हिवाळ्यामध्ये जेवणाची चव आणखीन वाढवण्यासाठी सोप्या पद्धतीमध्ये बनवा राजस्थानी लसूण चटणी

हिवाळ्यात वातावरणात गारवा असल्यामुळे जेवणासोबत तिखट आणि मसालेदार पदार्थ खाण्याची इच्छा होते. अशावेळी तुम्ही सोप्या पद्धतीमध्ये राजस्थानी लसूण चटणी बनवू शकता. चला तर जाणून घेऊया रेसिपी.

सोप्या पद्धतीमध्ये बनवा राजस्थानी लसूण चटणी

Follow Us:

Follow Us:

राज्यभरात सगळीकडे थंडीचे वारे वाहू लागले आहेत. वातावरणात गारवा असल्यामुळे या दिवसांमध्ये आरोग्यासंबंधित अनेक समस्या उद्भवतात. त्यामुळे रोजच्या आहारात गरम आणि पौष्टिक पदार्थांचे सेवन करावे. मसालेदार तिखट पदार्थ खाण्याची इच्छा हिवाळ्यात निर्माण होते. त्यामुळे आहारात तुम्ही वेगवेगळ्या प्रकारच्या चटण्या बनवून खाऊ शकता. काहींना रोजच्या जेवणाच्या ताटात चटणी लागते. मग ती शेंगदाण्याची असो किंवा खोबऱ्याची. चटणी नसेल तर जेवण जेवल्यासारखं वाटत नाही. या पूर्वी तुम्ही शेंगदाण्याची चटणी, खोबऱ्याची चटणी, लसूण चटणी खाल्ली असेल पण आज आम्ही तुम्हाला राजस्थानी लसूण चटणी बनवण्याची सोपी रेसिपी सांगणार आहोत. ही चटणी बनवण्यासाठी जास्त वेळ लागत नाही. कमीत कमी साहित्यामध्ये चटणी तयार होते. चला तर जाणून घेऊया राजस्थानी लसूण चटणी बनवण्याची सोपी रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• लसूण पाकळ्या
• लाल मिरची
• टोमॅटो
• मीठ
• तेल
• कोथिंबीर
• जिरं
• हिंग
• लाल तिखट
• लिंबाचा रस

नवनवीन रेसिपीसाठी इथे क्लिक करा

कृती:

• राजस्थानी लसूण चटणी बनवण्यासाठी सर्वप्रथम, लसूण पाकळ्या सोलून घ्या. त्यानंतर काही वेळ पाण्यात लाल मिरच्या भिजत ठेवा.
• कढई गरम करून त्यात मध्यम आचेवर जिरं आणि धणे भाजून घ्या. थंड झाल्यानंतर मिक्सरमधून बारीक वाटा.
• त्याचं कढईमध्ये तेल टाकून लसूण पाकळ्या भाजून घ्या. त्यानंतर भिजवलेल्या लाल मिरच्या आणि चिरलेला टोमॅटो टाकून व्यवस्थित मिक्स करा.
• नंतर त्यात भाजून घेतलेल्या जिऱ्याची पावडर टाकून व्यवस्थित मिक्स करा. सगळ्यात शेवटी मीठ आणि लाल तिखट टाकून मिक्स करा.
• तयार मिश्रण थंड झाल्यावर मिक्सरच्या भांड्यातून बारीक वाटून घ्या. वाटीमध्ये काढून वरून लिंबाचा रस टाकून मिक्स करा.
• तयार आहे सोप्या पद्धतीमध्ये बनवलेली राजस्थानी लसूण चटणी.

Web Title: How to make rajasthani garlic chutney at home benefits of eating garlic

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com