बुधवार, 21 ऑक्टोबर 2026
मुंबई महापालिका निवडणुकीच्या २२७ प्रभाग रचनेस मंजुरी
मुंबई : राज्यातील सर्व राजकीय पक्षांनी स्थानिक स्वराज्य संस्थांची निवडणुकीची तयारी सुरू केली आहे. पण निवडणुका कधी होणार याकडेही सर्वांचे लक्ष लागले आहे. अशातच या स्थानिक स्वराज्य संस्थांच्या निवडणुकांबाबत महत्त्वाची अपडेट समोर आली आहे. सूत्रांनी दिलेल्या माहितीनुसार, मुंबई महानगरपालिकेने निवडणुकीची तयारी सुरू केली आहे. अधिकाऱ्यांना सर्वोच्च न्यायालयाच्या सुनावणीच्या दिवशी ६ मे रोजी निवडणुकीच्या तयारीत सामील होण्याचे आदेश देण्यात आले होते. सरकारी कार्यालयातील कर्मचाऱ्यांनाही केंद्रीय स्तरावरील अधिकारी पदांवर नियुक्त करण्याचे आदेश देण्यात आले आहेत. अन्यथा कारवाईचा इशाराही देण्यात आला आहे.
गेल्या काही वर्षांपासून राज्यातील स्थानिक स्वराज्य संस्थांच्या निवडणुका प्रलंबित आहेत. स्थानिक स्वराज्य संस्थांच्या निवडणुका पुढे ढकलल्यामुळे मुंबई, पुणे आणि पिंपरी चिंचवडसह राज्यातील २३ नगरपालिकांमध्ये सध्या प्रशासकीय राजवट लागू कऱण्यात आली आहेत. स्थानिक स्वराज्य संस्थांच्या निवडणुकांबाबत सर्व राजकीय पक्ष सतर्क आहेत. स्थानिक स्वराज्य संस्थांच्या निवडणुका आणि त्यातील ओबीसी आरक्षणाचा मुद्दा हा कायद्याचा विषय आहे.
सर्वोच्च न्यायालयात प्रकरण प्रलंबित असल्याने राज्यात गेल्या चार वर्षांपासून अनेक ठिकाणी स्थानिक स्वराज्य संस्थांच्या निवडणुका झालेल्या नाहीत. देशात लोकसभा निवडणुकीनंतर राज्यात विधानसभा निवडणुका झाल्या. राज्यात स्थानिक स्वराज्य संस्थांच्या निवडणुका कधी होणार याची सर्वत्र चर्चा सुरू आहे. स्थानिक स्वराज्य संस्थांमध्ये ओबीसी आरक्षणाचा मुद्दा अडकल्यामुळे राज्य सरकारने सर्वोच्च न्यायालयात याचिका दाखल केली होती. या याचिकेद्वारे न्यायालयाला निवडणुका घेण्याची विनंती करण्यात आली. ओबीसी आरक्षण असो वा नसो, निवडणुका झाल्या पाहिजेत, अशी याचिकाकर्त्यांची मागणी आहे.
एकूण नगरपालिका: २९
रद्द झालेल्या नगरपालिका: २९
एकूण नगरपरिषदा: २४३
ज्या नगरपरिषदांचा कार्यकाळ संपला आहे – २२८
एकूण नगर पंचायती: १४२
ज्या नगर पंचायतींचा कार्यकाळ संपला आहे – २९
एकूण जिल्हा परिषदा: ३४
रद्द झालेल्या जिल्हा परिषदा : २६
एकूण पंचायत समिती: ३५१
ज्या पंचायत समित्यांचा कार्यकाळ संपला आहे: २८९
महाराष्ट्रावर अवकाळी पावसाचे संकट; विदर्भाच्या अनेक जिल्ह्यात वादळी पावसाची शक्यता
