पाकिस्तानी सैन्यावर भयानक हल्ला; तर... (Photo Credit- X)
इस्लामाबाद: पाकिस्तानच्या खैबर पख्तूनख्वा प्रांतात अतिरेक्यांनी केलेल्या सुनियोजित हल्ल्यात निमलष्करी दलाचे अकरा जवान शहीद झाले आहेत. शहीद झालेल्यांमध्ये नऊ सैनिक आणि दोन अधिकाऱ्यांचा समावेश आहे. अफगाण सीमेजवळील कुर्रम जिल्ह्यात हा हल्ला झाला असून, दहशतवादी संघटना तहरीक-ए-तालिबान पाकिस्तान (TTP) ने याची जबाबदारी स्वीकारली आहे.
पाकिस्तानी सुरक्षा अधिकाऱ्यांनी दिलेल्या माहितीनुसार, हा हल्ला अत्यंत क्रूर पद्धतीने करण्यात आला. हल्लेखोरांनी प्रथम रस्त्याच्या कडेला लावलेल्या बॉम्बचा (IED) स्फोट केला. हा स्फोट होताच मोठ्या संख्येने आलेल्या दहशतवाद्यांनी सुरक्षा दलाच्या ताफ्यावर गोळीबार सुरू केला. या हल्ल्यात ११ जवान शहीद झाले असून, अनेक सैनिक जखमी झाले आहेत. जखमींना तातडीने जवळच्या लष्करी रुग्णालयात उपचारासाठी दाखल करण्यात आले आहे. स्फोटानंतर ताफ्याला आगही लागल्याचे सुरक्षा सूत्रांनी सांगितले. हल्ल्यानंतर सुरक्षा दलांनी तातडीने परिसराला वेढा घातला असून, हल्लेखोरांना पकडण्यासाठी मोठी शोध मोहीम (Search Operation) सुरू केली आहे.
Big Breaking 🚨🚨 Attacks on Pakistan Army in Thall in Orakzai, Kurram and South Waziristan in Khyber Pakhtunkhwa. Fitna Al Khwarij (TTP) ambushed military convoy, approx 11 Soldiers killed, 3 injured and 5 are missing. Major & Battalion commanders were also killed. File📷 pic.twitter.com/amMyHOHUlM — Globally Pop (@GloballyPop) October 8, 2025
US PAK Deal : पळपुट्या पाकिस्तानवर अमेरिकेच्या वरदहस्त; दहशतवादी पाळणाऱ्यांना देणार AMRAAM मिसाईल
पाकिस्तानी तालिबान म्हणून ओळखल्या जाणाऱ्या टीटीपी (TTP) ने या हल्ल्याची जबाबदारी रॉयटर्सच्या प्रतिनिधीला पाठवलेल्या निवेदनात स्वीकारली आहे. टीटीपी हा गट पाकिस्तानी सरकार उलथून टाकून देशात कट्टरपंथी इस्लामिक राजवट (Islamic Regime) स्थापन करण्याचा प्रयत्न करत आहे. त्यामुळेच गेल्या काही महिन्यांपासून TTP ने पाकिस्तानी सुरक्षा दलांवरील हल्ल्यांचे प्रमाण वाढवले आहे. इस्लामाबादचा दावा आहे की TTP दहशतवादी अफगाण सीमेवरील तळांवरून हल्ल्यांची योजना आखतात आणि प्रशिक्षण घेतात. तथापि, काबूलने हा दावा फेटाळला असून, आपल्या भूमीचा वापर कोणत्याही देशाविरुद्ध होऊ दिला जाणार नाही, असे स्पष्ट केले आहे.
सुरक्षा तज्ज्ञांच्या मते, हा अलीकडील हल्ला पाकिस्तानच्या वायव्य भागात दहशतवादाची समस्या पुन्हा निर्माण होत असल्याचे स्पष्ट संकेत आहे. अफगाण सीमेजवळील कुर्रम जिल्हा दीर्घकाळापासून दहशतवाद आणि जातीय हिंसाचाराचा केंद्रबिंदू राहिला आहे. सप्टेंबरमध्येच, दक्षिण वझिरीस्तानमध्ये झालेल्या हल्ल्यात १२ सैनिक शहीद झाले होते, ज्याची जबाबदारीही टीटीपीने घेतली होती. ही घटना अफगाण सीमेजवळील वाढत्या अस्थिरतेचे नवीनतम उदाहरण आहे.
