Maharashtra Breaking News Updates Today:
06 Jun 2026 10:40 AM (IST)
दिल्ली पोलिसांनी कॉकरोच जनता पार्टीला (सीजेपी) जंतर मंतरवर आंदोलन करण्याची परवानगी दिली आहे. सीजेपीने आपल्या समर्थकांना जंतर मंतरवर शांततापूर्ण निदर्शनासाठी परवानगी मागण्याकरिता शनिवारी सकाळी ९ वाजता पार्लमेंट स्ट्रीट पोलीस स्टेशनबाहेर जमण्याचे आवाहन केले होते. दिल्ली उच्च न्यायालयाने यापूर्वी या आंदोलनाला आव्हान देणाऱ्या याचिकेवर तातडीची सुनावणी घेण्यास नकार दिला होता, त्यामुळे प्रस्तावित निदर्शनासाठी कोणताही कायदेशीर अडथळा उरला नव्हता.
06 Jun 2026 10:30 AM (IST)
बिहारसह संम्पूर्ण राज्यात प्रसिद्ध असलेले कोचिंग क्लासचे शिक्षक म्हणून खान सरांना ओळखले जाते.दरम्यान, त्यांच्या कोचिंग सेंटरवर झालेल्या गोळीबारमुळे पुन्हा एकदा चर्चेत आले आहेत. अशा परिस्थितीत, आज आम्ही तुम्हाला सांगणार आहोत की, कधीकाळी केवळ ४० रुपये कमावणारे खान सर आज कोट्यवधींचे मालक कसे बनले आणि फैजल खान यांचा ‘खान सर’ बनण्यापर्यंतचा हा प्रवास कसा होता.
06 Jun 2026 10:21 AM (IST)
06 Jun 2026 10:20 AM (IST)
‘भाभीजी घर पर है’ फेम अभिनेत्री शिल्पा शिंदे सध्या चर्चेत आहे. याचे कारण तिच्याभोवती निर्माण झालेला वाद आहे. काही वर्षांपूर्वी शिल्पा शिंदेने ‘भाभीजी घर पर है’ चे निर्माते संजय कोहली यांच्या विरोधात लैंगिक छळाचा गुन्हा दाखल केला होता. मात्र, अलीकडेच या अभिनेत्रीने आपला गुन्हा खोटा असल्याचे कबूल केले. तेव्हापासून शिल्पा शिंदे वादात अडकली आहे. आता, एआयसीडब्ल्यूएने (AICWA) महाराष्ट्राचे मुख्यमंत्री देवेंद्र फडणवीस यांच्याकडे या खोट्या लैंगिक छळाच्या प्रकरणासंदर्भात कठोर कारवाईची मागणी केली आहे. यानंतर, हा मुद्दा पुन्हा चर्चेत आला आहे.
06 Jun 2026 10:10 AM (IST)
पुण्यातील कुख्यात गुंड निलेश घायवळ हा सध्या परदेशात फरार आहे. त्याला पकडण्यासाठी पुणे पोलिसांनी लुकआऊट नोटीस जारी केली आहे. पुण्यात निलेश घायवळ आणि त्याचा भाऊ सचिन घायवळ याच्यावर गुन्हे दाखल करण्यात आले होते. गुन्हा दाखल झाल्यावर मोक्का कारवाई करण्यात आली. मात्र खोट्या पासपोर्टवरती निलेश घायवळ हा परदेशात पळून गेला. त्याला शोधण्यासाठी आंतरराष्ट्रीय स्तरावर पुणे पोलीस प्रयत्न करत आहेत. मात्र अजून ही निलेश घायवळचा शोध लागला नाही. आता पोलिसांनी मोठी कारवाई केली आहे. त्याचा भाऊ सचिन घायवळ याला राजस्थान मधून अटक करण्यात आली आहे. खंडणीच्या गुन्ह्यात त्याला ताब्यात घेण्यात आल आहे. त्याला ९ तारखे पर्यंत पोलीस कोठडी सुनावण्यात आली आहे. पोलीस कोठडीत सचिन घायवळ याने मोठी कबुली दिली आहे.
06 Jun 2026 09:59 AM (IST)
युट्यूबने दिलेल्या माहितीनुसार, आता होम ऑप्शनजवळ यूजर्सना कस्टम फीड चिप पाहायला मिळणार आहे. या पर्यायावर टॅप केल्यानंतर स्क्रीनवर एक टेक्स्ट बॉक्स ओपन होईल. यामध्ये यूजर्सना सांगावे लागेल की त्यांना कोणत्या प्रकारचा कंटेट पाहायला आवडतो. यामध्ये तुम्ही एखादा ठरावीक विषय किंवा एक व्यापक कल्पना नमूद करू शकता. गूगल देखील यामध्ये सूचना देऊन तुम्हाला मदत करणार आहे. यानंतर तुम्ही दिलेल्या प्रॉम्प्टच्या आधारवर यूट्यूबचे एआय सिस्टिम तुमच्यासाठी कस्टम फीड तयार करणार आहे. यूजर्स हा प्रॉम्प्ट कधीही एडीट करू शकतात. तसेच यामध्ये त्यांच्या आवडीचे विषय देखील जोडू शकणार आहेत.
06 Jun 2026 09:50 AM (IST)
मुंबईतील मांडवी येथील शासकीय औद्यगिक प्रशिक्षण संस्थाच्या नामांतराचा मुद्दा आता चिघळण्याची शक्यता आहे. सरकारकडून या आयटीआयला दोन वर्षांपूर्वी देशाचे माजी राष्ट्रपती डॉ. ए.पी.जे अब्दुल कलाम यांचे नाव देण्यात आले असून या नावाला स्थानिक आमदार अमीन पटेल यांच्याकडून विरोध करण्यात आला आहे. पटेल यांनी या आयटीआयला हाजी अब्दुल रहमान शाह बाबा असे करावा, असा प्रस्ताव कौशल्य विकास विभागाकडे दिला असून हा प्रकार कलाम याचा नाव पुसण्याचा प्रयत्न असल्याची टीका मंत्री मंगलप्रभात लोढा यांनी शुक्रवारी एक्सवरुन केली.
06 Jun 2026 09:40 AM (IST)
मध्य पूर्वेमध्ये (Middle East) सुरू असलेला तणाव आता अत्यंत धोकादायक वळणावर पोहोचला आहे. शांतता प्रस्थापित करण्याचे सर्व आंतरराष्ट्रीय प्रयत्न धुळीस मिळवत अमेरिका आणि इराणचे सैन्य अखेर एकमेकांसमोर शिंगे रोखून उभे ठाकले आहे. जागतिक व्यापारासाठी अत्यंत महत्त्वाच्या मानल्या जाणाऱ्या ‘होर्मुझच्या सामुद्रधुनी’त (Strait of Hormuz) दोन्ही देशांच्या नौदलामध्ये आणि हवाई दलामध्ये थेट लष्करी चकमक उडाली आहे. अमेरिकेच्या सेंट्रल कमांडने (CENTCOM) दिलेल्या माहितीनुसार, इराणच्या आक्रमक हालचालींना चोख प्रत्युत्तर देत अमेरिकेने मोठी लष्करी कारवाई केली आहे, ज्यामुळे संपूर्ण आखाती प्रदेशात युद्धाचा भडका उडाला आहे.
06 Jun 2026 09:30 AM (IST)
भारताचा युवा ग्रँडमास्टर आर. प्रज्ञानानंद याने नॉर्वे बुद्धिबळ २०२६ चे विजेतेपद जिंकून इतिहास रचला आहे. हा २० वर्षीय खेळाडू ही स्पर्धा जिंकणारा पहिला भारतीय खेळाडू ठरला आहे. अंतिम फेरीत जर्मनीच्या व्हिन्सेंटला पराभूत केल्याचे पाहिला मिळाले. या स्पर्धेत जागतिक क्रमवारीत अव्वल असलेल्या कार्लसेनला दोनदा हरवले. आता प्रज्ञानानंद याने नॉर्वे बुद्धिबळ २०२६ चे विजेतेपद जिंकले आहे.
06 Jun 2026 09:23 AM (IST)
"सर्वात वाईट परिस्थितीसाठी तयार राहणे म्हणजे अभिजीत दीपके यांना विमानतळावर अटक होण्याची शक्यता लक्षात घेऊन तयार राहणे. जर तसे झाले, तर आपण उपोषणासाठीही तयार असले पाहिजे." असे सूचक विधान शिक्षण तज्ज्ञ आणि सामाजिक कार्यकर्ते सोनम वांगचूक यांनी केलं आहे
06 Jun 2026 09:19 AM (IST)
दोन्ही भावांनी हा विला तयार करण्यासाठी ऋषिकेश या ठिकाणाची निवड केली. ऋषिकेशला विमान, रेल्वे तसेच रस्ते मार्गावरुन जाता येते. नवी मुंबईपासून याचे अंतर १,३५० किमी आहे. गंगा नदीच्या किनाऱ्यावर वसलेले हे शहर ऐतिहासिकरित्या फार लोकप्रिय आहे. हे एक प्रसिद्ध तीर्थक्षेत्र आहे जिथे नेहमीच पर्यटकांची रेलचेल असते. मागील काही काळापासून हे ठिकाण कॅफे, कार्पोरेट आणि वेलनेस स्ट्रीटचे हब बनले आहे, बहुधा हेच कारण आहे की दोन्ही भावांनी आपल्या विलासाठी या ठिकाणाची निवड केली.
06 Jun 2026 09:01 AM (IST)
पार्लमेंट स्ट्रीट पोलीस ठाण्याबाहेर मोठ्या संख्येने पोलीस आणि निमलष्करी दलाचे जवान तैनात करण्यात आले आहेत. नवी दिल्ली परिसरात सुरक्षेसाठी हजारो जवान तैनात करण्यात आले आहेत. पोलिसांनी या भागात येणारे प्रमुख रस्ते बॅरिकेड्स लावून बंद केले असून, वाहनांची कसून तपासणी केल्यानंतरच त्यांना पुढे जाऊ दिले जात आहे. पार्लमेंट स्ट्रीट पोलीस ठाण्याबाहेर रस्त्याच्या पलीकडे लोकांचा एक गट जमला असून, ते घोषणाबाजी करत आपल्या मागण्यांचा निषेध करत आहेत.
06 Jun 2026 08:57 AM (IST)
जंतरमंतर येथे होणाऱ्या नियोजित आंदोलनाच्या पार्श्वभूमीवर, 'कॉकरोच जनता पार्टी'च्या (CJP) डिजिटल आघाडीचे प्रवक्ते आशुतोष रांका यांनी एक मोठे वक्तव्य केले आहे. "आजचा दिवस भारतीय राजकारणातील एक ऐतिहासिक आणि महत्त्वपूर्ण दिवस ठरेल," अशी आशा त्यांनी व्यक्त केली आहे.
जंतरमंतरवरील या आंदोलनाकडे सर्वांचे लक्ष लागून राहिले असून, या माध्यमातून पक्ष देशाच्या राजकीय पटलावर मोठी छाप पाडण्यास उत्सुक असल्याचे प्रवक्त्यांच्या या विधानावरून दिसून येत आहे.
06 Jun 2026 08:53 AM (IST)
Monsoon Alert : राज्यात पुढील काही तासांत हवामानात बदल होण्याची शक्यता असून विविध भागांत पावसाचा अंदाज व्यक्त करण्यात आला आहे. भारतीय हवामान विभागाने दिलेल्या ताज्या माहितीनुसार, मुंबईसह उत्तर कोकणातील ठाणे आणि पालघर जिल्ह्यांत आज उष्ण व दमट हवामानाचा प्रभाव कायम राहण्याची शक्यता आहे.
दरम्यान, सातारा आणि कोल्हापूर जिल्ह्यांच्या घाटमाथा परिसरात जोरदार पावसाच्या सरी कोसळण्याचा अंदाज वर्तवण्यात आला असून या भागांसाठी ‘येलो अलर्ट’ जारी करण्यात आला आहे.
याशिवाय राज्यातील अनेक भागांत मेघगर्जना, विजांचा कडकडाट आणि ताशी वेगाने वाहणाऱ्या वाऱ्यांसह पावसाची शक्यता हवामान विभागाने व्यक्त केली आहे. बदलत्या हवामानाच्या पार्श्वभूमीवर नागरिकांनी आवश्यक ती खबरदारी घेण्याचे आवाहन प्रशासनाकडून करण्यात आले आहे.
06 Jun 2026 08:50 AM (IST)
'कॉकरोच जनता पार्टी'चे संस्थापक अभिजीत दीपके यांनी दिल्लीत दाखल झाल्यानंतर ट्विट केले. "जंतर मंतरवर तुम्हा सर्वांना भेटण्यास उत्सुक आहे. पुस्तक आणि आपला तिरंगा आणायला विसरू नका! दया आणि कृतज्ञतेचे प्रतीक म्हणून पोलिसांना फुले द्या. आपण हे आंदोलन प्रेम आणि शांततेने पुढे चालू ठेवले पाहिजे!"
06 Jun 2026 08:37 AM (IST)
कॉकरोच जनता पार्टीचे अभिजीत दिपके दिल्ली विमानतळावर दाखल झाले आहेत. आज दिल्लीतील जंतर मंतर येथील नियोजित आंदोलनाच्या पार्श्वभूमीवर राजधानी दिल्लीत सुरक्षा यंत्रणा सतर्क झाल्या आहेत. 'कॉकरोच जनता पार्टी' (CJP) या ऑनलाइन सोशल मीडिया प्लॅटफॉर्मचे संस्थापक अभिजीत दीपके यांनी जंतर मंतर येथे आंदोलनाचे आवाहन केले आहे. आंदोलनाच्या घोषणेनंतर दिल्ली पोलिसांनी विस्तृत सुरक्षा व्यवस्था केली असून संवेदनशील भागांमध्ये अतिरिक्त पोलीस दल तैनात करण्यास सुरुवात केली आहे.
06 Jun 2026 08:28 AM (IST)
गेल्या काही वर्षांमध्ये एआयचा वापर आणि त्याची लोकप्रियता मोठ्या प्रमाणात वाढली आहे. प्रत्येक क्षेत्रात एआयचा वापर केला जात आहे. याचा फायदा नक्कीच होत आहे. पण एआयच्या वाढत्या वापराबाबत आता चिंता देखील व्यक्त केली जात आहे. कारण एआयच्या वाढत्या वापरासोबतच पर्यावरणावर होणारे परिणाम देखील वाढले आहेत. यामुळे २०३० पर्यंत विजेची मागणी दुप्पट होऊ शकते, तसेच २०३० पर्यंत एआय-सक्षम प्रणाली जगाच्या एकूण वीज वापराच्या अंदाजे ३ टक्के वापरू शकतात असा अहवाल आता सादर करण्यात आला आहे.
कॉकरोच जनता पार्टीचे संस्थापक अभिजीत दिपके दिल्ली विमानतळावर दाखल झाले आहेत. सूत्रांनुसार, दिल्ली पोलिसांचे पथक अभिजीत यांना विमानतळावर थांबवणार नाही. त्यांना त्यांच्या इच्छेनुसार कुठेही जाण्याची परवानगी दिली जाईल.
.png "Videos"){kind=small}
