विनातिकीट प्रवाशांवर मध्य रेल्वेचा मोठा दणका; तीन महिन्यांत १०१ कोटींचा दंड वसूल

मध्य रेल्वेने विनातिकीट आणि अवैध तिकिटावर प्रवास करणाऱ्या प्रवाशांविरोधात कारवाईची मोहीम आणखी तीव्र केली आहे. यंदाच्या पहिल्या तिमाहीत कारवाई आणि दंड वसुलीत लक्षणीय वाढ नोंदवण्यात आली आहे.

(फोटो सौजन्य: Pinterest)

Follow Us:

Follow Us:

• विशेष तपासणी मोहिमांमध्ये लाखो प्रवाशांवर कारवाई करण्यात आली.
• दंडातून मिळालेल्या महसुलात गेल्या वर्षाच्या तुलनेत मोठी वाढ झाली आहे.
• वैध तिकीटाशिवाय प्रवास करणाऱ्यांवर कठोर कारवाईचा इशारा रेल्वे प्रशासनाने दिला आहे.

Travel News : काशि विश्वनाथांपासून त्र्यंबकेश्वर मंदिरापर्यंत… श्रावणात या शिवमंदिरांचे घ्या दर्शन

मुंबईसह मध्य रेल्वेच्या सर्व विभागांमध्ये विशेष तिकीट तपासणी मोहिमा, अचानक तपासणी, स्थानके सील करून तपासणी तसेच मेगा तिकीट तपासणी मोहिमा राबविण्यात आल्या. त्यामध्ये मुंबई विभागात सर्वाधिक ६.०२ लाख प्रकरणे नोंदली गेली असून, ४०.६० कोटी रुपयांचा दंड वसूल करण्यात आला. त्यापाठोपाठ भुसावळ विभागात २.६६ लाख प्रकरणांतून २८.०६ कोटी रुपये, नागपूर विभागात १.५४ लाख प्रकरणांतून १०.९१ कोटी रुपये, पुणे विभागात १.२९ लाख प्रकरणांतून ११.११ कोटी रुपये, सोलापूर विभागात ०.७० लाख प्रकरणांतून ४.१० कोटी रुपये, तर मुख्यालयाच्या पथकांनी ०.६५ लाख प्रकरणांतून ६.४३ कोटी रुपयांचा दंड वसूल केला.

बोलावा विठ्ठल पहावा विठ्ठल…! आषाढी एकादशीनिमित्त नातेवाईक आणि प्रियजनांना पाठवा मराठमोळ्या भक्तिमय शुभेच्छा

जूनमध्येच ३.५५ लाख प्रवाशांवर कारवाई

• केवळ जून २०२६ महिन्यात ३.५५ लाख विनातिकीट अथवा अवैध तिकिटावर प्रवास करणाऱ्या प्रवाशांवर कारवाई करण्यात आली. जून २०२५ मध्ये ही संख्या ३.५४ लाख होती. यंदा जून महिन्यात २५.८५ कोटी रुपयांचा दंड वसूल झाला असून, तो गेल्या वर्षीच्या २०.८५ कोटी रुपयांच्या तुलनेत सुमारे २४ टक्क्यांनी अधिक आहे.
• रेल्वे मंत्रालयाने अलीकडेच विनातिकीट प्रवासासाठीचा किमान दंड २५० रुपयांवरून ५०० रुपये केला आहे.
  त्यानंतर मध्य रेल्वेने स्थानके, मेल-एक्स्प्रेस, पैंसेजर, विशेष गाड्या तसेच मुंबई आणि पुणे विभागातील उपनगरीय लोकलमध्ये तिकीट तपासणी मोहीम अधिक तीव्र केली आहे.
• प्रवाशांनी वैध तिकीट घेऊनच प्रवास करावा. अन्यथा नियमानुसार कठोर कारवाई करण्यात येईल, असे आवाहन मध्य रेल्वेने केले आहे.

Web Title: Central railway ticket checking drive ticketless passengers fine record recovery 2026

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com