला पोलिसांनी अटक केली असून, त्याच्यावर खुनाचा प्रयत्न, जाणीवपूर्वक घराची नासधूस आणि गुन्हेगारी कृत्यांबाबत गुन्हा दाखल करण्यात आला आहे.

प्रेमातील संतापाचा भीषण परिणाम

हॅरिसन जोन्स आणि बेमिनसन येथे राहणाऱ्या एका तरुणीमध्ये प्रेमसंबंध होते. मात्र, नुकत्याच झालेल्या घटनेमुळे त्यांच्या नात्यात तणाव निर्माण झाला. हफिंग्टन पोस्टच्या वृत्तानुसार, जोन्सला आपल्या प्रेयसीच्या डेटिंग प्लॅनबद्दल माहिती मिळाली, त्यामुळे तो संतापला. रागाच्या भरात त्याने थेट 1200 किमी प्रवास करून तिच्या घराजवळ पोहोचण्याचा निर्णय घेतला.

जागतिक घडामोडी संबंधित बातम्या वाचण्यासाठी येथे क्लिक करा : India UK Relation: आता लंडनचा प्रवास होणार आणखी सोपा; S. जयशंकर-ब्रिटिश पंतप्रधान भेटीने उघडली नवीन दारं!

प्रेमभंगाचा विकृत बदला

पोलिसांच्या तपासानुसार, जोन्स आणि मुलीच्या घरामधील अंतर जवळपास 1200 किमी होते. मात्र, जोन्सने आपला संताप रोखू न शकल्याने, तब्बल 11 तास कार चालवत तो थेट बेमिनसन येथे पोहोचला. मध्यरात्रीच्या सुमारास त्याने मुलीच्या घराला आग लावली आणि लगेचच तेथून फरार झाला.

घर जळून खाक, पाळीव कुत्र्याचा मृत्यू

बेमिनसन पोलिस ठाण्यात नोंदवलेल्या तक्रारीनुसार, घरातील लोक पहाटे पाच वाजता झोपायला गेले असताना अचानक मोठा आवाज झाला. आवाजामुळे जाग आलेल्या कुटुंबाला घराने आगीच्या ज्वाळा वेढल्याचे दिसले. त्यांनी तातडीने अग्निशमन दलाला बोलावले.

अग्निशमन दलाने आग आटोक्यात आणण्यासाठी सुमारे २० मिनिटे घेतली, मात्र तोपर्यंत संपूर्ण घर उद्ध्वस्त झाले होते. या आगीत कुटुंबातील सदस्यांना काही इजा झाली नसली, तरी मुलीचा पाळीव कुत्रा जळून मृत्यूमुखी पडला. या घटनेनंतर पीडितेच्या आईने पोलिस ठाण्यात तक्रार दाखल केली.

जोन्सला पोलिसांची ताबडतोब अटक

घटनेनंतर पोलिसांनी तपास सुरू केला आणि संशयित हॅरिसन जोन्स याच्या हालचालींवर लक्ष केंद्रित केले. प्राथमिक चौकशीदरम्यान जोन्सने गुन्ह्याची कबुली दिली. त्याने प्रेयसीला तिच्या डेटिंग प्लॅनबद्दल समजावून सांगण्याचा प्रयत्न केला होता, मात्र तिची भूमिका मान्य नसल्याने त्याने हे टोकाचे पाऊल उचलले. पोलिसांनी त्याला तत्काळ अटक केली असून, त्याच्यावर विविध गुन्ह्यांखाली कारवाई सुरू आहे. त्याच्याविरोधात खुनाचा प्रयत्न, जाणीवपूर्वक घराची नासधूस आणि गुन्हेगारी हेतूने आग लावण्याचे आरोप लावण्यात आले आहेत.

जागतिक घडामोडी संबंधित बातम्या वाचण्यासाठी येथे क्लिक करा : चंद्रावर अमेरिकेच्या ‘ब्लू घोस्ट’चे यशस्वी आगमन; सूर्योदयाच्या अद्भुत छायाचित्रांनी वेधले लक्ष

समाजावर परिणाम आणि कायद्याचा कठोर इशारा

या घटनेमुळे अमेरिकेत पुन्हा एकदा संताप आणि चिंता व्यक्त केली जात आहे. पोलिसांनी अशा घटनांमध्ये कडक कारवाई केली जाईल, असा इशारा दिला आहे. मानसिक अस्थिरता आणि क्रोध यामुळे मोठे गुन्हे घडू शकतात, याचे हे एक गंभीर उदाहरण आहे. या घटनेने प्रेमसंबंधात सहनशीलता, समंजसपणा आणि संयमाचे महत्त्व अधोरेखित केले आहे. व्यक्तिगत भावनांच्या भरात कोणत्याही व्यक्तीने असा क्रूर आणि अनैतिक निर्णय घेणे, केवळ स्वतःसाठीच नव्हे, तर इतरांसाठीही घातक ठरू शकते.

Web Title: In michigan a man set his girlfriends house on fire after a dispute destroying it and killing her dog nrhp

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com