Career Options 10th-12th: चित्रकलेची आवड आहे? मग ‘या’ कोर्सेसच्या माध्यमातून घडवा करिअर; लाखोंमध्ये होईल कमाई!

 चित्रकला हा पूर्णपणे प्रत्यक्ष सरावाचा विषय असल्यामुळे विद्यार्थ्यांनी केवळ शिकवणीवर अवलंबून राहू नये. जर तुम्हाला चित्रकला क्षेत्रात आवड असेल तर तुम्ही मान्यताप्राप्त कला महाविद्यालयात प्रवेश घेऊन शिक्षण पूर्ण करणे आवश्यक आहे. आपल्या राज्यामध्ये कला संचालनालय मुंबई, महाराष्ट्र राज्य ही चित्रकला शिक्षणाशी संबंधित महत्त्वाची शासकीय संस्था आहे. त्याचबरोबर सर जे. जे. स्कूल ऑफ आर्ट हे देखील नामांकित कला महाविद्यालय मानले जाते. येथे फाउंडेशन, ATD (Art Teacher Diploma), GDR (Government Diploma in Art), BFA (Bachelor of Fine Arts) आणि MFA (Master of Fine Arts) असे अनेक पदवी व डिग्री कोर्सेस उपलब्ध आहेत. या कोर्सेस पूर्ण केल्यानंतर शाळा, कला संस्था, जाहिरात क्षेत्र, डिझाईन कंपन्या तसेच विविध उद्योगांमध्ये रोजगाराच्या संधी उपलब्ध होतात.

चित्रकाला क्षेत्रात करिअर करू इच्छिणाऱ्या दहावी उत्तीर्ण विद्यार्थ्यांना कोणत्याही  फाउंडेशन कोर्ससाठी प्रवेश मिळतो. हा एक वर्षाचा अभ्यासक्रम असून, विद्यार्थ्यांना पुढील BFA अभ्यासक्रमासाठी तयार केले जाते. चित्रकलेची मूलभूत तत्त्वे, रेखाटन, रंगसंगती आणि सर्जनशीलता आदी कौशल्ये या कोर्समधून शिकता येतात.