Vasant Panchami 2026 : वसंत पंचमीनिमित्त देवी सरस्वतीला अर्पण करा ‘केसरी खीर’, या दिवशी पदार्थाला आहे विशेष महत्त्व

Kesari Kheer Recipe : महिन्याच्या शुक्ल पक्षातील पंचमीला साजरा होणारा सण म्हणजे वसंत पंचमी. या दिवशी देवी सरस्वती मातेची पूजा करून तिला केसरी खीर अर्पित केली जाते. चला या खिरीची पारंपारिक रेसिपी जाणून घेऊया.

(फोटो सौजन्य: Pinterest)

Follow Us:

Follow Us:

• देवी सरस्वतीच्या जन्मोत्सवानिमित्त वसंत पंचमीचा सण साजरा केला जातो.
• या दिवशी देवीची पूजा केली जाते आणि तिला प्रसाद अर्पण केला जातो.
• या प्रसादात तुम्ही केसरी खीर तयार करू शकता.

विकतचा कशाला? घरीच बनवा मऊ, जाळीदार बेसनाचा ‘ढोकळा’, रेसिपी आहे फार सोपी

केशरी खीर ही वसंत पंचमीसाठी खास बनवली जाणारी पारंपरिक गोड डिश आहे. केशरामुळे खिरीला सुंदर पिवळसर रंग, सुगंध आणि राजेशाही चव मिळते. दूध, तांदूळ, साखर आणि सुकामेवा यांच्या संगमातून तयार होणारी ही खीर प्रसाद म्हणून अर्पण केली जाते. ही खीर केवळ चवीलाच अप्रतिम नसून मनाला समाधान देणारी आणि सणाचा गोडपणा वाढवणारी आहे. चला तर मग, वसंत पंचमीच्या शुभ मुहूर्तावर घरच्या घरी केशरी खीर कशी बनवायची याची एक सोपी रेसिपी जाणून घेऊया.

 साहित्य:

• फुल क्रीम दूध – १ लिटर
• बासमती तांदूळ – ¼ कप
• साखर – ½ कप (चवीनुसार)
• केशर – १०–१२ काड्या
• कोमट दूध – २ टेबलस्पून (केशर भिजवण्यासाठी)
• वेलची पूड – ½ टीस्पून
• बदाम – २ टेबलस्पून (कापलेले)
• काजू – २ टेबलस्पून (तुकडे केलेले)
• मनुका – १ टेबलस्पून
• तूप – १ टीस्पून

कृती

• यासाठी सर्वप्रथम तांदूळ स्वच्छ धुऊन २० मिनिटे पाण्यात भिजत ठेवा.
• जाड बुडाच्या पातेल्यात दूध उकळायला ठेवा. दूध उकळल्यानंतर गॅस मंद करा.
• भिजवलेले तांदूळ दूधात घालून सतत ढवळत शिजवा. तांदूळ मऊ आणि खीर घट्ट होईपर्यंत शिजू द्या.
• दुसऱ्या भांड्यात तूप गरम करून त्यात काजू, बदाम आणि मनुका हलकेसे परतून घ्या.
• खिरीत साखर घालून नीट मिसळा. साखर घातल्यानंतर खीर थोडी पातळ होते, त्यामुळे ५–७ मिनिटे आणखी शिजवा.
• भिजवलेले केशर, वेलची पूड आणि परतलेला सुकामेवा खिरीत घाला.
• सर्व साहित्य नीट मिसळून २–३ मिनिटे उकळू द्या आणि गॅस बंद करा.
• तयार खीर गरमा गरम खाण्यासाठी सर्व्ह करा.

Web Title: Vasant panchami 2026 make tasty and sweet kesari kheer recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com