‘बिस्कीट’ पाहून डोळेच गरगरले, कामगाराने मारला डल्ला; 1 कोटी 60 लाख रुपयांचे वीस बिस्कीटे चोरली

कामगारानेचं १ कोटी ६० लाख रुपयांच्या वीस बिस्कीटांवर डल्ला मारल्याचा धक्कादायक प्रकार उघडकीस आला आहे.

संग्रहित फोटो

Follow Us:

Follow Us:

पुणे : प्रसिद्ध सराफी व्यावसायिकाच्या घराच्या शिफ्टींगसाठी बोलवलेल्या खासगी कामगाराचे साहित्य ने-आण करताना तिजोरीतील सोन्याचे ‘बिस्कीट’ पाहून डोळेच गरगरले. त्याने नजर चुकवून तब्बल १ कोटी ६० लाख रुपयांच्या वीस बिस्कीटांवर डल्ला मारल्याचा धक्कादायक प्रकार उघडकीस आला आहे. पोलिसांनी शोध मोहिम राबवत या कामगाराला बेड्या ठोकल्या असून, त्याच्याकडून चोरीचे बिस्कीटे जप्त करण्याची कारवाई सुरू केली आहे. याप्रकरणी गौतम सोळंकी (वय ५२, रा. शुक्रवार पेठ) यांनी खडक पोलीस ठाण्यात तक्रार दिली आहे. पोलिसांनी नेताजी अरूण जाधव (वय ३३, रा. निगडी) याला अटक केली आहे. त्याला न्यायालयात हजर केले असता न्यायालयाने त्याला पोलीस कोठडी सुनावली आहे.

गौतम सोळंकी सराफी व्यावसायिक आहेत. त्यांची मध्यभागात सराफी पेढी आहे. त्यांचे भाऊ व ते व्यवसाय करतात. दरम्यान त्यांनी टिळक रस्त्यावर नवीन फ्लॅट घेतला आहे. यामुळे त्यांचे शुक्रवारी पेठेतून नवीन फ्लॅटवर घराचे शिफ्टींग सुरू होते. साहित्य ने-आण करण्यासाठी नेताजी जाधव याला कामासाठी बोलवले होते. सोळंकी यांची वडिलोपार्जित तिजोरी आहे. तिजोरीत त्यांच्या लहान भावाने सोन्याचे बिस्कीट ठेवले होते. याबाबत त्यांना कल्पना नव्हती. साहित्याची ने आण करताना तिजोरी लिफ्टमध्ये जात नसल्याने त्याचा दरवाजा काढण्यात आला होता. तेव्हा छोट्या कप्यात बिस्कीट असल्याचे नेताजी याला दिसले. त्याने तक्रारदारांच्या कुटूंबियाची नजर चुकवून १ कोटी ६० लाख रुपयांचे सोन्याचे बिस्कीट चोरून पोबारा केला.

दरम्यान, नवीन घरातील शिफ्टींगमुळे नातेवाईक आलेले होते. हा प्रकार लक्षात आला. परंतु, पोलिसांकडे तक्रार कशी करणार असा प्रश्न सोळंखी यांच्यासमोर होता. नातेवाईकांना आपणच कार्यक्रमासाठी बोलावले आणि आपणच तक्रार केल्यास पोलीस सर्वांची चौकशी करतील, यामुळे त्यांनी तक्रार दिली नव्हती. त्याचवेळी चोरीचे बिस्कीट विक्रीसाठी नेताजी जाधव हा प्रयत्नात होता. तो काही सराफी दुकानात गेला होता. तेव्हा सराफी व्यावसायिकांनी सोळंकी यांना याची माहिती दिली. नंतर त्यांनी पोलिसांकडे तक्रार दिली. पोलिसांनी एक दिवसात शोध घेऊन जाधव याला बेड्या ठोकल्या. पुढील तपास पोलीस निरीक्षक मनोजकुमार लोंढे हे करत आहेत.

Web Title: A worker has been accused of stealing twenty biscuits worth rs 1 crore 60 lakh

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com