कीव हादरलं! रशियाच्या ड्रोन अन् क्षेपणास्त्र हल्ल्याने अनेक भाग अंधारात ; सहा ठार

Russia Airstrike on Ukraine : रशिया आणि युक्रेन युद्धाला आता तीन वर्षाहून अधिक काळ लोटला आहे. परंतु हे युद्ध थांबवण्याचे नाव घेईना. रशिया युक्रेनवर सतत हल्ले करत आहे. पुन्हा एकदा रशियाने युक्रेनवर मोठा हल्ला केला आहे.

कीव हादरलं! रशियाच्या ड्रोन अन् क्षेपणास्त्र हल्ल्याने अनेक भाग अंधारात ; सहा ठार (फोटो सौजन्य: सोशल मीडिया)

Follow Us:

Follow Us:

• रशियाचा पुन्हा एखदा युक्रेनवर हल्ला
• हल्ल्यात उर्जेच्या सुविधांना लक्ष
• दोन लहान मुलांसह सहा ठार

Russia Ukraine War : ‘व्यर्थ चर्चा…’ ; ट्रम्प यांनी पुतिनसोबतची बुडापेस्ट बैठक केली रद्द? काय आहे कारण?

रशियाच्या या हल्ल्यात किमान सहा जणांचा मृत्यू झाला आहे, तर १८ जण जखमी झाले आहेत. मृतांमध्ये दोन लहान मुलांचा समावेश असल्याचे युक्रेनच्या अधिकाऱ्यांनी म्हटले आहे. युक्रेनच्या उर्जा मंत्रींनी दिलेल्या माहितीनुसार, रशियाने रात्रभर त्यांच्या उर्जा सुविधांवर हल्ले केले आहे. मंगळवारी रात्री हे हल्ले सुरु झाले होते, जे बुधवारी पहाटेपर्यंत सुरुच राहिले. यामुळे युक्रेनची संपूर्ण उर्जा व्यवस्था कोलमडली आहे. या हल्ल्यामुळे देशभरात अनेक भागांमध्ये वीजपुरवठा खंडित झाला आहे.

झेलेन्स्कींनी केला संताप व्यक्त

रशियाच्या या हल्ल्यावर युक्रेनेचे राष्ट्राध्यक्ष वोलोडिमिर झेलेन्स्की (Volodymir Zelensky) यांनी तीव्र संताप व्यक्त केला आहे. त्यांनी म्हटले आहे ती, रशियाला अजूनही युद्ध थांबवायचे नाही, त्यांच्यावर पुरेसा दबाव नसल्यामुळे ते हल्ले करत आहेत. झेलेन्स्की यांनी युरोपियन युनियन, अमेरिका आणि G-7 च्या देशांना रशियावर निर्बंध घालण्याची मागणी केली आहे. झेलेन्स्कींनी दिलेल्या माहितीनुसार, रशियाच्या हल्ल्यामुळे युक्रेनच्या झापोरिझिया, कीव, ओडेसा, चेर्निहाइव, किरोव्होह्रद, पोल्तावा, विन्नित्सिया, चर्कासी आणि सुमी या प्रदेशांचे मोठे नुकसान झाले आहे.

युक्रेनचा रशियावर हल्ला

याचवेळी युक्रेनने देखील प्रत्युत्तरदाखल रशियाच्या ब्रायंस्क प्रदेशातील रासायनिक कारखान्यावर हल्ला केला आहे. हा कारखाना रशियाच्या लष्करी आणि औद्यागिक क्षेत्राचा महत्त्वाचा भाग मानला जातो. या ठिकाणी रशिया आपले बारुद, क्षेपणास्त्र इंधन आणि गोळाबारुद साठा ठेवतो. दोन्ही देशांच्या सततच्या हल्ल्यामुळे संघर्ष दिवसेंदिवस अधिक तीव्र होत चालला आहे. दरम्यान याच वेळी रशियाने आपल्या अणु शक्तीचा सरावही सुरु केला आहे. यामुळे जगभरात मोठ्या प्रमाणात चिंतेचे वातावरण निर्माण झाले आहे.

FAQs(संबंधित प्रश्न) 

प्रश्न १. रशियाने युक्रेनवर कधी केला हल्ला?

रशियाने मंगळवारी (२१ ऑक्टोबर) रात्री रशियावर तीव्र हल्ले केले, जे बुधवारी (२२ ऑक्टोबर) पहाटेपर्यंत सुरुच होते.

प्रश्न २. रशियाच्या हल्ल्यात युक्रेनमधअये किती जीवितहानी झाली?

रशियाच्या हल्ल्यात युक्रेनमध्ये दोन लहान मुलांसह सहाजण ठार झाले आहे, तर १८ जखमी झाले आहे.

प्रश्न ३. रशियाने हल्ल्यामध्ये युक्रेनच्या कोणत्या भागांचा नुकसान झाले आहे?

रशियाच्या हल्ल्यात युक्रेनच्या अनेक भागांचे नुकसान झाले आहे. यामध्ये झापोरिझिया, कीव, ओडेसा, चेर्निहाइव, किरोव्होह्रद, पोल्तावा, विन्नित्सिया, चर्कासी आणि सुमी या प्रदेशांचे मोठे नुकसान झाले आहे.

प्रश्न ४. युक्रेनने प्रत्युत्तरदाखल रशियाच्या कोणत्या भागावर हल्ला केला?

युक्रेनने देखील प्रत्युत्तरदाखल रशियाच्या ब्रायंस्क प्रदेशातील रासायनिक कारखान्यावर हल्ला केला आहे. हा कारखाना रशियाच्या लष्करी आणि औद्यागिक क्षेत्राचा महत्त्वाचा भाग मानला जातो.

प्रश्न ५. रशियाच्या हल्ल्यावर युक्रेनच्या अध्यक्ष झेलेन्स्की यांनी काय प्रतिक्रिया दिली?

रशियाच्या हल्ल्यावर झेलेन्स्की यांनी तीव्र संताप व्यक्त करत रशियाला अजूनही युद्ध थांबवायचे नसल्याचे म्हटले आहे. तसेच त्यांनी युरोपियन युनियन, अमेरिका आणि G-7 च्या देशांना रशियावर निर्बंध घालण्याची मागणी केली आहे.

रशियाचा इशारा? पुतिन यांच्या आदेशानुसार मॉस्कोचा अणुशक्तीचा सराव ; जगभरात पुन्हा तणाव

Web Title: Russias overnight airstrike on ukraine killed six people say zelensky

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com