विकतचे आइस्क्रिम आणण्यापेक्षा उन्हाळ्याच्या सुट्टीत घरी बनवा थंडगार पेरूचे आइस्क्रिम, लहान मुलं खातील आवडीने

उन्हाळ्यात विकतचे आईस्क्रीम आणून खाण्यापेक्षा तुम्ही सोप्या पद्धतीमध्ये पेरूचे आईस्क्रीम बनवून खाऊ शकता. पेरू चवीला अतिशय सुंदर लागतो. चला तर जाणून घेऊया थंडगार पेरूचे आईस्क्रीम बनवण्याची सोपी रेसिपी.

पेरूचे आईस्क्रीम बनवण्याची सोपी रेसिपी

Follow Us:

Follow Us:

उन्हाळ्याच्या दिवसांमध्ये सगळ्यांचं थंड पदार्थ खाण्याची इच्छा होते. अशावेळी कुल्फी, सरबत किंवा आईस्क्रीम आणून खाल्ले जाते. बाजारामध्ये अनेक वेगवेगळ्या फ्लेवर्सचे आईस्क्रीम उपलब्ध आहेत. कडक उन्हामुळे शरीरात उष्णता निर्माण होते. शरीरात वाढलेल्या उष्णतेचा परिणाम आरोग्यावर दिसून येतो. त्यामुळे शरीरात थंडावा टिकवून ठेवण्यासाठी आहारात थंड पदार्थांचे सेवन करावे. मात्र नेहमी नेहमी कोलड्रिंक किंवा ज्युस पिणे आरोग्यासाठी चांगले नाही. म्हणून आज आम्ही तुम्हाला थंडगार पेरूचे आईस्क्रीम बनवण्याची सोपी रेसिपी सांगणार आहोत. पेरू हे फळ लहान मुलांपासून ते अगदी मोठ्यांपर्यंत सगळ्यांचं आवडते. अनेक लहान मुलं पेरूमध्ये असलेल्या बियांमुळे पेरू खाणे टाळतात. अशावेळी तुम्ही मुलांना या पद्धतीने आईस्क्रीम किंवा इतर पदार्थ बनवू खाऊ घालू शकता. चला तर जाणून घेऊया पेरूचे आईस्क्रीम बनवण्याची सोपी रेसिपी.(फोटो सौजन्य – iStock)

इडली खायची इच्छा झाली आहे? मग सोप्या पद्धतीमध्ये बनवा घरी बनवा मऊसूत खोबरं पोह्यांची इडली

साहित्य:

• पेरू
• मिल्क पावडर
• लाल तिखट
• फ्रेश क्रीम
• साखर
• मीठ

उन्हाळ्यात थंडगार काकडीपासून सोप्या पद्धतीमध्ये बनवा चविष्ट काकडीची भाजी, उपवासालाही चालेलं भाजी

कृती:

• पेरूचे आईस्क्रीम बनवण्यासाठी सर्वप्रथम, पेरू स्वच्छ धुवून त्याचे बारीक तुकडे करून घ्या आणि एका पेरूमधील गर काढून पेरू गोलाकार कापा.
• मिक्सरच्या भांड्यात मिल्क पावडर, कापून घेतलेले पेरूचे तुकडे, फ्रेश क्रीम आणि साखर घालून बारीक वाटून घ्या.
• पेस्ट तयार झाल्यानंतर व्यवस्थित मिक्स करा. त्यानंतर तयार करून घेतलेले मिश्रण गोलाकार कापून घेतलेल्या पेरूमध्ये ओतून फ्रिजमध्ये सेट होण्यासाठी ठेवा.
• ४ ते ५ तास झाल्यानंतर आईस्क्रीम सेट होईल. त्यानंतर पेरूचे तुकडे करून कापून घ्या.
• वरून लाल तिखट आणि मीठ टाकून खाण्यासाठी आईस्क्रीम सर्व्ह करा. तयार आहे सोप्या पद्धतीमध्ये बनवलेले पेरू आईस्क्रीम.

Web Title: How to make guava icecream at home benefits of eating guava cooking tips icecream recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com