Russia Ukraine War : झेलेन्स्कींना झटका! ट्रम्प-पुतिन बैठीदरम्यान रशियन सैन्याचा युक्रेनच्या दोन भागांवर ताबा

Russia Ukraine War Update : ट्रम्प आणि पुतिन यांची अलास्कामध्ये बैठक सुरु होती. परंतु रशियन सैन्याने याच वेळी रशियाच्या दोन भागांवर ताबा मिळवला आहे. तसेच ड्रोन आणि मिसाइल्सचा हल्लाही केला आहे.

Russia Ukraine War : झेलेन्स्कींना झटका! ट्रम्प-पुतिन बैठीदरम्यान रशियन सैन्याचा युक्रेनच्या दोन भागांवर ताबा (फोटो सौजन्य: सोशल मीडिया)

Follow Us:

Follow Us:

• पुतिन-ट्रम्प बैठक सुरु असताना रशियन सैन्याचा युक्रेनवर हल्ला
• युक्रेनच्या दोन भागांवर रशियाचे नियंत्रण
• ट्रम्प-झेलेन्स्कींची लवकरच होणार भेट

Russia Ukraine War news in Marathi : कीव : रशियाने एक मोठा खळबळजनक दावा केला आहे. रशियाच्या सरंक्षण मंत्रालयाने त्यांच्या सैन्याने युक्रेनच्या दोन गावांवर नियंत्रण मिळवल्याचा दावा केला आहे. या दाव्याने सर्वत्र खळबळ उडाली आहे. याच वेळी अलास्कामध्ये अमेरिकेचे राष्ट्राध्यक्ष डोनाल्ड ट्रम्प (Donald Trump) आणि रशियाचे राष्ट्राध्यक्ष व्लादिमिर पुतिन (Vladimir Putin) यांची बैठक सुरु होती. या वेळेतच रशियाने युक्रेनच्या पूर्व भागातील दोन गावांवर कंट्रोल मिळवल्याचे सांगितले आहे.

रशियाचा युक्रेनमध्ये कहर

रशियाच्या संरक्षण मंत्रालयाने दिलेल्या माहितीनुसार, त्यांच्या सैन्याने युक्रेनच्या डोनेस्टक भागातील कोलोडियाजी आणि निप्रोपेट्रोव्स्कमधील वोरोन गावावर नियंत्रण मिळवले आहे. याच वेळी युक्रेनच्या अधिकाऱ्यांनी, रशियाने युक्रेनवर ८५ ड्रोन आणि बॅलेस्टिक क्षेपणास्त्रे डागली असल्याचे म्हटले आहे. हा हल्ला आणि ताबा रशिया युक्रेन युद्धबंदीच्या शांतता करारासाठी अत्यंत धोकादायक मानला जात आहे.

Trump Putin Meet : पत्रकाराच्या ‘त्या’ प्रश्नावर भांबावले पुतिन ; दिली अशी प्रतिक्रिया की VIDEO तुफान व्हायरल

बैठकीपूर्वी झेलेन्स्कींचे विधान

दरम्यान अलास्कामधील बैठकीपूर्वी युक्रेन अध्यक्ष वोलोडिमिर झेलेन्स्की (Volodymir Zelensky) यांनी एक मोठे विधान केले होते. त्यांनी रशियाचा युद्धबंदीचा कोणताही हेतू नसल्याचे स्पष्ट केले होते. त्यांनी या संदर्भात सोशल मीडियावर एक पोस्टही केली आहे, ट्रम्प आणि पुतिन यांच्या बैठकी दिवशीच रशियाने युक्रेनमध्ये हत्याकांड केला आहे. यावरून मॉस्कोला युद्ध संपवायचे नसल्याचे स्पष्ट होते.

On the day of negotiations, the Russians are killing as well. And that speaks volumes. Recently, weʼve discussed with the U.S. and Europeans what can truly work. Everyone needs a just end to the war. Ukraine is ready to work as productively as possible to bring the war to an end,… pic.twitter.com/tmN8F4jDzl

— Volodymyr Zelenskyy / Володимир Зеленський (@ZelenskyyUa) August 15, 2025

ट्रम्प पुतिन चर्चा अपयशी

डोनाल्ड ट्रम्प आणि पुतिन यांच्यात काल (१५ ऑगस्ट २०२५) अलास्कामध्ये बैठक पार पडली. या बैठकीचा उद्देश रशिया युक्रेन युद्धावर (Russia Ukraine War) तोडगा काढणे होता. पण या बैठकीत कोणताही ठोस निर्णय झाला नाही. या बैठकीनंतर आता ट्रम्प युक्रेनचे राष्ट्राध्यक्ष वोलोडिमिर झेलेन्स्की यांची भेट घेणार असल्याचे ट्रम्प यांनी म्हटले आहे. युक्रेनचे राष्ट्राध्यक्ष वोलोडिमिर झेलेन्स्की सोमवारी (१८ ऑगस्ट) वॉशिंग्टनला ट्रम्पच्या भेटीसाठी जाण्याची शक्यता आहे. ट्रम्प यांनी आता रशिया युक्रेन युद्ध संपवणे हे झेलेन्स्कींवर अवलंबून असल्याचे म्हटले.

Russia-Ukraine war: पुतिनशी चर्चेनंतर ट्रम्प घेणार झेलेन्स्कीची भेट; लवकरच नाटो देशांच्या प्रमुखांशी करणार चर्चा

Web Title: Russia take control of two parts of ukraine during trump putin meeting in alaska

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com