१० मिनिटांमध्ये संध्याकाळच्या जेवणात बनवा आंबट गोड कैरीची डाळ, जेवणात जातील चार घास जास्त

चवीला आंबट गोड असलेली कैरी लहान मुलांपासून अगदी मोठ्यांपर्यंत सगळ्यांचं खूप आवडते. त्यामुळे संध्याकाळच्या जेवणात तुम्ही कैरीपासून सोप्या पद्धतीमध्ये डाळ बनवू शकता. चला तर जाणून घेऊया कैरीची डाळ बनवण्याची रेसिपी.

१० मिनिटांमध्ये संध्याकाळच्या जेवणात बनवा आंबट गोड कैरीची डाळ

Follow Us:

Follow Us:

उन्हाळा ऋतू सुरु झाल्यानंतर सगळ्यांचं कैरी खाण्याची इच्छा होते. कच्च्या कैरीचे नाव घेतल्यानंतर अनेकांच्या तोंडाला पाणी सुटते. चवीला आंबट गोड असलेली कैरी लहान मुलांपासून अगदी मोठेसुद्धा आवडीने खातात. याशिवाय कैरीपासून अनेक वेगवेगळे पदार्थ बनवले जातात. मुरांबा, कैरीची चटणी, कैरीचे लोणचं इत्यादी अनेक पदार्थ बनवले जातात. उन्हाळ्याच्या दिवसांमध्ये शरीर हायड्रेट ठेवणे आवश्यक आहे. कारण उन्हामध्ये बाहेर फिरल्यामुळे शरीरातील पाण्याची पातळी कमी होते आणि डिहायड्रेशनची समस्या उद्भवते. अशावेळी नारळ पाणी, ताक, दही, कोल्ड्रिंक इत्यादी थंड पदार्थांचे सेवन केले जाते. संध्याकाळच्या जेवणात नेहमी नेहमी काय बनवावं, हा प्रश्न सगळ्यांचं पडतो. अशावेळी तुम्ही आंबट गोड कैरीची डाळ बनवू शकता. चला तर जाणून घेऊया कैरीची डाळ बनवण्याची सोपी रेसिपी.(फोटो सौजन्य – iStock)

उन्हाळ्याच्या सुट्टीत लहान मुलांसाठी बनवा इडलीचे चविष्ट चाट, पदार्थ पाहून लहान मुलं होतील खुश

साहित्य:

• कैरीचे तुकडे
• मुगाची डाळ
• तुरीची डाळ
• कांदा
• टोमॅटो
• लाल तिखट
• हळद
• गरम मसाला
• लसूण
• मोहरी
• तेल
• गूळ
• कढीपत्ता
• हिरवी मिरची

उन्हाळ्यात दुधाचा चहा बनवून पिण्यापेक्षा सोप्या पद्धतीने घरी बनवा Lemon Ice Tea, नोट करून घ्या सिंपल रेसिपी

कृती:

• कैरीची डाळ बनवण्यासाठी सर्वप्रथम, कुकरच्या भांड्यात तूरडाळ आणि मुगडाळ स्वच्छ साफ करून धुवून घ्या. त्यानंतर कुकरच्या ४ शिट्ट्या काढा.
• कढईमध्ये तेल किंवा तूप गरम करून त्यात मोहरी, जिरं, हिंग आणि लसूण, कढीपत्त्याची पान घालून भाजा.
• नंतर त्यात बारीक चिरून घेतलेला कांदा, टोमॅटो टाकून मिक्स करा. नंतर त्यात चवीनुसार मीठ टाकून कांदा शिजवून घ्या.
• कांदा शिजून मऊ झाल्यानंतर त्यात लाल तिखट, हळद, गरम मसाला आणि थोडस पाणी टाकून मिक्स करा.
• नंतर त्यात शिजून मॅश केलेली डाळ आणि कैरीचे तुकडे टाकून मिक्स करा.
• डाळीमध्ये गरजेनुसार पाणी घालून मिक्स करा. डाळीला व्यवस्थित उकळी आल्यानंतर त्यात २ चमचा गूळ टाकून मिक्स करून घ्या.
  तयार आहे सोप्या पद्धतीमध्ये बनवलेली कैरीची डाळ.

Web Title: How to make raw mango amti at home kokani recipe kairichi dal recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com