Dharashiv crime: धाराशिव हादरला! जमिनीच्या वादातून भररस्त्यात पती पत्नीची निर्घृण हत्या

धाराशिवमधून एक धक्कादायक घटना समोर आली आहे. जमिनीच्या वादातून पती- पत्नीची भर रस्त्यावर निर्घृणपणे हत्या केल्याचे समोर आले आहे. आधी गाडीला धडक दिली. नंतर पती पत्नी खाली पडताच कोयत्याने वार करत पती- पत्नीची हत्या केली.

Follow Us:

Follow Us:

धाराशिव: धाराशिवमधून एक धक्कादायक घटना समोर आली आहे. जमिनीच्या वादातून पती- पत्नीची भर रस्त्यावर निर्घृणपणे हत्या केल्याचे समोर आले आहे. आधी गाडीला धडक दिली. नंतर पती पत्नी खाली पडताच कोयत्याने वार करत पती- पत्नीची हत्या केली. हा प्रकार धाराशिव तालुक्यातील करजखेडा पाटोदा चौकात बुधवारी सकाळी ही घटना घडली. हत्येनंतर दोन्ही संशयित आरोपी फरार असून पोलीस घटनेचा अधिक तपास करत आहेत.

Solapur News: इंजिनिअरिंगच्या विद्यार्थ्याने बापाचा व्यावसाय वाढवण्यासाठी असे काही केलं की तो त्यात वाईट पद्धतीने अडकला

सहदेव पवार आणि प्रियांका पवार असे हत्या झालेल्या पती- पत्नीचे नाव आहे. तर संशयित आरोपींची नावे जीवन चव्हाण आणि हरिबा चव्हाण अशी आहे. हे दोघेही सध्या फरार आहे. या दुहेरी हत्याकांडाने परिसरात मोठी खळबळ उडाली आहे.

नेमकं घडलं काय ?

मिळालेल्या माहितीनुसार, बुधवारी सकाळी सहदेव पवार आणि त्यांची पत्नी प्रियांका पवार हे दाम्पत्य चौकातून जात होते. त्यावेळी आरोपींनी तुळजापूर सोलापूर हायवे वरील करजखेडा गावातील भर चौकात दांपत्याच्या गाडीला धडक दिली. धक्क्याने गाडी थांबताच आरोपींनी कोयत्याने पती-पत्नीवर वार करत त्यांचा खून केला. हत्या केल्यानंतर दोन्ही आरोपी फरार झाले. आरोपी जीवन हरिबा चव्हाण आणि हरिबा यशवंत चव्हाण अशी आरोपींची नावे आहेत. आरोपी चव्हाण बापलेक व मृतसहदेव यांच्या जमिनीवरून वाद सुरु होता. या वादातून सहदेव यांच्यावर कलम ३०७ अंतर्गत गुन्हा नोंदवण्यात आला होता.

अनेक वर्ष जेलमध्ये

गेली अनेक वर्ष सहदेव पवार जेलमध्ये होता. दरम्यान छत्रपती संभाजीनगर उच्च न्यायालयाने जामीन मंजूर केल्यानंतर तो तुरुंगा बाहेर आला होता. जामिनावर बाहेर आल्यानंतर जमिनीच्या वादाचा वचपा म्हणून पवार दांपत्याची निर्घृण हत्या केली.

दुसऱ्या संसारासाठी पतीनेच आपल्या पहिल्या पत्नीला संपवले

कोपरगाव तालुक्यातून एक धक्कादायक बातमी समोर येत आहे. कोपरगाव तालुक्यातील डाऊच बुद्रूक शिवारात 8 ऑगस्ट रोजी अर्धवट जळालेल्या अवस्थेत महिलेचा मृतदेह सापडला होता. या मृतदेहाच कोडं अखेर उलगडलंय. महिलेच्या पतीनेच तिची हत्या करून पुरावा नष्ट करण्यासाठी मृतदेह अर्धवट जाळल्याची पोलीस तपासात उघड झाला आहे. मृत महिलेचं नाव वनिता उर्फ वर्षा मोहिते असे आहे. तर आरोपीचे नाव संजय हिरामण मोहिते असे आहे. न्यायालयीन दावे सुरु असतांना वारंवार येणाऱ्या वारंटमुळे पतीनेच पत्नीचा कट रचून काटा काढल्याचा पोलीस तपासात उघड झाला आहे.

Akola Crime News: अकोल्यात सरपंचाला बेदम मारहाण; मारहाणीचा CCTV व्हिडिओ समोर

Web Title: Dharashiv shaken brutal murder of husband and wife on the road over land dispute

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com