(फोटो सौजन्य - इन्स्टाग्राम)
पंजाब राज्यातील अनेक जिल्हे सध्या पुराचा तडाखा सहन करत आहेत, ज्यामध्ये अनेक घरांना फटका बसला आहे. सरकार आणि स्थानिक लोकांकडून बचावकार्य सुरू आहे. पंजाब राज्यातील अनेक घरे अडचणीत अडकले आहेत. या भागात, पंजाबी अभिनेता आणि गायक एमी विर्कने मोठे मन दाखवत २०० पूरग्रस्त कुटुंबांना दत्तक घेतले आहे. तसेच त्यांच्यासाठी मदतीचा हात जवळ केला आहे.
एमी विर्कने स्वतःच्या मदतीची पुष्टी केली
पंजाबी अभिनेता आणि गायक एमी विर्कने इन्स्टाग्रामवर पीडितांसाठी एक पोस्ट लिहिली आणि मदतीची ऑफर दिली. अभिनेत्याने लिहिले की, ‘पंजाबमध्ये पुरामुळे झालेला विनाश पाहून आमचे मन तुटले आहे. माझ्या लोकांना छताशिवाय पाहून मी पूर्णपणे विचलित झालो आहे. आराम आणि स्थिरता आणण्याच्या आमच्या छोट्याशा प्रयत्नात, ज्यांनी सर्वस्व गमावले आहे त्यांना मदत करण्यासाठी आम्ही २०० घरे दत्तक घेत आहोत. हे फक्त निवारा नाही ते आशा, प्रतिष्ठा आणि पुन्हा सुरुवात करण्याची शक्ती देण्याबद्दल आहे.’ असे लिहून अभिनेत्याने त्यांना मोठी मदत केली आहे.
संजय दत्तनेही मदतीचे आश्वासन दिले
बॉलीवूड अभिनेता संजय दत्तने ट्विटरवर एक चिठ्ठी लिहून बाधित लोकांसोबत एकता व्यक्त केली. अभिनेत्याने म्हटले आहे की, ‘पंजाबमध्ये आलेल्या पुरामुळे झालेले नुकसान खरोखरच हृदयद्रावक आहे. मी सर्व बाधितांना शक्ती आणि प्रार्थना पाठवत आहे. मी शक्य ती सर्व मदत करेन. बाबाजी पंजाबमधील सर्वांना आशीर्वाद देवोत आणि त्यांचे रक्षण करोत.’ असे म्हणून अभिनेत्याने त्यांना मदत केली आहे.
दिग्दर्शक संजय लीला भन्साळी पुन्हा अडकले वादाच्या भोवऱ्यात, ‘या’ गंभीर कलमांखाली FIR दाखल
दिलजीतने १० गावांची जबाबदारी घेतली
दिलजीत दोसांझने त्याच्या इन्स्टाग्राम हँडलवर एक पोस्ट शेअर केली ज्यामध्ये त्याने सांगितले की या कठीण काळात, काही स्वयंसेवी संस्थांसोबत, त्याने पंजाबमधील १० गावांची संपूर्ण जबाबदारी घेतली आहे. त्याचे सांझ फाउंडेशन लोकांना तंबू, औषधे आणि सौर दिवे पुरवत आहे. अभिनेत्याची ही मदत गावकऱ्यांसाठी खूप मोठी आहे.
VIDEO | Mohali: Punjabi singer Jasbir Jassi (@JJassiOfficial) on flood situation and relief work in Punjab, says, “Kapil Sharma has been calling me… he said ‘whatever help is required please let me know’. He has provided boats and other things… we have now kept him on hold.… pic.twitter.com/4r9ZbKnzWG — Press Trust of India (@PTI_News) September 2, 2025
हिमांशी खुराणाने १० घरे दत्तक घेतली
पंजाबी अभिनेत्री-गायिका हिमांशी खुराणाही मदत कार्यात सहभागी झाली. तिने १० कुटुंबांच्या पुनर्वसनात मदत करण्याचे आश्वासन दिले. इन्स्टाग्रामवर एक पोस्ट शेअर करताना तिने लिहिले की, “आज पंजाबची अशी अवस्था पाहून प्रत्येक पंजाबीचे मन नाराज झाले आहे. आपण आपला पंजाब पूर्वीसारखा बनवू. माझ्या क्षमतेनुसार पूरग्रस्त भागातील १० कुटुंबांच्या पुनर्वसनात मी मदत करण्यासाठी योगदान देईन. या विनाशकारी पूर परिस्थितीत आपण सर्वांनी एकत्र येऊन उपाय शोधण्याची गरज आहे. सर्व सेलिब्रिटी, नेते, मीडिया, सोशल मीडिया व्यक्तिमत्त्वे आणि सामान्य जनतेने एकत्र येऊन एकमेकांना मदत केली पाहिजे. आपण पंजाबी पंजाबसोबत आहोत.”
Bigg Boss 19 : मृदुलने केले कुनिकाचे तोंड बंद, घरातल्या सदस्यांसमोर सडेतोड उत्तर! पहा Promo
जसबीर बस्सी म्हणाले- सर्वजण मदतीसाठी पुढे येत आहेत.
पंजाबी गायक जसबीर बस्सी यांनी पीटीआयला सांगितले की, ‘कपिल शर्मा मला फोन करत आहेत. त्यांनी म्हटले आहे की ‘काहीही मदत हवी असेल तर कृपया मला कळवा’. त्यांनी बोटी आणि इतर गोष्टी पुरवल्या आहेत, आम्ही त्या सध्यासाठी थांबवल्या आहेत. दिलजीत दोसांझची टीम देखील मदतीसाठी पोहोचली आहे, बब्बू मान मदत करत आहे. हरभजन मानची प्रकृती ठीक नाही, तरीही त्यांनी मदत देऊ केली आहे. सर्वजण मदतीसाठी पुढे येत आहेत. जस बाजवा मैदानावर काम करत आहेत.’
