गुरुवार, 29 ऑक्टोबर 2026
Top Marathi News Today Live : नेपाळमध्ये जलप्रलय; हजारो लोक गेले वाहून
Maharashtra to National And International Breaking News:
WEATHER UPDATE: राज्यात मुसळधार पावसाने जोर धरला असून भारतीय हवामान विभागाने (IMD) आज अनेक जिल्ह्यांत अतिवृष्टीचा इशारा दिला आहे. हवामानाच्या या गंभीर परिस्थितीमुळे सुरक्षेचा उपाय म्हणून यवतमाळ जिल्ह्यासह काही भागांतील शाळांना सुट्ट्या जाहीर करण्यात आल्या आहेत.
जैसलमेरपासून रायसेनपर्यंत वादळी वाऱ्याची प्रणाली सक्रिय झाल्याने कोकण, विदर्भ आणि मराठवाड्यात पावसाचा जोर अधिक वाढण्याची शक्यता वर्तवण्यात आली आहे. हवामान विभागाने जारी केलेले महत्त्वाचे इशारे खालीलप्रमाणे:
31 Jul 2026 06:46 PM (IST)
India Vs Sri Lanka Test Series: येत्या 15 ऑगस्टपासून भारत आणि श्रीलंका या दोन संघांमध्ये दोन सामन्यांची टेस्ट सिरिज खेळवली जाणार आहे. शुभमन गिल भारतीय संघाचे नेतृत्व करणार आहे. बीसीसीआयने याआधीच भारतीय संघाची घोषणा केली आहे. या संघात जसप्रीत बुमराहला संधी देण्यात आली आहे. मात्र तो खेळणार की नाही यावर प्रश्नचिन्ह निर्माण झाले होते. मात्र त्याच्याबाबत मोठी बातमी समोर आली आहे.
31 Jul 2026 06:41 PM (IST)
दिवसभर कोसळलेल्या मुसळधार पावसाने पुणे शहराचे जनजीवन विस्कळीत झाले. शुक्रवारी (ता. ३१) घाट विभाग आणि धरण क्षेत्रात झालेल्या जोरदार पावसामुळे खडकवासला धरणातून पाण्याचा विसर्ग वाढविण्यात आला.
31 Jul 2026 06:31 PM (IST)
India Vs Sri Lanka Test Series: येत्या 15 ऑगस्टपासून भारत आणि श्रीलंका या दोन संघांमध्ये दोन सामन्यांची टेस्ट सिरिज खेळवली जाणार आहे. शुभमन गिल भारतीय संघाचे नेतृत्व करणार आहे. बीसीसीआयने याआधीच भारतीय संघाची घोषणा केली आहे. या संघात जसप्रीत बुमराहला संधी देण्यात आली आहे. मात्र तो खेळणार की नाही यावर प्रश्नचिन्ह निर्माण झाले होते. मात्र त्याच्याबाबत मोठी बातमी समोर आली आहे.
31 Jul 2026 06:26 PM (IST)
Mumbai Real Estate : मुंबईच्या निवासी रिअल इस्टेट मार्केटने (Mumbai Real Estate) जुलै २०२६ मध्ये आपली मजबूत वाढीची घोडदौड कायम ठेवत, गेल्या १४ वर्षांपेक्षा जास्त काळातील जुलै महिन्यातील सर्वोच्च मालमत्ता नोंदणीची नोंद केली आहे. ‘नाईट फ्रँक इंडिया’ने जाहीर केलेल्या आकडेवारीनुसार, मुंबई शहरात १३,६१७ मालमत्तांचे व्यवहार नोंदवले जाण्याची शक्यता आहे, जे वर्षानुवर्षे ८.३% वाढ दर्शवतात. तसेच, मुद्रांक शुल्क संकलन ८.९% ने वाढून ₹१,२२३ कोटींवर पोहोचण्याची शक्यता आहे.
31 Jul 2026 06:18 PM (IST)
स्कॉटलंडमधील ग्लासगो येथे सुरू असलेल्या राष्ट्रकुल खेळांच्या (Commonwealth Games) आठव्या दिवशी, भारताचा २९ वर्षीय वेटलिफ्टर लवप्रीत सिंगने रौप्यपदक पटकावले. लवप्रीतने ११० किलोपेक्षा जास्त वजनी गटात स्नॅचमध्ये १७६ किलो तर क्लीन अँड जर्कमध्ये २१२ किलो वजन उचलून राष्ट्रकुल खेळांमध्ये विक्रमी वजन उचलले आणि या स्पर्धेत एकूण ३८८ किलो वजन उचलण्यात यश मिळवले. न्यूझीलंडच्या डेव्हिड अँड्र्यू लिटीने ३८९ किलो वजन उचलून या स्पर्धेत सुवर्णपदक जिंकले. भारताच्या पदकांची संख्या आता १७ झाली आहे.
31 Jul 2026 06:09 PM (IST)
मुंबई: सर्वसामान्यांच्या हक्काच्या घराचे स्वप्न लवकर पूर्ण करण्यासाठी राज्यात विविध गृहनिर्माण प्रकल्प राबविण्यात येत आहे. या सर्व कामांना अधिक गती देऊन प्रकल्प दर्जेदार पद्धतीने तत्परतेने पूर्ण करण्याचे निर्देश मुख्यमंत्री देवेंद्र फडणवीस यांनी दिले. सह्याद्री अतिथीगृह येथे गृहनिर्माण विभागांतर्गत प्रधानमंत्री आवास योजना (शहरी) आणि इतर योजनांतर्गत उपलब्ध गृहसाठा याबाबत मुख्यमंत्री देवेंद्र फडणवीस यांच्या अध्यक्षतेखाली आढावा बैठक झाली. त्यावेळी त्यांनी यंत्रणांना निर्देश दिले.
31 Jul 2026 05:58 PM (IST)
मोशी येथील कचरा डेपोमध्ये कचऱ्याचा डोंगर वेस्ट टू एनर्जी प्रकल्पाच्या इमारतीवर कोसळून नऊ कामगारांचा मृत्यू झालेल्या दुर्घटनेचा सखोल तपास करण्यासाठी पोलिसांचे विशेष तपास पथक (एसआयटी) स्थापन करण्यात आले आहे. या दुर्घटनेप्रकरणी अँटनी लॉरा कंपनीच्या दोन अधिकाऱ्यांविरुद्ध यापूर्वीच गुन्हा दाखल करण्यात आला असून, आता एसआयटीमार्फत दुर्घटनेमागील कारणे, संबंधितांची जबाबदारी आणि सुरक्षेतील त्रुटींचा सर्वंकष तपास केला जाणार आहे.
31 Jul 2026 05:50 PM (IST)
कॉकरोच जनता पार्टीचे (CJP) संस्थापक अभिजित दीपके (Abhijeet Dipke) यांनी दावा केला की, २० जुलै रोजी झालेल्या ‘संसद’ मोर्चादरम्यान केंद्रीय गृहमंत्री अमित शाह (Amit Shah) यांनीच विद्यार्थ्यांवर बळाचा वापर करण्याचे आदेश दिले असावेत आणि या पोलीस कारवाईवरून त्यांनी शाह यांच्या राजीनाम्याची मागणी केली. छत्रपती संभाजीनगर येथील आपल्या निवासस्थानी पत्रकारांशी बोलताना अभिजित दीपके म्हणाले की, देशातील लोकशाही “धोक्यात” आहे, न्यायव्यवस्थेवर प्रश्नचिन्ह निर्माण केले जात आहे, तर राजकीय पक्ष फोडण्यासाठी केंद्रीय तपास यंत्रणांचा वापर केला जात आहे.
31 Jul 2026 05:40 PM (IST)
डोंबिवली पूर्वेतील मानपाडा पोलीस ठाण्याच्या हद्दीत 16 वर्षीय अल्पवयीन मुलीवर सामूहिक अत्याचार झाल्याची धक्कादायक घटना उघडकीस आली आहे. या प्रकरणी पोलिसांनी एका 22 वर्षीय हॉटेल चालकाला अटक केली असून अन्य दोन अल्पवयीन मुलांना ताब्यात घेतले आहे. या घटनेमुळे परिसरात संतापाचे वातावरण निर्माण झाले असून महिलांच्या सुरक्षेबाबत पुन्हा गंभीर प्रश्न उपस्थित झाले आहेत.
31 Jul 2026 05:28 PM (IST)
राष्ट्रवादी काँग्रेस पक्षाचे प्रदेशाध्यक्ष सुनिल तटकरे यांचे भाचे कॅप्टन अमोल महाडिक यांनी आज महाराष्ट्र प्रदेश काँग्रेस कमिटीचे अध्यक्ष हर्षवर्धन सपकाळ यांच्या उपस्थितीत आपल्या सहकाऱ्यांसह टिळक भवन येथील कार्यक्रमात काँग्रेस पक्षात प्रवेश केला. प्रदेशाध्यक्ष सपकाळ यांनी त्यांचे काँग्रेस परिवारात स्वागत करून शुभेच्छा दिल्या. यावेळी अखिल भारतीय काँग्रेस कमिटीचे सचिव व तेलंगणाचे सहप्रभारी सचिन सावंत, महाराष्ट्र प्रदेश काँग्रेसचे वरिष्ठ प्रवक्ते अतुल लोंढे आदी उपस्थित होते.
31 Jul 2026 05:17 PM (IST)
मुख्यमंत्री देवेंद्र फडणवीस लवकरच आपल्या नागपूर शहराला एक महत्त्वपूर्ण भेट देणार आहेत. मुख्यमंत्र्यांनी नागपूरमध्ये एक जागतिक दर्जाचे, बहुद्देशीय कन्वेंशन आणि एक्झीबिशन सेंटर उभारण्याची योजना आखली आहे. त्यांनी अधिकाऱ्यांना हा भव्य प्रकल्प २०२९ पर्यंत पूर्ण करून त्याचे उद्घाटन करण्याचे निर्देश दिले आहे. हे सेंटर साकरल्यानंतर नागपूर येथे राष्ट्रीय आणि आंतरराष्ट्रीय कार्यक्रमांसाठी भव्य ठिकाण उपलब्ध होणार आहे. मुंबईतील सह्याद्री गेस्ट हाऊसमध्ये मुख्यमंत्र्यांच्या अध्यक्षतेखाली या प्रकल्पाचे सादरीकरण करण्यात आले.
31 Jul 2026 05:05 PM (IST)
राज्य शासनाने शेतकऱ्यांसाठी कर्जमुक्ती योजना जाहीर केली. या योजनेची तळागाळापर्यंत प्रभावी अंमलबजावणी करावी, असे निर्देश सूचना महसूलमंत्री चंद्रशेखर बावनकुळे यांनी दिले. कर्जबाजारीपणामुळे यापुढे राज्यात एकाही शेतकऱ्याची आत्महत्या होणार नाही याची दक्षता घेण्याचे निर्देशही त्यांनी सर्व जिल्हाधिकाऱ्यांना दिले. सहकार आणि महसूल विभागाच्या वतीने व्हिडीओ कॉन्फरन्सिंगद्वारे जिल्हाधिकाऱ्यांसोबत संवाद साधण्यात आला, त्यावेळी ते बोलत होते. बैठकीला सहकार विभागाचे प्रधान सचिव प्रवीण दराडे, जिल्हाधिकारी डॉ. प्रविणकुमार देवरे, जिल्हा उपनिबंधक महेंद्र चव्हाण, विभाग प्रमुख आदी उपस्थित होते.
31 Jul 2026 04:37 PM (IST)
सर्वोच्च न्यायालयात शिवसेनेचे नाव व अधिकृत निवडणूक चिन्ह ‘धनुष्यबाण’ चिन्हाच्या खटल्यावर सुनावणी पार पडली, माजी मुख्यमंत्री उद्धव ठाकरे यांचे प्रतिनिधित्व करणारे ज्येष्ठ वकील कपिल सिबल यांनी न्यायालयात अत्यंत आक्रमक भूमिका घेतली.ठाकरे गटाच्या वतीने बाजू मांडताना कपिल सिब्बल म्हणाले, जर बंडाच्या सुरुवातीच्या टप्प्यातच या प्रकरणाची सुनावणी त्वरित आणि निष्पक्षपणे झाली असती, तर एकनाथ शिंदे मुख्यमंत्री झाले नसते. त्यामुळे या संपूर्ण वादावर कोणताही विलंब न लावता अंतिम निर्णय द्यावा.”अशी विनंतीही त्यांनी यावेळी केली.
31 Jul 2026 04:27 PM (IST)
कर्जमुक्ती योजनेसाठी जिल्हाभरातील एक लाखांवर शेतकरी पात्र ठरले, परंतू आतापर्यंत केवळ ३९ हजार शेतकऱ्यांनीच केवायसी केली आहे. एकीकडे कर्जाचा डोंगर वाढल्याने शेतकऱ्यांच्या वाढत्या आत्महत्यांचा आलेख रोखण्यासाठी प्रशासनाची केविलवाणी धडपड दिसते, परंतू दुसरीकडे हेच प्रशासन जिल्हाभरातील शेतकऱ्यांची ईकेवायसी करुन घेण्यास अपयशी ठरत असल्याचे चित्र समोर आले आहे. वाचा सविस्तर...
31 Jul 2026 04:17 PM (IST)
महागाईचा भडचा जसा उडतो तसा मग सोन्याचा भाव कधी महाग तर कधी स्वस्त होत असतं. आताही बाजारात अशीच परिस्थिती आहे. नुकताच सोन्याच्या दागिन्यांच्या खरेदीबाबत एक अहवाल प्रसिद्ध झाला आहे. वर्ल्ड गोल्ड कौन्सिलने प्रसिद्ध केलेल्या या अहवालानुसार, एप्रिल ते जून २०२६ या तीन महिन्यांत भारतातील सोन्याच्या दागिन्यांची खरेदी ( Gold Jewellery Sale ) गेल्या वर्षीच्या तुलनेत १५ टक्क्यांनी घटून ७५ टन वर आली. दरम्यान, जागतिक स्तरावर दागिन्यांची मागणी २७८ टन होती, जी कोरोना महामारीनंतरच्या दुसऱ्या तिमाहीतील सर्वात कमी पातळी आहे. पण नेमकी अचानक इतकी घट का झाली? का आहेत या मागची कारणं? सगळं सविस्तर जाणून घेऊयात.
31 Jul 2026 04:11 PM (IST)
जंतर-मंतर येथे झालेल्या आंदोलनादरम्यान पंतप्रधान नरेंद्र मोदी यांच्याविरोधात कथित आक्षेपार्ह वक्तव्य केल्याप्रकरणी एका २५ वर्षीय तरुणीवर गुन्हा दाखल झाल्यानंतर विरोधी पक्षनेते राहुल गांधी यांनी केंद्र सरकारवर जोरदार टीका केली आहे. सोशल मीडिया पोस्टद्वारे त्यांनी मोदी सरकारवर तरुणांचा आवाज दडपण्याचा प्रयत्न केल्याचा आरोप केला. राहुल गांधी यांनी आपल्या पोस्टमध्ये पंतप्रधान नरेंद्र मोदी आणि केंद्रीय गृहमंत्री अमित शाह यांच्यावर निशाणा साधत, “तुम्ही ‘जनरेशन झेड’ला धमकावून गप्प करू शकत नाही. आधी त्यांची हाडं मोडली, आता त्यांच्यावर FIR दाखल करत आहात. तुम्ही भारताचा भूतकाळ आहात. भारताच्या भविष्याशी कसे वागता याबाबत सावध राहा,” असे म्हटले. वाचा सविस्तर...
31 Jul 2026 03:17 PM (IST)
Births and Deaths Amendment Bill: विरोधी पक्षांच्या गदारोळामुळे लोकसभेने शुक्रवारी, ३१ जुलै रोजी, जन्म आणि मृत्यू नोंदणी (सुधारणा) विधेयक कोणत्याही चर्चेविना मंजूर केले. विरोधी पक्षांच्या गदारोळात आणि सततच्या घोषणाबाजीत सभागृहाने शुक्रवारी जन्म आणि मृत्यू नोंदणी (सुधारणा) विधेयकाला मंजुरी दिली.
गृह राज्यमंत्री नित्यानंद राय यांनी मांडलेले हे विधेयक आवाजी मतदानाने मंजूर करण्यात आले. त्यानंतर लोकसभेचे कामकाज सोमवारपर्यंत तहकूब करण्यात आले. शुक्रवारी दुपारी १२ वाजता सभागृहाचे कामकाज पुन्हा सुरू झाल्यावर अनेक सदस्यांनी आपले म्हणणे मांडले. नित्यानंद राय यांनी जन्म आणि मृत्यू नोंदणी (सुधारणा) विधेयकासाठी सभागृहाची संमती मागितली आणि काही मिनिटांतच, गदारोळात आणि कोणत्याही चर्चेविना ते मंजूर करण्यात आले.
31 Jul 2026 02:40 PM (IST)
Rohit Sharma on Ajinkya Rahane Retirement: काल भारतीय क्रिकेटपटू अजिंक्य रहाणेने इंटरनॅशनल क्रिकेटमधून आपली निवृत्ती जाहिर केली आहे. सर्व प्रकारच्या फॉर्मटमधून त्याने निवृत्ती जाहीर केली आहे. जवळपास दोन दशके अजिंक्य रहाणेने भारतीय क्रिकेटसाठी योगदान दिले आहे. त्यातच आता माजी कर्णधार रोहित शर्माने अजिंक्य रहाणेसाठी एक खास भावुक पोस्ट शेयर केली आहे. त्या पोस्टमध्ये रोहित शर्मा नेमके काय म्हणाला त्याबाबत जाणून घेऊयात.
31 Jul 2026 02:30 PM (IST)
OnePlus Smartphone Launched:टेक कंपनी वनप्लसने भारतात एक बजेट फ्रेंडली स्मार्टफोन लाँच केला आहे. कंपनीचा हा नवीन स्मार्टफोन OnePlus N6x या नावाने भारतात लाँच करण्यात आला आहे. हा कंपनीच्या N-सीरीजचा दुसरा स्मार्टफोन आहे. कंपनीचा हा नवा स्मार्टफोन दोन रंगांच्या पर्यायांत लाँच करण्यात आला आहे. नव्या स्मार्टफोनची किंमत आणि इतर फीचर्स जाणून घेऊया.
31 Jul 2026 02:25 PM (IST)
बारामती/अमोल तोरणे : राज्यात दिवसेंदिवस वाढत असलेल्या दुधातील भेसळीच्या घटनांमुळे नागरिकांच्या आरोग्याचा प्रश्न ऐरणीवर आला असून, या गंभीर प्रकाराला कायमस्वरूपी आळा घालण्यासाठी अन्न व औषध प्रशासन विभागाचे आयुक्त तुकाराम मुंढे यांनी तातडीने राज्यव्यापी कठोर कारवाई मोहीम हाती घ्यावी, अशी जोरदार मागणी होत आहे. दुधात युरिया, डिटर्जंट, स्टार्च, कृत्रिम फॅट, हायड्रोजन पेरॉक्साइड यांसारख्या घातक रसायनांची भेसळ करून नागरिकांच्या जीवाशी खेळ करणाऱ्या भेसळ माफियांवर कठोर कायदेशीर कारवाई करण्याची वेळ आली असल्याची भावना व्यक्त होत आहे.
31 Jul 2026 02:20 PM (IST)
घरात पडल्यामुळे नितंबाच्या (हिप) हाडाला गंभीर दुखापत झालेल्या ७३ वर्षीय महिलेवर ठाण्यातील किम्स रुग्णालयातील डॉक्टरांनी यशस्वी शस्त्रक्रिया केली. सुरुवातीला तिची प्रकृती इतकी गंभीर होती की शस्त्रक्रिया करणे अत्यंत धोकादायक मानले जात होते. मात्र, विविध तज्ज्ञ डॉक्टरांच्या समन्वयामुळे शस्त्रक्रियेनंतर अवघ्या काही दिवसांत ती पुन्हा चालू लागली. बाथरूममध्ये घसरून पडल्यामुळे रात्री सुमारे साडेबारा वाजता या महिलेला रुग्णालयाच्या आपत्कालीन विभागात दाखल करण्यात आले. तपासणीत तिच्या उजव्या मांडीच्या हाडाच्या मानेचे (फेमर नेक) विस्थापित फ्रॅक्चर झाल्याचे आढळले. अशा प्रकारच्या दुखापतींमध्ये वृद्ध रुग्णांना शक्य तितक्या लवकर शस्त्रक्रिया करणे आवश्यक असते, कारण त्यामुळे दीर्घकाळ अंथरुणावर राहिल्यामुळे उद्भवणाऱ्या गुंतागुंती टाळता येतात.
31 Jul 2026 02:13 PM (IST)
पुणे : शेअर बाजारात गुंतवणूक केल्यास दरमहा सहा ते आठ टक्के निश्चित परताव्याच्या आमिषाने व्यावसायिकाची २ कोटी ३८ लाख ५० हजार रुपयांची फसवणूक करणाऱ्या कंपनीच्या फरार संचालकाला ‘फिजी’ देशातून भारतात आणण्यात आले. राहुल शामराव काळोखे असे या आरोपीचे नाव आहे. इंटरपोलने त्याच्याविरोधात रेड नोटीस जारी केल्यानंतर त्याचा तो फिजीमध्ये असल्याचे समजले होते. त्यानंतर भारत सरकारच्या विविध यंत्रणांच्या समन्वयातून त्याला भारतात आणण्यात आले. फिजीमधून डिपोर्ट केल्यानंतर कालोखेला मुंबईत आणण्यात आले. त्याच्याविरोधात अहिल्यानगरमध्येही गुन्हा दाखल असल्याने मुंबईत आल्यानंतर अहिल्यानगर पोलिसांनी त्याला ताब्यात घेत अटक केली. तेथील पोलिस कोठडीची मुदत संपल्यानंतर त्याला पुणे पोलिसांच्या ताब्यात देण्यात येणार आहे.
31 Jul 2026 01:55 PM (IST)
आयसीसीने 2027 मध्ये होणाऱ्या वर्ल्डकप 2027 स्पर्धेची जोरदार तयारी सुरू केली आहे. ICC पुरुषांच्या वनडे वर्ल्ड कप २०२७ साठी 12 अधिकृत ठिकाणांची घोषणा केली आहे. 30 जुलै रोजी झालेल्या एका कार्यक्रमात या ठिकाणांची घोषणा करण्यात आली आहे. तब्बल 24 वर्षांनी क्रिकेट वर्ल्डकपचे यजमानपद पुन्हा एकदा दक्षिण आफ्रिकेकडे गेले आहे. 2027 चा वर्ल्डकप दक्षिण आफ्रिका, जिम्बाब्वे आणि नामिबिया या देशांमध्ये होणार आहे. जोहान्सबर्गमध्ये आयोजित एका भव्य सोहळ्यात या यजमान शहरांची आणि स्पर्धेच्या ब्रँड लोगोची अधिकृत घोषणा करण्यात आली.
31 Jul 2026 01:45 PM (IST)
परदेशात शिक्षण पूर्ण केल्यानंतर प्रत्येक विद्यार्थी लगेचच FMGE उत्तीर्ण होतो, असे नाही. काहीजण पहिल्याच प्रयत्नात यश मिळवतात, तर अनेकांना दोन किंवा तीन प्रयत्न करावे लागतात. 2025 च्या डिसेंबर सत्रातील आकडेवारीनुसार, पदवी पूर्ण झाल्यानंतर सहा महिने ते एका वर्षाच्या कालावधीत सर्वाधिक विद्यार्थ्यांनी परीक्षा उत्तीर्ण केली. या गटातील यशस्वी विद्यार्थ्यांची संख्या 6 हजारांहून अधिक होती. सहा महिन्यांच्या आतही हजारपेक्षा जास्त विद्यार्थ्यांनी यश मिळवले. तर काहींना दीड ते दोन वर्षांचा कालावधी लागला.
31 Jul 2026 01:35 PM (IST)
पावसाळ्यात हवेमध्ये आर्द्रता मोठ्या प्रमाणात वाढते. त्यामुळे लक्षात ठेवा की, इन्वर्टर आणि बॅटरी नेहमी सुक्या आणि हवेशीर ठिकाणी ठेवा. ज्या ठिकाणी पावसाचे पाणी अगदी सहज पोहोचू शकते अशा ठिकाणी या वस्तू ठेऊ नका. अन्यथा त्यांच्या परफॉर्मंसवर परिणाम होऊ शकतो. जास्त आर्द्रतेमुळे इलेक्ट्रॉनिक पार्ट्स डॅमेज होऊ शकतात आणि बॅटरीची फंक्शनॅलिटी देखील खराब होऊ शकते.
जर बॅटरीच्या टर्मिनलवर धूळ किंवा गंज जमा झाला असेल तर यामुळे चार्जिंगवर परिणाम होऊ शकतो. यामुळे वेळोवेळी टर्मिनलची योग्य पद्धतीने स्वच्छता करा आणि वायरिंग देखील वेळोवेळी तपासत राहा. जर एखाद्या ठिकाणी कनेक्शन ढिले झाले असेल किंवा कोणता दोष आढळला तर, ते त्वरित दुरुस्त करून घ्या. यामुळे शॉर्ट सर्किटसारख्या समस्यांचा धोकाही कमी होईल.
31 Jul 2026 01:25 PM (IST)
रशिया आणि युक्रेन (Russia and Ukraine war) यांच्यात गेल्या अनेक वर्षांपासून सुरू असलेल्या युद्धाने आता अतिशय चिंताजनक आणि धोकादायक वळण घेतले आहे. ३० जुलै २०२६ रोजी रशियन सैन्याने युक्रेनच्या विविध शहरांवर ७० हून अधिक क्षेपणास्त्रे आणि २८० हून अधिक विनाशकारी ड्रोनच्या साहाय्याने महाभयंकर हवाई हल्ला चढवला. या सर्वव्यापी हल्ल्यामध्ये ड्निप्रोपेत्रोव्स्क प्रदेशातील रादुश्ने (Radushne) हे शांत गाव पूर्णपणे उद्ध्वस्त झाले. एका सामान्य निवासी घरावर थेट क्षेपणास्त्र आदळल्याने एकाच कुटुंबातील सहा सदस्यांचा जागीच मृत्यू झाला. या भीषण दुर्घटनेनंतर युक्रेनचे राष्ट्राध्यक्ष व्लादिमीर झेलेन्स्की यांनी रात्री राष्ट्राला संबोधित करताना एक अत्यंत खळबळजनक खुलासा केला. प्राथमिक तपास आणि तांत्रिक पुराव्यांनुसार, रशियाने या हल्ल्यात उत्तर कोरियाने पुरवलेल्या शक्तिशाली बॅलिस्टिक क्षेपणास्त्राचा वापर केल्याचा दावा झेलेन्स्की यांनी केला आहे.
31 Jul 2026 01:15 PM (IST)
२९ जुलैला पथक बेलवंडी हद्दीत असताना त्यांना मिळालेल्या गोपनीय माहितीनुसार कोळगाव शिवारात विसापूर रस्त्यावर काही व्यक्ती दरोडा टाकण्याच्या तयारीत असल्याचे समजले. संबंधित ठिकाणी जाऊन खात्री केली असता रस्त्याच्या बाजुला काही व्यक्ती व महिला थांबलेले दिसले. पोलिसांची चाहूल लागल्याने ते पळून जावू लागले. त्यापैकी सहा जणांना ताब्यात घेतले, चौघे पळून गेले. जावेद घडयाळ चव्हाण, प्रद्यूम उर्फ कान्हा घडयाळ चव्हाण, सगडया उंबऱ्या काळे, रिबीन घडयाळ चव्हाण (सर्व रा. सुरेगाव, ता. श्रीगोंदे), संदेश उर्फ दवल्या संजय भोसले (रा. वाघुंडे, ता. पारनेर), वृषाली देवा काळे (रा. कोळगाव) यांना ताब्यात घेतले. अक्षय उंबऱ्या काळे, तेजस सगडया काळे, शंभू कुंजिलाल चव्हाण, शिवाजी कुंजिलाल चव्हाण (रा. सुरेगाव) अशी पळून गेलेल्यांची नावे आहेत.
31 Jul 2026 01:05 PM (IST)
महाराष्ट्रातील लाडकी बहिण योजना ही महायुती सरकारला सत्ता मिळवून देण्यासाठी महत्त्वाची ठरली आहे. मात्र आता मुख्यमंत्री देवेंद्र फडणवीस यांच्या नेतृत्वाखालील महायुती सरकारने मुख्यमंत्री माझी लाडकी बहीण योजना संदर्भातील पात्र लाभार्थ्यांची अंतिम स्थिती स्पष्ट केली आहे. योजना सुरू झाल्यानंतर राबविण्यात आलेल्या ई-केवायसी (e-KYC) प्रक्रियेनंतर राज्य सरकारने अधिकृत लाभार्थ्यांची संख्या जाहीर केली असून, 66 लाख महिलांची नावे लाभार्थी यादीतून वगळण्यात आली आहेत.
31 Jul 2026 01:02 PM (IST)
पुण्यातील प्रभाग 12 मधील घोले रोड येथे असलेल्या पुणे महानगरपालिकेच्या महापौर यांच्या निवासस्थानास रामदूत असे नाव देण्याची मागणी भाजपच्या नगरसेवकाने केली आहे. भाजपचे नगरसेवक रविंद्र साळेगावकर यांनी ही मागणी केली आहे. या मागणीचे निवेदन रविंद्र साळेगावकर यांनी पुणे महापालिका नगरसचिव आयुक्तांना दिले आहे. या मागणीला भाजपच्या अनेक नगरसेवकांनी पाठिंबा दिला आहे. नगरसेवक सुनील पांडे, नगरसेवक अपूर्व खाडे, नगरसेविका निवेदिता एकबोटे, नगरसेविका पुजा जागडे, नगरसेविका अमृता मेहेत्रे, नगरसेविका पल्लवी जावळे यांनी या निवेदनात सह्या करून पाठिंबा दिला आहे.
31 Jul 2026 12:50 PM (IST)
पोलीस कोठडीतील मृत्यू (कस्टोडिअल डेथ) प्रकरणांना आळा घालण्यासाठी आणि तपास प्रक्रियेत अधिक पारदर्शकता आणण्यासाठी राज्य शासनाच्या गृह विभागाने मंगळवारी (२८ जुलै) सर्वसमावेशक मार्गदर्शक नियमावली जाहीर केली आहे. सर्वोच्च न्यायालय, राष्ट्रीय व राज्य मानवाधिकार आयोग तसेच भारतीय न्याय संहिता, भारतीय नागरी सुरक्षा संहिता आणि भारतीय साक्ष्य अधिनियम यांच्या तरतुदींचा समावेश करून हा शासन निर्णय जारी करण्यात आला आहे.
31 Jul 2026 12:40 PM (IST)
पुण्यात तीन संतापजनक घटना घडल्या आहेत. नांदेड सिटी आणि काळेपडळ पोलिस ठाण्यांत महिलांच्या छळाचे एकूण तीन गुन्हे दाखल झाले आहेत. याप्रकरणांत पत्नीच्या चारित्र्यावर संशय घेऊन मारहाण करणे, माहेराहून पैसे, फर्निचर व दागिने आणण्यासाठी दबाव टाकणे, मानसिक छळ करणे तसेच तिहेरी तलाक उच्चारल्याचा आरोप करण्यात आला आहे.
31 Jul 2026 12:36 PM (IST)
राष्ट्रवादी काँग्रेस (अजित पवार गट) पक्षाचे पुणे जिल्हा परिषद सदस्य मंगेश प्रतापराव जगताप यांनी तरुणीला लग्नाचे आमिष दाखवून शारीरिक संबंध प्रस्थापित करून तिची आर्थिक फसवणूक केल्याप्रकरणी बारामती तालुक्यातील माळेगाव पोलीस ठाण्यात गुन्हा दाखल करण्यात आला आहे. तीन दिवसांपूर्वी पुणे जिल्हा परिषदेमध्ये राष्ट्रवादी काँग्रेसची पदाधिकारी असलेल्या तरुणीने आत्महत्येचा प्रयत्न केला होता. यावेळी मोठी खळबळ उडाली होती. जिल्हा परिषद सदस्य मंगेश जगताप यांच्याशी तरुणीचे अनेक वर्षांपासून प्रेमसंबंध होते, त्यांनी तरुणीला लग्नाचे आमिष दाखवले, त्याने पत्नीशी घटस्फोट घेणार असल्याचे खोटे कागदपत्र पीडित तरुणीला दाखवले, त्यानंतर लग्नासाठी महाबळेश्वर मध्ये रिसॉर्ट बुक केले होते, मात्र प्रत्यक्षात पीडित तरुणीशी संपर्क तोडला. त्यामुळे पीडित तरुणीने जिल्हा परिषदेमध्ये येऊन आत्मदहनाचा प्रयत्न केला. मात्र तिला तात्काळ रुग्णालयात दाखल करण्यात आले. दरम्यान संबंधित तरुणीने पोलिसांकडे तक्रार दाखल केली आहे. बारामतीचे उपविभागीय पोलीस अधिकारी जीवन कदम यांनी याबाबत पत्रकारांना ही माहिती दिली.
31 Jul 2026 12:24 PM (IST)
पुणे शहरात बेकायदेशीररित्या विक्रीसाठी आणण्यात आलेला मोठा शस्त्रसाठा पुणे पोलिसांच्या गुन्हे शाखेच्या खंडणी विरोधी पथक एकने पकडला आहे. धायरी परिसरातील नऱ्हे येथून हा शस्त्रसाठा एका तरुणाकडून जप्त करण्यात आला आहे. पुणे शहरात गुन्हेगारीसाठी हा शस्त्रसाठा वापरला जाण्याची शक्यता देखील होती. त्यामुळे मोठा कट गुन्हे शाखेने उधळून लावला आहे. भूषण उत्तम मोहिते (वय २३, रा. धायरी पोकळे वस्ती) असे अटक करण्यात आलेल्यांचे नावे आहे. त्याच्याकडून चार गावठी पिस्तुले, तीन जिवंत काडतुसे असा सुमारे २ लाख ६०० रुपयांचा मुद्देमाल जप्त करण्यात आला आहे. याप्रकरणी नऱ्हे पोलिस ठाण्यात गुन्हा दाखल करण्यात आला आहे. वरिष्ठ निरीक्षक महेश सागडे यांच्या मार्गदर्शनाखाली सहाय्यक निरीक्षक प्रसन्न जऱ्हाड व त्यांच्या पथकाने ही कारवाई केली.
31 Jul 2026 12:12 PM (IST)
एसएमबीटी मेडिकल कॉलेजच्या पार्किंग परिसरात आढळलेल्या कल्याण येथील शिक्षिका संगीता मारुती चंदनशिवे यांच्या हत्येचा छडा लावण्यात वाडीवहे पोलिसांना यश आले आहे. प्रेमसंबंध, मालमत्तेचा मोह आणि लग्नाच्या खोट्या आमिषातून ही हत्या करण्यात आल्याची माहिती उपविभागीय पोलीस अधिकारी संजय बांबळे यांनी पत्रकार परिषदेत दिली. या प्रकरणी मुख्य आरोपी दिगंबर भागुजी आव्हाड याच्यासह संतोष जाधव, तुषार रत्नपारखी आणि विनोद पांडे या चौघांचा सहभाग निष्पन्न झाला आहे. पोलिसांनी सर्व आरोपींना ताब्यात घेतले असून त्यांच्याविरुद्ध गुन्हा दाखल केला आहे.
31 Jul 2026 11:50 AM (IST)
रविचंद्रन अश्विनने World Cup 2027 अर्थात एकदिवसीय विश्वचषकासाठी आपल्या संभाव्य संघाची यादी जाहीर केली असून, त्यामुळे क्रिकेट वर्तुळात एका नव्या चर्चेला सुरुवात झाली आहे. एका व्हिडिओमध्ये, अश्विनने आगामी ५० षटकांच्या एकदिवसीय विश्वचषकासाठी आपल्या पसंतीच्या भारतीय खेळाडूंची निवड केली आहे. या यादीतील सर्वात आश्चर्यकारक बाब म्हणजे, त्याने अनेक दिग्गज आणि तरुण खेळाडूंना वगळले आहे, तर एका दीर्घकाळच्या वेगवान गोलंदाजाच्या अनपेक्षित पुनरागमनाला पाठिंबा दिला आहे.
31 Jul 2026 11:45 AM (IST)
शालार्थ आयडी घोटाळ्याची व्याप्ती राज्यभर वाढत असून, जळगाव जिल्ह्यातही या प्रकरणातील संशयास्पद २५९ शालार्थ आयडी समोर आले आहेत. या प्रकरणात सेवानिवृत्त शिक्षणाधिकारी शशिकांत हिंगोणेकर यांना ताब्यात घेतल्यानंतर शेंदुर्णी एज्युकेशन सोसायटीचे चेअरमन संजय गरुड यांना अटक करण्यात आली आहे.
31 Jul 2026 11:35 AM (IST)
नितेश तिवारी दिग्दर्शित ‘रामायणम’ चित्रपटाचा ट्रेलर प्रदर्शित झाल्यापासून तो सातत्याने चर्चेत आहे. रणबीर कपूर, यश, साई पल्लवी आणि लारा दत्ता यांच्यासह अनेक कलाकार या चित्रपटात महत्त्वाच्या भूमिका साकारत आहेत. ट्रेलरमध्ये अभिनेता विवेक ओबेरॉय याची ‘विद्युतजीव’ या पात्रातील झलकही पाहायला मिळाली आहे. त्यामुळे अनेकांच्या मनात प्रश्न निर्माण झाला आहे की, विद्युतजीव(Vidyutjiva )कोण होता? त्याचा रावणाशी काय संबंध होता? आणि रामानंद सागर यांच्या ‘रामायण’मध्ये हे पात्र का दाखवण्यात आले नव्हते?
31 Jul 2026 11:34 AM (IST)
नाशिक गेल्या सहा महिन्यांपासून शहरातील रस्ते खोदून (Nashik Pothole Deaths) ठेवले आहेत. उन्हाळ्यात रस्त्यांची अपेक्षित डागडूजी किंवा नवीन कामे न करता, महापालिका प्रशासन आणि सरकारने एकाच वेळी सर्व कामे हातात घेतल्याने रस्त्यांची चाळण झाली आहे. प्रशासनाच्या या अक्षम्य हलगर्जीपणामुळे नाशिककरांना रस्त्यांवरून चालताना जीवघेणी कसरत करावी लागत असून, गेल्या चार महिन्यांत वेगवेगळ्या अपघातांत खड्यांमुळे तब्बल पाच निष्पाप नागरिकांचा बाद गेला आहे.
31 Jul 2026 11:25 AM (IST)
उत्तर आफ्रिकेच्या किनारपट्टीवर वसलेल्या स्पेनच्या सेउटा (Ceuta) या लहान शहरात सध्या एक अभूतपूर्व आणि भीषण मानवी तसेच सुरक्षा संकट उभे राहिले आहे. चांगल्या भविष्याच्या, रोजगाराच्या आणि आर्थिक संधींच्या शोधात हजारो मोरोक्कन स्थलांतरितांनी (Illegal immigration) अचानक सीमा ओलांडून स्पॅनिश हद्दीत प्रवेश केला आहे. सीमा भिंत ओलांडून तसेच समुद्रातून पोहून आत शिरण्याच्या या अत्यंत धोकादायक प्रयत्नात आणि घडलेल्या चेंगराचेंगरीत आतापर्यंत किमान १८ जणांचा दुर्दैवी मृत्यू झाला आहे.
31 Jul 2026 11:15 AM (IST)
निवडणूक आयोगाच्या विशेष संक्षिप्त पुनरावलोकन (SIR-2026) मोहिमेअंतर्गत बीएलओ (BLO) म्हणून नियुक्त करण्यात आलेल्या शिक्षकांना दिनांक ०८ ऑगस्ट २०२६ नंतर तात्काळ कार्यमुक्त करण्यात यावे, अशी मागणी शिक्षक महासंघ मुंबई-कोकण विभागाचे अध्यक्ष अनिल बोरनारे यांनी केली आहे.
31 Jul 2026 11:08 AM (IST)
आपली पृथ्वी हिरवीगार ठेवणारी समृद्ध जंगले, नद्या, दुर्मिळ वनस्पती आणि हजारो वन्यजीव यांच्या सुरक्षेची जबाबदारी ज्यांच्या खांद्यावर असते, ते म्हणजे आपले ‘वनरक्षक’ (Forest Rangers). तीव्र ऊन, मुसळधार पाऊस, कडाक्याची थंडी, धोकादायक श्वापदं आणि सशस्त्र शिकाऱ्यांचा सामना करत हे वनरक्षक अहोरात्र जंगलांची राखण करत असतात. या खऱ्याखुऱ्या हिरोंच्या अद्वितीय धैर्याला, कर्तव्याप्रती असलेल्या निष्ठेला आणि बलिदानाला मानाचा मुजरा करण्यासाठी दरवर्षी ३१ जुलै रोजी ‘जागतिक वनरक्षक दिन’ (World Ranger Day) साजरा केला जातो.
31 Jul 2026 10:55 AM (IST)
भिवंडीत चार मजली इमारतीचा एक भाग अचानक कोसळल्याने मोठी दुर्घटना घडली. या घटनेत सात जणांचा मृत्यू झाला असून, इतर अनेक जण ढिगाऱ्याखाली अडकल्याची भीती आहे. अपघातानंतर बचावकार्य सुरू करण्यात आले. एनडीआरएफच्या पथकांनी ढिगाऱ्याखालून एका महिलेला जिवंत बाहेर काढले. या महिलेला उपचारासाठी जवळच्या रुग्णालयात दाखल करण्यात आले आहे.
31 Jul 2026 10:45 AM (IST)
बॉर्डर’ आणि ‘सुराग’सारख्या लोकप्रिय चित्रपट-टीव्ही मालिकांमधून प्रसिद्धी मिळवलेले अभिनेते सुदेश बेरी यांनी एका पॉडकास्टमध्ये कॉकरोच जनता पार्टी (CJP) आणि पंतप्रधान नरेंद्र मोदी यांच्याबाबत केलेल्या वक्तव्यांमुळे सोशल मीडियावर मोठी चर्चा रंगली आहे. ‘Acompany Akki’ या पॉडकास्टमध्ये बोलताना त्यांनी CJPवर कठोर टीका केली, तर पंतप्रधान मोदी यांच्याबद्दल आदर व्यक्त करत त्यांना ‘भगवान विष्णूंचे अवतार’ असे संबोधले.
31 Jul 2026 10:30 AM (IST)
फ्री फायर मॅक्समध्ये एक नवीन रश बोर्ड ईव्हेंट लाईव्ह झाला आहे. या ईव्हेंटमध्ये प्लेअर्सना अनेक रिवॉर्ड्स मोफत क्लेम करण्याची संधी मिळणार आहे. हा एक लक रॉयल ईव्हेंट आहे, या ईव्हेंटमध्ये रिवॉर्ड्स जिंकण प्लेअर्सच्या नशिबावर अवलंबून असणार आहे. य ईव्हेंटमध्ये रिवॉर्ड क्लेम करण्यासाठी प्लेअर्सना स्पिन करावे लागणार आहे. स्पिन करण्यासाठी डायमंड्स खर्च करावे लागणार आहेत. प्रत्येक स्पिनची किंमत वेगळी आहे. या ईव्हेंटमध्ये तुम्ही जितक्या लवकर सहभागी होऊन स्पिन कराल तुम्हाला आकर्षक रिवॉर्ड्स क्लेम करण्याची संधी मिळणार आहे.
31 Jul 2026 10:20 AM (IST)
नीट (NEET) पेपरफुटी प्रकरण आणि केंद्रीय शिक्षणमंत्र्यांच्या राजीनाम्याच्या मागणीसाठी राजधानी दिल्लीतील जंतर मंतर येथे झालेल्या कॉकरोच जनता पार्टी (CJP) आंदोलनाने देशभराचे लक्ष वेधून घेतले होते. या आंदोलनात देशभरातील तरुणांनी मोठ्या संख्येने सहभाग घेत तत्कालीन केंद्रीय शिक्षणमंत्र्यांच्या राजीनाम्याची मागणी केली होती. या चर्चित आणि राजकीयदृष्ट्या संवेदनशील आंदोलनावर आता चित्रपटाची अधिकृत घोषणा करण्यात आली आहे. विशेष म्हणजे, चित्रपटाचे शीर्षक आणि अंदाजे बजेटही निश्चित करण्यात आले आहे.
31 Jul 2026 10:10 AM (IST)
राज्यात शेतकऱ्यांना दिलासा देत राज्य शासनाने ‘पुण्यश्लोक अहिल्यादेवी होळकर शेतकरी कर्जमुक्ती योजना’ अंतर्गत पात्र शेतकरी कर्जखात्यांना लाभाची रक्कम वितरित करण्यासाठी 7 हजार कोटींच्या निधीला प्रशासकीय मान्यता दिली आहे. यासंदर्भातील शासन निर्णय सहकार विभागाने काढला आहे. योजनेतील पात्र शेतकऱ्यांची रक्कम थेट कर्जखात्यांत जमा करण्यात येणार आहे.
31 Jul 2026 10:00 AM (IST)
गेल्या अनेक दिवसांपासून राज्यभरात पावसाची जोरदार बॅटिंग सुरु आहे. अनेक जिल्ह्यांना पावसाने झोडपून काढले आहे. अशातच आता हवामान विभागाने अलर्ट जारी केला असून पुढील 24 तास अत्यंत महत्त्वाचे असल्याचे सांगितलं आहे. राज्यातील विविध जिल्ह्यांसाठी आज मुसळधार पावसाचा इशारा वर्तवण्यात आला आहे.
31 Jul 2026 09:20 AM (IST)
PUNE RAIN ALERT: गेल्या दोन दिवसांपासून पुण्याच्या घाटमाथ्यावर मुसळधार पाऊस सुरू असतानाच हवामान विभागाने (IMD) पुणे जिल्ह्यासाठी 'रेड अलर्ट' जारी केला आहे. पुढील दोन ते चार दिवस पुणे शहर आणि जिल्हाभरात मुसळधार ते अतिमुसळधार पावसाची दाट शक्यता वर्तवण्यात आली असून, प्रशासनाने नागरिक व पर्यटकांना सतर्कतेचा इशारा दिला आहे.हवामान विभागाच्या अंदाजानुसार, पुणे आणि नाशिक जिल्ह्यांतील घाटमाथ्यावर पुढील ४८ तासांत अतिमुसळधार म्हणजेच ढगफुटीसदृश पाऊस कोसळण्याची शक्यता आहे.
धरणांतून विसर्ग: मुसळधार पावसामुळे खडकवासला धरणातून ५,७०० क्युसेक वेगाने मुठा नदीपात्रात पाण्याचा विसर्ग सुरू करण्यात आला आहे.
नदीकाठच्या भागांना इशारा: पावसाचा वाढता जोर लक्षात घेता नदीकाठच्या रहिवाशांना सुरक्षित स्थळी राहण्याचे व खबरदारी घेण्याचे निर्देश देण्यात आले आहेत.
31 Jul 2026 09:15 AM (IST)
ZILLA PARISHAD ELECTION: राज्यात दीर्घकाळापासून रखडलेल्या जिल्हा परिषद निवडणुकांचा मार्ग अखेर मोकळा होण्याची चिन्हे दिसत आहेत. राज्य सरकारने सर्वोच्च न्यायालयात निवडणुका घेण्याची तयारी दर्शवल्यामुळे यंदा डिसेंबर महिन्यात जिल्हा परिषदेच्या निवडणुका पार पडण्याची दाट शक्यता वर्तवली जात आहे. मात्र, या निवडणुका ५० टक्के आरक्षणाच्या मर्यादेत घेतल्या गेल्यास अनेक जिल्ह्यांतील आरक्षणाची राजकीय गणिते आणि समीकरणे मोठ्या प्रमाणात बदलू शकतात.
नागपूर जिल्हा परिषदेत मोठे फेरबदल संभव
आरक्षणाच्या या ५० टक्के मर्यादेचा सर्वाधिक फटका आणि परिणाम नागपूर जिल्हा परिषदेवर दिसून येण्याची शक्यता आहे.
एकूण गट (जागा): ५७
आरक्षित जागा: ३३
राज्य निवडणूक आयोगाने निश्चित केलेल्या सध्याच्या निकषांनुसार ३३ आरक्षित जागांपैकी इतर मागास प्रवर्गासाठी (OBC) १५ जागा, अनुसूचित जातीसाठी (SC) १० जागा आणि अनुसूचित जमातीसाठी (ST) ८ जागा राखीव ठेवण्यात आल्या आहेत. न्यायालयाच्या अंतिम निर्णयानुसार या आरक्षण रचनेत फेरबदल झाल्यास राजकीय पक्षांची रणनीती पूर्णपणे बदलणार आहे.
31 Jul 2026 09:05 AM (IST)
COMMONWEALTH GAMES: ग्लास्गो येथे सुरू असलेल्या २३ व्या राष्ट्रकुल स्पर्धांचे (Commonwealth Games 2026) आव्हान आता अंतिम टप्प्यात पोहोचले आहे. २३ जुलैपासून सुरू झालेल्या या क्रीडामहोत्सवाचा आज ९ वा दिवस असून भारतीय खेळाडू अॅथलेटिक्स, बॉक्सिंग, ज्युदो, लॉन बॉल्स आणि ट्रॅक सायकलिंग या प्रमुख खेळांमध्ये आपले आव्हान सादर करणार आहेत. आजच्या दिवशी भारतीय क्रीडाप्रेमींचे लक्ष प्रामुख्याने भालाफेक (Javelin Throw) स्टार नीरज चोप्राच्या अंतिम सामन्यावर असणार आहे. त्याच्याकडून भारताला सुवर्णपदकाची मोठी अपेक्षा आहे.
