तेच तेच पदार्थ नाही यंदा घ्या थाई जेवणाचा आस्वाद! नोट करा स्वादिष्ट आणि सुगंधी Thai Curry Recipe

नवनवीन खाद्यपदार्थांच्या शोधात आज आम्ही तुमच्यासाठी थाई जेवणाचा बेत घेऊन आलो आहोत. तेच तेच बोरिंग जेवण खाऊन कंटाळला असाल तर एकदा थाई करीचा नक्की बेत करा. चला जाणून घेऊया याची रेसिपी.

(फोटो सौजन्य: Pinterest

Follow Us:

Follow Us:

वेगवेगळ्या खाद्यपदार्थांच्या शोधात आज आम्ही तुमच्यासाठी थायलंडचा लोकप्रिय आणि लज्जतदार पदार्थ घेऊन आलो आहोत. या पदार्थाचे नाव आहे, ‘थाई करी’! ही करी भाज्या, मसाले आणि नारळाच्या दुधापासून तयार केली जाते. पावसाच्या या थंड वातावरणात गरमा गरम थाई करी आरोग्यासाठी एक पौष्टिक आणि चविष्ट असा पर्याय ठरेल.

सकाळच्या नाश्त्यात १० मिनिटांमध्ये बनवा ब्लुबेरी स्मूदी, वाढलेले वजन झपाट्याने होईल कमी

तुम्हाला भाज्या खायला आवडत नसतील तर थाय करी एकदा जरूर बनवून पहा. क्रिमी करीमध्ये मिक्स केलेल्या भांज्याची चव तुम्हाला नक्कीच आवडेल. ही करी भातासोबत खाण्यासाठी सर्व्ह केली जाते. दुपारच्या जेवणासाठी अथवा रात्रीच्या जेवणासाठी थाई करीचा हा बेत तुमच्या घरातील सर्वांनाच खुश करेल आणि तुमच्या लिस्टमध्ये एक नवीन रेसिपी ॲड होईल. घरी आलेल्या पाहुण्यांनाही तुम्ही हा थाई पदार्थ सर्व्ह करू शकता. चला तर मग जाणून घेऊया यासाठी लागणारे साहित्य आणि कृती.

साहित्य

• नारळाचं दूध – 400 मि.ली.
• थाई रेड करी पेस्ट – 2 टेबलस्पून
• भाज्या – गाजर, बेबी कॉर्न, ब्रोकली, झुकिनी, शिमला मिरची (कापलेली)
• तेल – 2 टेबलस्पून (तूप किंवा भाजीपाला तेल)
• सॉया सॉस – 1 टेबलस्पून
• साखर – 1 टीस्पून
• मीठ – चवीनुसार
• पाणी – गरजेनुसार

थाई करी पेस्टसाठी (जर घरी बनवत असाल तर):

• सुकं लाल तिखट (किंवा सुकं लाल मिरचं) – 4-5
• लसूण पाकळ्या – 5
• आले – 1 इंच
• कांदा – 1 छोटा
• लिंबाचा रस – 1 टेबलस्पून
• लिंबाची साल (थोडी)
• जिरे – 1 टीस्पून
• कोथिंबीर – थोडीशी
• मीठ – थोडं

(वरील सर्व साहित्य मिक्सरमध्ये वाटून पेस्ट तयार करा आणि तुमची थाई करी पेस्ट तयार होईल)

१० मिनिटांमध्ये झटपट बनवा कुरकुरीत स्वादिष्ट ब्रेड टिक्की, लहान मुलांसह मोठ्यांही आवडेल पदार्थ

कृती

• थाई करी तयार करण्यासाठी सर्वप्रथम एका कढईत तेल गरम करा
• त्यात थाई करी पेस्ट टाका व 2-3 मिनिटे मध्यम आचेवर परतून घ्या
• आता त्यात नारळाचं दूध घालून नीट मिक्स करून घ्या
• यांनतर त्यात बारीक कापलेल्या (शक्यतो उभ्या अथवा चौरस कापलेल्या भाज्या) भाज्या टाका. 5-7 मिनिटं शिजू द्या
• नंतर साखर, सॉया सॉस, मीठ आणि थोडं पाणी घालून परत एकदा उकळी आणा
• करी जरा घट्ट झाली की गॅस बंद करा
• तयार थाई करी गरमागरम भातासोबत सर्व्ह करा
• थाई करी गरम भात किंवा स्टिकी राईससोबत खाल्ल्यास अत्यंत स्वादिष्ट लागते
• तुम्हाला हवं असल्यास तुम्ही यात मशरूम अथवा पनीर देखील घालू शकता, याने करीची चव आणखीन वाढेल

Web Title: Try something new make tasty thai curry at home very simple and tasty recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com