विकेंड करा आणखीन खास, घरी बनवा मार्केट स्टाईल क्रिस्पी चिकन नगेट्स; पार्टीजसाठी परफेक्ट रेसिपी

Chicken Nuggets Recipe: बाहेरील कुरकुरीत आवरण आणि आतमध्ये मसालेदार चिकन... विचार करा यांची चव काय अप्रतिम लागेल. विकेंडसाठी, पार्टीजसाठी अथवा संध्याकाळच्या नाश्त्यासाठी हा एक उत्तम पर्याय आ

(फोटो सौजन्य: istock)

Follow Us:

Follow Us:

नॉनव्हेज लव्हर्ससाठी कुरकुरीत चिकन नगेट्स हे त्याच्या आवडीचे स्नॅक्स आहेत. बाहेरून कुरकुरीत आवरण आणि आतमध्ये ज्यूसी चिकन चवीला अप्रतीम लागते. अनेकदा बाहेर खायला गेलो की हा पदार्थ लोकांच्या लिस्टमध्ये असतोच. आजकाल याचे फ्रोजन पॅकेट्स देखील बाजारात उपलब्ध आहेत. पण फ्रोजन पदार्थ आपल्या आरोग्यासाठी चांगले नाहीत अशात हा कुरकुरीत स्नॅक तुम्हीच घरीच तयार करू शकता.

वेस्टर्न पदार्थाला इंडियन टच; घरी बनवा बटाट्यापासून तयार होणारा कुरकुरीत हॅश ब्राऊन

पार्टीसाठी, स्नॅक्स म्हणून किंवा अगदी संध्याकाळच्या खाण्यासाठी ही एकदम योग्य आहे. बाहेरून कुरकुरीत आणि आतून मऊ अशा या नगेट्स बनवायला अगदी सोपे आहेत आणि घरीही सहज करता येतात. विशेष म्हणजे ही रेसिपी फार सोपी, सहज आणि झटपट तयार होणारी आहे. घरी अचानक आलेल्या पाहुण्यांसाठी तुम्हाला हा पदार्थ सर्व्ह करू शकता. अथवा या पावसाळी वातावरणातही तुम्ही या पदार्थाचा आस्वाद घेऊ शकता. थंड वातावरणात गरमा गरम चिकन नगेट्स तुमच्या शरीराला उष्णता देतील. चला तर मग जाणून घेऊया यासाठी लागणारे साहित्य आणि कृती.

साहित्य

• चिकन (बारीक कापलेले किंवा कापून कीमा केलेले) – २५० ग्रॅम
• लसूण – ४-५ पाकळ्या (किसून किंवा ठेचून)
• आले – १ इंच तुकडा (किसलेला)
• हिरव्या मिरच्या – १-२ (कापून)
• बारीक चिरलेला कोथिंबीर – २ टेबलस्पून
• मिरपूड – १/२ टीस्पून
• लिंबाचा रस – १ टेबलस्पून
• मीठ – चवीनुसार
• अंडी – १
• मैदा – २ टेबलस्पून
• ब्रेडक्रम्ब्स – १ कप
• तेल – तळण्यासाठी

ब्रेडचा वापर न करता १० मिनिटांमध्ये बनवा कुरकुरीत रव्याचे सँडविच, घाईगडबडीमध्ये झटपट तयार होईल पदार्थ

कृती

• चिकन नगेट्स तयार करण्यासाठी सर्वप्रथम चिकन कीमा (किंवा बारीक चिरलेले चिकन) एका मोठ्या भांड्यात घ्या
• त्यात आले, लसूण, हिरवी मिरची, कोथिंबीर, मिरपूड, मीठ आणि लिंबाचा रस घाला
• आता या मिश्रणात एक अंडं आणि मैदा घालून सगळं नीट मिक्स करा. हवे असल्यास मिक्सरमध्ये थोडं वाटून एकसंध मिक्स तयार करा
• तयार मिश्रण थोडं वेळ फ्रीजमध्ये ठेवा (१०-१५ मिनिटं), जेणेकरून ते सेट होईल आणि नगेट्स तयार करताना सोपं जाईल
• आता या मिश्रणाचे लहान लहान नगेट्सच्या आकाराचे गोळे करून हाताने दाबा (नगेट्सचा आकार द्या)
• हे नगेट्स ब्रेडक्रम्ब्समध्ये घोळवा, जेणेकरून ते कुरकुरीत होतील
• कढईत तेल गरम करा आणि नगेट्स मध्यम आचेवर तळा. दोन्ही बाजूंनी सोनेरी रंग येईपर्यंत यांना चांगले तळून घ्या
• तळलेले नगेट्स टिशू पेपरवर काढा, जेणेकरून अतिरिक्त तेल निघून जाईल
• गरमागरम चिकन नगेट्स टोमॅटो सॉस, मयोनीज किंवा तुमच्या आवडत्या डिपसोबत सर्व्ह करा
• हे नगेट्स पार्टीसाठी स्टार स्नॅक बनू शकतात

Web Title: These weekend make tasty and crispy chicken nuggets at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com