शत्रूची आता खैर नाही! भारतीय नौदलात सामील होणार ‘हे’ धोकादायक शस्त्र; चीन आणि पाकिस्तानचाही उडेल थरकाप

Russia-India Defence Deal : भारताच्या नौदलाची शक्ती आता आणखी बळकट होणार आहे. कारण भारतीय नौदलाच्या ताफ्यात एक असे धोकादायक शस्त्र सामील होणार आहे, ज्याने भल्या भल्या देशांची झोप उडेल.

Follow Us:

Follow Us:

नवी दिल्ली : भारताच्या नौदलाची शक्ती आता आणखी बळकट होणार आहे. कारण भारतीय नौदलाच्या ताफ्यात एक असे धोकादायक शस्त्र सामील होणार आहे, ज्याने भल्या भल्या देशांची झोप उडेल. या शस्त्राची रेंज आणि त्याची शक्ती भारताच्या शत्रूला गिळंकृत करुन टाकेल. मिळालेल्या माहितीनुसार, भारत आणि रशियामध्ये एक मोठा संरक्षण करार करण्यात आला आहे. या अंतर्गत भारताला रशियाकडून अत्याधुनिक अकुला क्लास अणु पाणबुडी मिळणार आहे. यामुळे आता पाकिस्तान आणि चीन सारख्या शत्रू देश घाबरुन राहतील.

या करारांतर्गत भारताला २०२८ पर्यंत रशियाकडून अणु पाणबुडी मिळण्याची शक्यता आहे. यासाठी भारतीय नौदलाने तयारी सुरु केली आहे. खरं तरं ही या पाणबुडीची डिलिव्हरी भारताला २०२५ पर्यंत मिळणार होती, परंतु काही अडचणींमुळे ही डिलिव्हरी २०२८ पर्यंत पुढे ढकलण्यात आली आहे. २०१९ मध्ये रशिया आणि भारतामध्ये सुमारे ३ अब्ज डॉलर्सचा करार करण्यात आला होता. या कारारांतर्गत भारताला ही अणु पाणबुडी मिळणार होती. ही पाणीबुडी भारतीय नौदलात सामील झाल्यावर याचे नाव INS चक्र -३ असे ठेवले जाईल.

जागतिक घडामोडी संबंधित बातम्या- बांगलादेशच्या शेख हसीनांना दणका; ITC न्यायालयाने सुनावली ‘इतक्या’ महिन्यांच्या तुरुंगवासाची शिक्षा

पाणबुडीची वैशिष्ट्ये

• या पाणबुडीत टोर्पेडो आणि क्रूझ क्षेपणास्त्रे बसवण्यात आली आहे. तसेच इतर क्षेपणास्त्रांसह देखील सुसज्ज करण्यात आली आहे.
• ही पाणबुडी पाण्यातील युद्ध, पृष्ठभागावरील युद्ध आणि लाब पल्लांच्या हल्ल्यासाठी डिझाउन करण्यात आली आहे.
• यामुळे इंडो-पॅसिफिक क्षेत्रात या पाणीबुडीचा समावेश अत्यंत महत्त्वपूर्ण मानला जात आहे. यामुळे भारतीय नौदलाच्या ताकदीत मोठ्या प्रमाणात वाढ होणर आहे.
• या रशियन पाणीबुडीत 3M14K कॅलिबर क्षेपणास्त्रांचा मारा करण्याची क्षमता आहे. ही पाणबुडी १,५०० किलोमीटरपर्यंत क्षेपणास्त्रांचा मारा करु शकते.
• या लांब पल्ल्याच्या कॅलिबर क्षेपणास्त्रामुळे खोल समुद्रात देखील भारताला त्याच्या शत्रूपर्यंत पोहोचता येईल.
• भारतीय नौदलाकडे सध्या स्कॉर्पिन-क्लास च्या पारंपारिक डिझेल-इलेक्ट्रिक पाणबुड्या आहेत. तसेच अणुउर्जेवर चालणाऱ्या दोन बॅलेस्टित क्षेपणास्त्र पाणबुड्या देखील आहेत.
• तसेच भारताकडे असलेल्या INS चक्र-II 3M54K क्षेपणास्त्रांनी सुसज्ज आहे, परंतु फक्त 600 किलोमीटर पर्यंत मारा करण्याची याची क्षमता आहे.

मात्र नव्या रशियाच्या अणु पाणबुडीमुळे भारताच्या नौदलाची ताकत अत्यंत वाढली आहे. तसेच या वर्षी भारताने अनेक मोठ्या संरक्षण करारांवर स्वाक्षरी केली आहे. सध्या भारताने संरक्षण निर्यात दरात १२ टक्क्याने वाढ केली आहे. भारत हा केवळ जागतिक संरक्षण क्षेत्रात ग्राहकच नव्हे तर निर्यातदारही बनला आहे.

जागतिक घडामोडी संबंधित बातम्या- ब्रिटनच्या इमिग्रेशन धोरणांमध्ये बदल; भारतीयांवर होणार परिणाम? जाणून घ्या नवीन नियमावली

Web Title: Russia to supply upgraded akula class submarine to india

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com