हिवाळ्यात नियमित करा ‘या’ पौष्टिक लाडूचे सेवन! शरीरातील हाडे निरोगी राहण्यासोबतच आरोग्याला होतील भरमसाट फायदे

थंडीच्या दिवसांमध्ये आहारात सुक्या मेव्यापासून बनवलेल्या लाडूचे सेवन करावे. यामुळे शरीराला अनेक फायदे होतात आणि आरोग्य सुधारण्यास मदत होते. जाणून घ्या ड्रायफ्रूट लाडू बनवण्याची सोपी कृती.

हिवाळ्यात नियमित करा 'या' पौष्टिक लाडूचे सेवन! शरीरातील हाडे निरोगी राहण्यासोबतच आरोग्याला होतील भरमसाट फायदे

Follow Us:

Follow Us:

सर्वच ऋतूंमध्ये शरीरात उबदारपणा कायम टिकवून ठेवणे आवश्यक आहे. कारण थंडीच्या दिवसांमधे शरीराची रोगप्रतिकारशक्ती काहीशी कमकुवत होऊन जाते. याशिवाय शरीरात वाढलेल्या थंडाव्यामुळे आरोग्य बिघडते. त्यामुळे आहारात कायमच उष्ण आणि पौष्टिक पदार्थांचे सेवन करावे. हिवाळ्याच्या दिवसांमध्ये सर्वच घरात लाडू बनवले जातात. ड्रायफ्रूट लाडू, हलीम लाडू, डिंकाचे लाडू इत्यादी अनेक वेगवेगळ्या पदार्थांपासून बनवलेले लाडू खाल्ले जातात. म्हणूनच आज आम्ही तुम्हाला पौष्टिक लाडू बनवण्याची सोपी रेसिपी सांगणार आहोत. हिवाळ्यात सकाळी उठल्यानंतर नियमित एक लाडू खाल्ल्यास रोगप्रतिकारशक्ती निरोगी राहण्यासोबतच आरोग्य कायमच निरोगी राहील. यामध्ये आवश्यक प्रथिने, लोह, कॅल्शियम मोठ्या प्रमाणावर आढळून येतात, ज्यामुळे शरीराला ऊर्जा मिळते. नैसर्गिक ऊर्जा वाढवण्यासाठी आहारात पौष्टिक पदार्थांचे कायमच सेवन करावे. चला तर जाणून घेऊया ड्रायफ्रूट लाडू बनवण्याची सोपी कृती.(फोटो सौजन्य – pinterest)

Diwali 2025 : दिवाळीत फराळात बनवा कुरकुरीत आणि मसालेदार ‘कुरमुऱ्यांचा चिवडा’; फार सोपी आहे रेसिपी

साहित्य:

• बदाम
• काजू
• अक्रोड
• पिस्ता
• खारीक
• मनुका
• वेलची पावडर
• खसखस
• तीळ
• तूप

सकाळी उठल्यानंतर नियमित प्या Carrot Shots! त्वचा चमकदार ठेवण्यासोबतच शरीराला होतील आश्चर्यकारक फायदे

कृती:

• पौष्टिक लाडू बनवण्यासाठी सर्वप्रथम, पॅनमध्ये तूप गरम करून त्यात वाटीभर बदाम टाकून भाजून घ्या. बदाम भाजून झाल्यानंतर काजू, पिस्ता, अक्रोड, बी काढून घेतलेले खारीक,मनुके वेगवेगळे भाजून घ्या.
• भाजून घेतलेले सर्व साहित्य थंड करून घ्या. गरम पॅनमध्ये पांढरे तीळ आणि खसखस भाजा.
• सर्व साहित्य थंड झाल्यानंतर मिक्सरच्या भांड्यात टाकून बारीक वाटून घ्या. त्यानंतर मोठ्या ताटात बारीक वाटून घेतलेले सर्व साहित्य घेऊन मिक्स करा आणि वेलची पावडर टाका.
• हाताला तूप लावून तुम्हाला हवे त्या आकारात लाडू बनवून घ्या. तयार आहे सोप्या पद्धतीमध्ये बनवलेले ड्रायफ्रूट लाडू. हा पदार्थ लहान मुलांपासून मोठ्यांपर्यंत सगळ्यांचं खूप जास्त आवडेल.

Web Title: Regularly consume t0his nutritious laddu in winter along with healthy bones in the body there will be enormous health benefits

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com