Navi Mumbai News: ‘ऑपरेशन शोध’ अंतर्गत 330 महिला, मुली, बालकांचा छडा

जिल्ह्यातील विविध पोलीस ठाण्यात महिला, मुली आणि बालके यांच्याबाबत बेपत्ता (मिसिंग) झाल्याची नोंद आहे, मात्र, त्यांचा शोध लागतोच असे नाही. जिल्हा पो लीस दलाने आता बेपत्ता झालेल्यांचा शोध घेण्याची मोहीम युद्धपातळीवर हाती घ

'ऑपरेशन शोध' अंतर्गत 330 महिला, मुली, बालकांचा छडा (फोटो सौजन्य-X)

Follow Us:

Follow Us:

सावन वैश्य | नवी मुंबई:- नवी मुंबई पोलीस आयुक्तालय हद्दीतून हरवलेल्या महिला, पुरुष तसेच बालकांना शोधण्यासाठी ‘ऑपरेशन शोध’ राबवण्यात आले होते. या ऑपरेशन दरम्यान नवी मुंबई पोलिसांनी महिला, पुरुष, अपहरण झालेले मुलं व मुली अश्या एकूण 330 जणांचा शोध घेतला आहे.

पोलीस महासंचालक यांनी महाराष्ट्र राज्यातील हरवलेल्या महिला व बालकांच्या संदर्भात विशेषतः १ वर्ष उलटुन गेलेल्या महिलांच्या प्रकरणी गांभीर्याने लक्ष घालुन महिला व बालकांचा शोध घेण्यासाठी “ऑपरेशन शोध” हि विशेष मोहिम राबविण्याबाबत आदेशीत केले होते. त्या अनुषंगाने नवी मुंबई पोलीस आयुक्तालय स्तरावर “ऑपरेशन शोध” साठी पोलीस ठाणे स्तरावर एकूण २० पथके व अनैतिक मानवी वाहतुक प्रतिबंध कक्षाकडील २ पथके तयार करण्यात आली होती.

खुनाच्या उद्देशाने अपहरण केलेल्या व्यापाराची 24 तासात सुटका, वाशिममधून तिघांना अटक तर व्यापारी सुखरूप

तसेच बाल कल्याण समिती, कर्जत, ठाणे, उल्हासनगर, अधीक्षक, बाल निरीक्षण गृह, रायगड, ठाणे, त्याचबरोबर नवी मुंबई आयुक्तालयातील विविध एनजीओ यांच्याशी समन्वय साधुन शोध मोहिम राबविण्यात आली होती. त्याच अनुषंगाने गुन्हे शाखा तसेच पोलीस ठाणे स्तरावर “ऑपरेशन शोध” मोहिमेअंर्तगत विशेषतः हरवलेल्या महिला व बालकांचा शोध घेण्यात आला. त्यामध्ये २१३ महिला, ९५ पुरुष, १० अपहृत मुले, १२ अपहृत मुली असे एकुण ३३० मिळुन आले आहेत. नवी मुंबईतील हरवलेल्या महिला व बालकांबाबत कोणतीही माहिती मिळाल्यास नागरीकांनी १०३ या हेल्पलाईन वर माहिती देण्याचे नवी मुंबई पोलीसांकडून आवाहन करण्यात आले आहे.

जत, इस्लामपुरमध्ये सर्वाधिक तर शिराळ्यात सर्वात कमी प्रमाण

बेपत्ता, अपहरण दाखलचे प्रमाण जत आणि इस्लामपूर येथे सर्वाधिक आहे. जत पोलीस ठाण्यात १०५ आणि उमदी पोलीस ठाण्यात २९ मिसिंग दाखल आहेत. यापैकी जत पोलिसांनी १५ जणांना शोधले आहे तर उमदी पोलिसांनी अवघ्या चौघांचा शोध घेतला आहे. इस्लामपूर पोलिसांकडे ९५ महिला, आठ मुले आणि तीन मुली बेपत्ता झाल्याचे दाखल होते त्यातील ५४ महिलांना शोधण्यात यश आले आहे. शिराळा, कोकरूड आणि कुरळपमध्ये मिसिंगचे प्रमाण कमी आहे. तीन पोलीस ठाणे मिळून ३९ मिसिंग दाखल आहेत यातील ११ जणांना शोधण्यात यश आले आहे.

Satara Crime News: मोठी बातमी! सातारा जिल्हाधिकारी कार्यालय बॉम्बने उडवण्याची धमकी; पोलीस अॅक्शन मोडवर

Web Title: Operation search was successful in locating 330 individuals by the police

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com