काय घडलं नेमकं?
फैजान जावेद शेख असं या प्रकरणातील आरोपीचे नाव आहे. तर नर्गिस फैजान शेख (वय ३६, रा. लोकमान्य नगर, सोलापूर) असे पीडित महिलेचे नाव आहे. ७ सप्टेंबर २०२४ ला नर्गिस आणि फैजान या दोघांचं लग्न झालं होतं. मात्र लग्नाच्या अवघ्या 2-3 महिन्यातच दोघांमध्ये वाद होऊ लागल्याने दोघेही विभक्त राहत होते. तलाक देण्याच्या कारणावरून मागील काही दिवसापासून दोघांत सतत्याने वाद होत होते. बुधवारी रात्री १० च्या सुमारास आरोपी फैजण हा नर्गिसच्या घरी आला. त्याने पत्नीला आणि सासूला विश्वासात घेतले. पत्नीशी घरामध्ये बोलत असतांना पुन्हा वाद झाला.
पेट्रोल ओतून पेटवले
यातून तो संतापला आणि फैजानने सोबत आणलेल्या पेट्रोलची बाटली बाहेर काढली अन् तिच्यावर पेट्रोल ओतून पेटवून दिले. पेटलेल्या अवस्थेत ती ओरडत बाहेर आली. त्यांनतर तो फरार झाला. घरात आग लागल्याचे पाहून शेजारी आणि कुटुंबीयांनी नर्गिसला वाचवण्याचा प्रयत्न केला आणि तिला गंभीर अवस्थेत सोलापूरच्या शासकीय रुग्णालयात दाखल केलं.
पोलीस तपास सुरु
पोलिसांना या घटनेची माहिती मिळताच पोलीस घटनास्थळी दाखल झाले. त्यांनी पाहणी केली असून या प्रकरणी गुन्हा दाखल केला आहे. पोलीस आरोपीचा शोध घेत असून पुढील तपास करत आहे.
सोलापुरात लग्नाच्या 4 महिन्यांतच २२ वर्षीय महिलेची हत्या; ‘तुझ्या बापानं लग्नात TV च दिला नाय…
सोलापूर येथून एक धक्कादायक घटना समोर आली आहे. सोलापूरच्या मोहोळ तालुक्यात हुंड्यासाठी एका विवाहित महिलेची गळा दाबुन हत्या केल्याचे समोर आले आहे. लग्नाच्या अवघ्या ४ महिन्यातच सासरच्या मंडळींनी पैश्याच्या हव्यासापोटी छळ केला आणि तिची गळा दाबून हत्या केली. ही घटना सारोळे गावात घडली. या घटनेने खळबळ उडाली आहे.
Ans: सोलापूर शहरातील लोकमान्य नगर परिसरात.
Ans: तलाक (घटस्फोट) देण्याच्या वादातून सतत वाद होत होते.
Ans: महिला रुग्णालयात गंभीर अवस्थेत असून आरोपी पती फरार आहे, पोलिस तपास सुरू आहे.
